ഇരിങ്ങാലക്കുട സെന്റ് തോമസ് കത്തീഡ്രലില് വിഭൂതി തിരുനാള് ആഘോഷിച്ചു
വിഭൂതി തിരുനാളിനോടനുബന്ധിച്ച് ഇരിങ്ങാലക്കുട സെന്റ് തോമസ് കത്തീഡ്രലില് നടന്ന തിരുകര്മങ്ങള്ക്കിടെ ബിഷപ് മാര് പോളി കണ്ണൂക്കാടന് വിശ്വാസികളുടെ നെറ്റിയില് കരിക്കുറി വരയ്ക്കുന്നു.
ഇരിങ്ങാലക്കുട: യേശുവിന്റെ ഉയിര്പ്പ് തിരുനാളിന് (ഈസ്റ്റര്) ഒരുക്കമായി ക്രൈസ്തവര് അമ്പത് നോമ്പാചരണം (വലിയ നോമ്പ്) തുടങ്ങി. നോമ്പിന് തുടക്കം കുറിച്ച് ക്രൈസ്തവര് തിങ്കളാഴ്ച വിഭൂതി തിരുനാള് ആചരിച്ചു. ഇരിങ്ങാലക്കുട സെന്റ് തോമസ് കത്തീഡ്രല് ദേവാലയത്തില് നടന്ന തിരുനാള്ദിന തിരുകര്മങ്ങള്ക്കു ബിഷപ് മാര് പോളി കണ്ണൂക്കാടന് മുഖ്യകാര്മികത്വം വഹിച്ചു. വികാരി റവ.ഡോ. ലാസര് കുറ്റിക്കാടന്, അസിസ്റ്റന്റ് വികാരി ഫാ. ബെല്ഫിന് കോപ്പുള്ളി, ബിഷപ് സെക്രട്ടറി ഫാ. അനൂപ് പാട്ടത്തില്, ഫാ. ഡിന്റോ പ്ലാക്കല് എന്നിവര് സഹകാര്മികരായിരുന്നു. പഴയ നിയമകാലത്ത് ഭൗതീകതയോടുള്ള വിരക്തിയുടെ പ്രതീകമായി ദേഹത്ത് ചാരംപൂശിയാണ് നോമ്പനുഷ്ഠിച്ചിരുന്നത്. ഇതിന്റെ അനുസ്മരണമായി നെറ്റിയില് ചാരംകൊണ്ടുള്ള കരിക്കുരിശ് വരയ്ക്കുന്ന ക്രിസ്തീയ അനുഷ്ഠാനമാണ് കുരിശുവര തിരുനാള് എന്ന വിഭൂതി തിരുനാള്. പാതിനോമ്പ്, നാല്പതാം വെള്ളി, പെസഹാവ്യാഴം, ദുഃഖവെള്ളി, ഉയിര്പ്പ് ഞായര് തുടങ്ങിയ പ്രത്യേക ദിവസങ്ങള് അമ്പത് നോമ്പിന്റെ ഭാഗമാണ്.
About Author
പച്ചക്കറിത്തൈകള് വിതരണം ചെയ്തു 
ഇരിങ്ങാലക്കുട ബൈപാസ് റോഡ്; തകര്ന്ന ഭാഗം കട്ട വിരിച്ച് നവീകരിക്കുന്നു 
ഇന്നലെ കരൂപ്പടന്ന പാലത്തിനു സമീപം കാറുമായി കൂട്ടിയിടിച്ചുണ്ടായ അപകടത്തില് തകര്ന്ന ഓട്ടോറിക്ഷ 
മൂര്ക്കനാട് സെന്റ് ആന്റണീസ് ദേവാലയത്തില് തിരുനാള് ആഘോഷിച്ചു 
സ്നേഹത്തിന്റെ സന്ദേശം പ്രസരിപ്പിക്കുന്നതില് ക്രൈസ്തവ സമൂഹത്തിന് വലിയ പങ്ക്: മന്ത്രി ഡോ. ആര്. ബിന്ദു 
ആളൂരിലെ വടുവന് തോട്ടില് അനധികൃത തടയണ; വെള്ളത്തില് മുങ്ങി കൃഷിയിടങ്ങള്