ലയണ്‍സ് ക്ലബ് ഇന്റര്‍നാഷണല്‍ 318ഡി കര്‍മ്മ ശ്രേഷ്ഠ പുരസ്‌കാരം ജോണ്‍സണ്‍ കോലങ്കണ്ണിക്ക് സമ്മാനിച്ചു
ഇരിങ്ങാലക്കുട: 2021 22 വര്‍ഷത്തെ ലയണ്‍സ് ക്ലബ് ഇന്റര്‍നാഷണല്‍ 318ഡി കര്‍മ്മ ശ്രേഷ്ഠ പുരസ്‌കാരം കൊമ്പിടിഞ്ഞമാക്കല്‍ ലയണ്‍സ് ക്ലബ് അംഗം ജോണ്‍സണ്‍ കോലങ്കണ്ണിക്ക് സമ്മാനിച്ചു. 2021 22 വര്‍ഷകാലയളവില്‍ ഇദ്ദേഹം നടത്തിയിട്ടുള്ള വിവിധങ്ങളായ പ്രവര്‍ത്തനങ്ങളുടേയും പ്രത്യേകമായി മെഡിക്കല്‍ ക്യാമ്പുകളുടെ സംഘാടന മികവിനാണ് പുരസ്‌കാരം. ഏകദേശം 60 ഓളം മെഡിക്കല്‍ ക്യാമ്പുകളാണ് ഇദ്ദേഹം ഈ കാലയളവില്‍ സംഘടിപ്പിച്ചത്. കഴിഞ്ഞ 16 വര്‍ഷങ്ങളിലായി 1300 ഓളം മെഡിക്കല്‍ ക്യാമ്പുകളാണ് ജോണ്‍സണ്‍ കോലങ്കണ്ണി സംഘടിപ്പിച്ചത്. തൃശൂര്‍ കിണറ്റിങ്ങല്‍ ടെന്നീസ് കോര്‍ട്ട് ഹാളില്‍ നടന്ന അവാര്‍ഡ്ദാന സമ്മേളനത്തില്‍ വച്ച് മുന്‍ ഡിസ്ട്രിക്ട് ഗവര്‍ണറും മള്‍ട്ടിപ്പിള്‍ കൗണ്‍സില്‍ സെക്രട്ടറിയുമായ ജോര്‍ജ് മൊറോലി ജോണ്‍സണ്‍ കോലങ്കണ്ണിക്ക് പുരസ്‌കാരം കൈമാറി. അവാര്‍ഡ്ദാന സമ്മേളനം
ലോറല്‍സ് മുന്‍ ഇന്റര്‍നാഷണല്‍ ഡയറക്ടര്‍ വി.പി. നന്ദകുമാര്‍ ഉദ്ഘാടനം ചെയ്തു. ജോര്‍ജ് മോറോലി അധ്യക്ഷത വഹിച്ചു. ലയണ്‍സ് ക്ലബ് ഡിസ്ട്രിക്ട് ഗവര്‍ണര്‍ സുഷമ നന്ദകുമാര്‍ മുഖ്യാതിഥിയായിരുന്നു. മുന്‍ മള്‍ട്ടിപ്പിള്‍ കൗണ്‍സില്‍ ചെയര്‍മാന്‍ സാജു ആന്റണി പാത്താടന്‍, വൈസ് ഡിസ്ട്രിക്ട് ഗവര്‍ണര്‍മാരായ ടോണി ആനോക്കാരന്‍, ജെയിംസ് വളപ്പില, മുന്‍ ഡിസ്ട്രിക്റ്റ് ഗവര്‍ണര്‍മാരായ ടി.ജെ. തോമസ്, അഡ്വ. സൂര്യപ്രഭ, ഇ.ഡി. ദീപക് എന്നിവര്‍ പങ്കെടുത്തു.
About Author
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
