ചെസ് പരിശീലന ക്യാമ്പ് അവസാനിച്ചു
ഇരിഞ്ഞാലക്കുട: നഗരസഭയുടെ കീഴില് അഞ്ചു വയസിനും 15 വയസിനും ഇടയില് ഉള്ളവര്ക്കായി നടന്നുവന്നിരുന്ന സൗജന്യ ചെസ് പരിശീലന ക്യാമ്പ് അവസാനിച്ചു. പതിനൊന്നു ദിവസം നീണ്ടുനിന്ന ക്യാമ്പില് 84 കുട്ടികള് പങ്കെടുത്തു. പങ്കെടുത്ത കുട്ടികള്ക്ക് എല്ലാവര്ക്കും ഒരു ചെസ് ഹാന്ഡ് ബുക്കും സര്ട്ടിഫിക്കറ്റുകളും സമ്മാനിച്ചു. ക്യാമ്പിനെ സമാപനത്തോടനുബന്ധിച്ചു സബ്ജൂണിയര് ചെസ് ചാമ്പ്യന്ഷിപ്പ് സംഘടിപ്പിച്ചു. 15 വയസിനു താഴെയുള്ളവരുടെ ആണ്കുട്ടികളുടെ വിഭാഗത്തില് മാസ്റ്റര് ഹെര്ഷല് ഉം പെണ്കുട്ടികളുടെ വിഭാഗത്തില് വി.എം. നിവേദ്യ, പതിനൊന്നു വയസിനു താഴെയുള്ളവരുടെ ആണ്കുട്ടികളുടെ വിഭാഗത്തില് വി.എസ്. വിഗ്നേഷ്, പെണ്കുട്ടികളുടെ വിഭാഗത്തില് അമേയ എസ്. നെല്ലിപറമ്പില്, ഒന്പത് വയസിനു താഴെയുള്ളവരുടെ ആണ്കുട്ടികളുടെ വിഭാഗത്തില് ആല്ബിന് ബിനു, പെണ്കുട്ടികളുടെ വിഭാഗത്തില് അരുന്ധതി എന്നിവര് ഒന്നാം സ്ഥാനം നേടി. നഗരസഭ ചെയര്പേഴ്സണ് സോണിയാ ഗിരി സമ്മാനങ്ങള് വിതരണം ചെയ്തു. മുനിസിപ്പാലിറ്റി സ്റ്റാന്ഡിംഗ് കമ്മിറ്റി ചെയര്മാനും പ്രോഗ്രാം കോര്ഡിനേറ്ററുമായ ജെയ്സണ് പാറേക്കാടന് അധ്യക്ഷത വഹിച്ചു. വാര്ഡ് കൗണ്സിലര്മാരായ സിജു യോഹന്നാന് സ്വാഗതവും സഞ്ജയ് നന്ദിയും പറഞ്ഞു. ചെസ് അസോസിയേഷന് ജില്ലാ സെക്രട്ടറി പീറ്റര് ജോസഫ്, ശരത്, ശ്യാം, പി.ആര്. രചന, കുമാരി ജനില ജോബി എന്നിവര് ക്ലാസുകള്ക്ക് നേതൃത്വം നല്കി.

തൃശൂര് റൂറല് ജില്ലാ പോലീസ് ജനമൈത്രി പോലീസിന്റെ പ്രസിഡന്റായി ടെല്സണ് കോട്ടോളി തെരഞ്ഞെടുക്കപ്പെട്ടു
മാലിന്യക്കൂമ്പാരത്തില്നിന്ന് കിട്ടിയ സ്വര്ണലോക്കറ്റ് ഉടമയ്ക്ക് തിരികെ നല്കി; സത്യസന്ധതയുടെ തിളക്കമായി ഹരിതകര്മസേനാംഗം
പ്രഥമ സേവന് ജ്യോതി പുരസ്കാരം ഫാ. ജോണ് കവലക്കാട്ടിന്
ശാസ്ത്രസ്വപ്നങ്ങള്ക്ക് ചിറകുനല്കി കുരുന്നുപ്രതിഭകള്നൂതന ആശയങ്ങളും വിസ്മയാവിഷ്കാരങ്ങളുമായി തൃശൂര് റവന്യൂ ജില്ലാ സ്കൂള് ശാസ്ത്രോത്സവത്തിന് തുടക്കം
ജില്ലാ ശാസ്ത്രമേളയില് ഹരിതസന്ദേശവുമായി സ്റ്റുഡന്റ് പോലീസ് കേഡറ്റുകള്
16-ാം മത് തൃശൂര് റവന്യൂ ജില്ല സ്കൂള് ശാസ്ത്രോത്സവം നാളെയും മറ്റന്നാളും ഇരിങ്ങാലക്കുടയില്