എന്‍എസ്എസ് നാഷണല്‍ ഇന്‍റഗ്രേഷന്‍ ക്യാമ്പ്: ഇരിങ്ങാലക്കുട ക്രൈസ്റ്റ് കോളജിന് ഇരട്ടിമധുരം
പി.എ. ഹരിനന്ദന്, ലക്ഷ്മി എസ്.കുമാര്‍.
ഇരിങ്ങാലക്കുട: ഇരിങ്ങാലക്കുട ക്രൈസ്റ്റ് കോളജില്‍നിന്ന് എന്‍എസ്എസ് വോളണ്ടിയര്‍മാരായ പി.എ. ഹരിനന്ദനും ലക്ഷ്മി എസ്.കുമാറിനും ഒഡീഷ്യയിലെ ബെര്‍ഹാംപുര്‍ യൂണിവേഴ്‌സിറ്റിയില്‍ മിനിസ്ട്രി ഓഫ് യൂത്ത് അഫയേഴ്‌സ് ആന്‍ഡ് സ്‌പോര്‍ട്‌സ് നടത്തുന്ന നാഷണല്‍ ഇന്‍റഗ്രേഷന്‍ ക്യാമ്പില്‍ പങ്കെടുക്കാന്‍ അവസരം. എടക്കുളം സ്വദേശികളായ പട്ടശേരിവീട്ടില്‍ അനീഷ് – ജാസ്മി ദമ്പതികളുടെ മകന്‍ പി.എ. ഹരിനന്ദന്, കൊടുങ്ങല്ലൂര്‍ ശൃംഗപുരം സ്വദേശികളായ പുത്തന്‍കോവിലകം ശ്രീകുമാര്‍ – ലേഖ എന്നിവരുടെ മകള്‍ ലക്ഷ്മി എസ്.കുമാര്‍ എന്നിവര്‍ക്കാണ് ഈ സുവര്‍ണാവസരം കൈവന്നിരിക്കുന്നത്. കാലിക്കട്ട് യൂണിവേഴ്‌സിറ്റി എന്‍എസ്എസ് സെല്ലിന്‍റെ നേതൃത്വത്തില്‍ ജില്ലാതലത്തില്‍ മത്സരപരീക്ഷ,
ഗ്രൂപ്പ് ഡിസ്‌കഷന്‍ എന്നിവയും തുടര്‍ന്ന് യൂണിവേഴ്‌സിറ്റിതലത്തില്‍ അഭിമുഖവും നടത്തിയാണ് ഇരുവരെയും തെരഞ്ഞെടുത്തത്. കാലിക്കട്ട് യൂണിവേഴ്‌സിറ്റി കോഴിക്കോട് ജില്ലാ കോ – ഓര്‍ഡിനേറ്ററായ ഫൈസല്‍ അഹമ്മദിന്‍റെ നേതൃത്വത്തില്‍ യൂണിവേഴ്‌സിറ്റിയുടെ കീഴിലുള്ള വിവിധ കോളജുകളില്‍നിന്നായി ആറ് എന്‍എസ്എസ് വോളണ്ടിയര്‍മാരാണ് കേരളത്തെ പ്രതിനിധീകരിച്ച് ക്യാമ്പിലേക്ക് തെരഞ്ഞെടുക്കപ്പെട്ടത്. ജനുവരിയില്‍ നാഷണല്‍ യൂത്ത് ഫെസ്റ്റിവലിന്‍റെ ഭാഗമായി ന്യൂഡല്‍ഹിയിലെ ഭാരത് മണ്ഡപത്തില്‍വച്ച് നടന്ന വികസിത് ഭാരത് യംഗ് ലീഡേഴ്‌സ് ഡയലോഗ് 2025 എന്ന പരിപാടിയില്‍ പ്രധാനമന്ത്രിയുമായി സംവദിക്കാനുള്ള അവസരവും എടക്കുളം സ്വദേശി ഹരിനന്ദന് ലഭിച്ചിരുന്നു.
About Author
കത്തീഡ്രല്‍ കെസിവൈഎം ഭാഗവാഹികള്‍ ചുമതലയേറ്റു 
വിപുലീകരിച്ച മുരിയാട് കുന്നത്തറ ലിഫ്റ്റ് ഇറിഗേഷന്‍ സമര്‍പ്പിച്ചു 
ഇരിങ്ങാലക്കുട സെന്റ് തോമസ് കത്തീഡ്രലില്‍ വിഭൂതി തിരുനാള്‍ ആഘോഷിച്ചു 
ഇരിങ്ങാലക്കുട അന്താരാഷ്ട്ര ചലച്ചിത്രമേള മലയാളത്തിലെ പുതുതലമുറ സംവിധായകരുടെ ചിത്രങ്ങള്‍ 
കെഎസ്ടിപി റോഡ് നിര്‍മാണം; കുടിവെള്ളക്ഷാമം ഉടന്‍ പരിഹരിക്കാന്‍ ഉദോഗസ്ഥര്‍ക്ക് നിര്‍ദേശംനല്‍കി: മന്ത്രി ബിന്ദു 
മുക്കുപണ്ടം പണയപ്പെടുത്തല്‍; കാറളം ബാങ്കിനുമുന്നില്‍ ബിജെപി ജാഗ്രതാ പ്രക്ഷോഭം സംഘടിപ്പിച്ചു 
