ലഹരിവിരുദ്ധ പ്രവര്‍ത്തനങ്ങളുടെ ഭാഗമായി കുട്ടിച്ചങ്ങല
ഇരിങ്ങാലക്കുട: ലഹരിവിരുദ്ധ പ്രവര്‍ത്തനങ്ങളുടെ ഭാഗമായി വിദ്യാര്‍ഥികള്‍ കുട്ടിച്ചങ്ങല തീര്‍ത്തു. ജനപ്രതിനിധികള്‍, സാംസ്‌കാരിക പ്രവര്‍ത്തകര്‍, പിടിഎ, അധ്യാപകര്‍, കുട്ടികള്‍ എന്നിവരെ ഉള്‍പ്പെടുത്തി ഇരിങ്ങാലക്കുട ബസ്റ്റാന്‍ഡ് മുതല്‍ ഠാണവരെയുള്ള ഭാഗത്തെ നാല് സ്‌കൂളുകളില്‍ നിന്നുള്ള ഹൈസ്‌കൂള്‍, ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി കുട്ടികളെയും എന്‍സിസി, ജെആര്‍സി, എസ്പിസി, സ്‌കൗട്ട് ആന്‍ഡ് ഗയ്ഡ് അംഗങ്ങളെയും അണിനിരത്തി ലഹരിവിരുദ്ധ കുട്ടിച്ചങ്ങല തീര്‍ത്തു. പ്രൈവറ്റ് ബസ്റ്റാന്‍ഡില്‍ വിദ്യാഭ്യാസ ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ അഡ്വ. ജിഷ ജോബി അധ്യക്ഷത വഹിച്ച യോഗം നഗരസഭ ചെയര്‍പേഴ്സണ്‍ സോണിയ ഗിരി ഉദ്ഘാടനം ചെയ്തു. ലഹരി വിരുദ്ധ മുദ്രാവാക്യങ്ങളും പ്ലക്കാര്‍ഡുകളുമായാണ് കുട്ടികള്‍ സ്‌കൂളുകള്‍ക്കു മുന്നില്‍ കുട്ടിച്ചങ്ങല തീര്‍തത്ത്. സ്‌കിറ്റ്, ഫ്ളാഷ് മോബ് എന്നിവയും അവതരിപ്പിച്ചു. ഡിഇഒ ഇന്‍ചാര്‍ജ് വി. ജസ്റ്റിന്‍ തോമസ് സ്വാഗതം ആശംസിച്ചു. ബ്ലോക്ക് പഞ്ചായത്ത് പ്രസിഡന്റ് ലളിത ബാലന്‍ മുഖ്യാതിഥിയായി. സര്‍ക്കിള്‍ ഇന്‍സ്പെക്ടര്‍ ഓഫ് പോലീസ് അനീഷ് കരീം സന്ദേശം നല്‍കി. ജിവിഎച്ച്എസ്എസ് ഹെഡ്മിട്രസ് ബീന ബേബി നന്ദി പറഞ്ഞു.
About Author
ക്വാണ്ടം മെക്കാനിക്‌സിന്റെ നിഗൂഢതകള്‍ ശാസ്ത്ര വിജ്ഞാന ക്ലാസ് നടത്തി 
ഇരിങ്ങാലക്കുട ഉപജില്ലാ ശാസ്‌ത്രോത്സവം: ലോഗോ പ്രകാശനം ചെയ്തു 
വിദ്യാരംഗം കലാസാഹിത്യ വേദി ഇരിങ്ങാലക്കുട ഉപജില്ല സര്‍ഗോത്സവം ആരഭി സമാപിച്ചു 
ഡബ്ലിന്‍ യൂണിവേഴ്‌സിറ്റി കോളജുമായി സഹകരിക്കാന്‍ ഇരിങ്ങാലക്കുട സെന്റ് ജോസഫ്‌സ് കോളജ്; പ്രഫ. ജെറമി സിംപ്‌സണ്‍ ക്യാമ്പസിലെത്തി 
അധ്യാപനത്തിനും ഗവേഷണത്തിനും എഐയുടെ കരുത്ത്; സെന്റ് ജോസഫ്‌സില്‍ അധ്യാപകര്‍ക്ക് പരിശീലനം 
ഭരതനാട്യത്തില്‍ മികവിന്റെ മുദ്ര പതിപ്പിച്ച് കാറ്റ്‌ലിന്‍; സഹോദയ കലോത്സവത്തില്‍ തുടര്‍ച്ചയായ മൂന്നാം വര്‍ഷവും ഒന്നാം സ്ഥാനം 
