യുവാവിനെ വെട്ടി കൊലപ്പെടുത്താന്‍ ശ്രമം: പ്രതിക്കു മൂന്നു വര്‍ഷം കഠിനതടവും 5000 രൂപ പിഴയും
ഇരിങ്ങാലക്കുട: മറ്റത്തൂര്‍ വില്ലേജ് മാങ്കുറ്റിപ്പാടം ദേശത്ത് പാലത്തറയില്‍ സുന്ദരന്‍ മകന്‍ അനീഷ് (22) എന്ന യുവാവിനെ വെട്ടി കൊലപ്പെടുത്തുവാന്‍ ശ്രമിച്ച കേസില്‍ നാലാം പ്രതിയായ മറ്റത്തൂര്‍ കൊരേച്ചാല്‍ കണമംഗലത്ത് വീട്ടില്‍ സന്തോഷ് (46) എന്നയാളെ കുറ്റക്കാരനെന്നു കണ്ട് ഇരിങ്ങാലക്കുട പ്രിന്‍സിപ്പല്‍ അസിസ്റ്റന്റ് സെഷന്‍സ് ജഡ്ജ് കെ. ഷൈന്‍ മൂന്നു വര്‍ഷം കഠിനതടവിനും 5000 രൂപ പിഴയും ശിക്ഷ വിധിച്ചു. മാങ്കുറ്റിപ്പാടം കലിക്കല്‍ മുത്തി ക്ഷേത്ര ഉത്സവസ്ഥലത്ത് ഉണ്ടായ വഴക്കിനെ തുടര്‍ന്നുള്ള മുന്‍വിരോധം വെച്ച് 2014 ഫെബ്രുവരി 23 നു രാത്രി 10.30 നു അതിക്രമിച്ചു കയറി പ്രതികള്‍ മാരകായുധങ്ങള്‍ കൊണ്ടു അനീഷ് എന്നയാളെ വെട്ടി പരിക്കേല്‍പ്പിച്ച കേസിലാണു പ്രതിയെ ശിക്ഷിച്ചത്. കൊടകര പോലീസ് എസ്‌ഐ ആയിരുന്ന സുമേഷിന്റെ നേതൃത്വത്തിലാണു അന്വേഷണം നടത്തി കുറ്റപത്രം സമര്‍പ്പിച്ചത്. കേസില്‍ പ്രോസിക്യൂഷന്‍ ഭാഗത്തുനിന്നും 13 സാക്ഷികളെ വിസ്തരിക്കുകയും 17 രേഖകള്‍ ഹാജരാക്കുകയും ചെയ്തിട്ടുണ്ട്. കേസില്‍ പ്രോസിക്യൂഷനു വേണ്ടി അഡീഷണല്‍ പബ്ലിക് പ്രോസിക്യൂട്ടര്‍ പി.ജെ. ജോബി, അഡ്വക്കേറ്റുമാരായ ജിഷ ജോബി, വി.എസ്. ദിനല്‍, കെ.എസ്. അര്‍ജുന്‍ എന്നിവര്‍ ഹാജരായി.
About Author
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ബൈക്കുകളും സൈക്കിളും ലക്ഷ്യമിട്ടു കുട്ടി മോഷ്ടാക്കള്‍ പെരുകുന്നു 
തളിക്കുളം ഹാഷിദ കൊലപാതകം; പ്രതിയായ ഭര്‍ത്താവിന് ജീവപര്യന്തം തടവിനും 1,51,500 രൂപ പിഴ ഒടുക്കുന്നതിനും ശിക്ഷ വിധിച്ചു 
മൂര്‍ക്കനാട് ഇരട്ട കൊലപാതക ക്കേസിലെ പ്രതിയെ കാപ്പ ചുമത്തി തടങ്കലിലാക്കി 
തളിക്കുളം ഹാഷിദ കൊലക്കേസ്: പ്രതിയായ ഭര്‍ത്താവ് കുറ്റക്കാരനെന്ന് കോടതി; വിധി വെള്ളിയാഴ്ച 
ആനീസ് കൊല ചെയ്യപ്പെട്ടിട്ട് ഇന്നേക്ക് അഞ്ച് വര്‍ഷം, പ്രതികള്‍ ഇന്നും കണാമറയത്ത് 
