വിസ തട്ടിപ്പ്; യുവതിയും സുഹൃത്തും അറസ്റ്റില്‍
നിമ്മി, അഖില്‍.
ആളൂര്‍: വിസ തട്ടിപ്പു കേസില്‍ യുവതിയും സുഹൃത്തും അറസ്റ്റില്‍. ആളൂര്‍ സ്വദേശിയായ യുവാവിന് യു.കെ യിലേക്ക് ജോബ് വിസ ശരിക്കിത്തരാമെന്നു വിശ്വസിപ്പിച്ചാണ് ഇവര്‍ ലക്ഷങ്ങള്‍ തട്ടിച്ചടുത്തത്. പുത്തന്‍ചിറ സ്വദേശിനി പൂതോളി പറമ്പില്‍ നിമ്മി (30), സുഹൃത്ത് പത്തനാപുരം സ്വദേശി അധികാരത്ത് വീട്ടില്‍ അഖില്‍ (34) എന്നിവരെയാണ് റൂറല്‍ എസ്പി ബി. കൃഷ്ണകുമാറിന്റെ നിര്‍ദ്ദേശപ്രകാരം ഇരിങ്ങാലക്കുട ഡിവൈഎസ്പി കെ.ജി. സുരേഷും ഇന്‍സ്‌പെക്ടര്‍ കെ.എം. ബിനീഷും സംഘവും പിടികൂടിയത്.
കുറച്ചു നാളായി ചെങ്ങമനാട് വാടകയ്ക്ക് താമസിക്കുകയായിരുന്ന ഇവരെ പോലീസ് സംഘം രഹസ്യമായി അന്വേഷിച്ചു വരികയായിരുന്നു. ഇന്നലെ രാവിലെ ഇരുചക്ര വാഹനത്തില്‍ സഞ്ചരിക്കുകയായിരുന്ന ഇരുവരെയും ഡിവൈഎസ്പി കെ.ജി. സുരേഷിന്റെ നിര്‍ദ്ദേശപ്രകാരം അന്വേഷണ സംഘാംഗം മഫ്തിയില്‍ പിന്‍തുടര്‍ന്നു. ഇവര്‍ മാളയില്‍ എത്തിയപ്പോള്‍ പോലീസ് സംഘം പിടികൂടുകയായിരുന്നു.
2023 ആഗസ്റ്റ് മാസം മുതല്‍ കഴിഞ്ഞ വര്‍ഷം ജനുവരി വരെയുള്ള സമയങ്ങളില്‍ പല തവണയായി ലക്ഷങ്ങള്‍ ഇവര്‍ കൈക്കലാക്കിയിട്ടുണ്ട്. പന്ത്രണ്ടു ലക്ഷത്തി എണ്‍പത്തിനാലായിരം രൂപ നിമ്മിയുടെ അക്കൗണ്ടിലേക്ക് മാത്രം പരാതിക്കാരനില്‍ നിന്നു വാങ്ങിയിട്ടുണ്ടെന്നാണ് പരാതി. നിമ്മിയുടെ നിര്‍ദ്ദേശപ്രകാരം വേറെ അക്കൗണ്ടികളിലേക്കും പണം നല്‍കിയിട്ടുണ്ട്. പരാതിക്കാരനായ സജിത്തിനും രണ്ടും സുഹൃത്തുക്കള്‍ക്കും വേണ്ടി വിസ തരാമെന്നു പറഞ്ഞ് മൊത്തം ഇരുപത്തി രണ്ടു ലക്ഷത്തോളം രൂപ ഇവര്‍ കൈപറ്റിയിട്ടുണ്ട്.
കൂടുതല്‍ അന്വേഷണം നടന്നു വരുന്നു. കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു. ആളൂര്‍ ഇന്‍സ്‌പെക്ടര്‍ കെ.എം. ബിനീഷ്, എസ്ഐ കെ.എസ്. സുബിന്ദ്, ബിജു ജോസഫ്, എഎസ്ഐ ടി.ആര്‍. രജീഷ്, ഇ.പി. മിനി, സീനിയര്‍ സിപിഒ മാരായ ഇ.എസ്. ജീവന്‍, പി.ടി. ദിപീഷ്, സിപിഒ മാരായ കെ.എസ്. ഉമേഷ്, കെ.കെ. ജിബിന്‍, ഹോം ഗാര്‍ഡ് ഏലിയാസ് എന്നിവരടങ്ങിയ സംഘമാണ് ഇവരെ പിടികൂടിയത്.
About Author
ഇരിങ്ങാലക്കുട ഗവ. ഗേള്‍സ് ഹയര്‍സെക്കന്‍ഡറി സ്‌കൂളിന്റെ 134-ാം വാര്‍ഷികവും വിരമിക്കുന്നവര്‍ക്കുള്ള യാത്രയയപ്പും നല്‍കി 
സിനി ഡേവിസ് കാവുങ്ങല്‍ ഇരിങ്ങാലക്കുട രൂപത മാതൃവേദി പ്രസിഡന്റ്, സെലിന്‍ ജെയ്‌സണ്‍ സെക്രട്ടറി 
ഭരണഘടനയില്‍ കാലാനുസൃത മാറ്റങ്ങള്‍ അനിവാര്യം: എന്‍.എം. പിയേഴ്‌സണ്‍ 
ക്രൈസ്റ്റ് കോളജ് കമ്പ്യൂട്ടര്‍ സയന്‍സ് ഡിപ്പാര്‍ട്ട്‌മെന്റിന്റെ നേതൃത്വത്തില്‍ ടെക്‌നിക്കല്‍ എക്‌സ്‌പോ സംഘടിപ്പിച്ചു 
സെന്റ് ജോസഫ്‌സ് കോളജില്‍ നാഷണല്‍ സെമിനാര്‍ സംഘടിപ്പിച്ചു 
കാട്ടൂരില്‍ ഉണക്കമീന്‍ കച്ചവടത്തിന്റെ മറവില്‍ ഹാന്‍സ് വില്പന; ഇരുനൂറോളം പാക്കറ്റ് ഹാന്‍സുമടക്കം നിരോധിത പുകയില ഉല്‍പ്പന്നങ്ങള്‍ പിടികൂടി 
