ഠാണ ചന്തക്കുന്ന് വികസനം, ആര്‍ആര്‍ ഹിയറിംഗ് നടത്തി, 55 പേര്‍ ഹിയറിംഗില്‍ പങ്കടുത്തു
വികസനത്തിനായി ഭൂമി വിട്ടുനല്‍കി സഹകരിക്കുവാന്‍ തയ്യാറാണെന്ന് സെന്റ് തോമസ് കത്തീഡ്രല്‍ അധികൃതരും കൂടല്‍മാണിക്യം ദേവസ്വം അധികൃതരും വ്യക്തമാക്കി
ഇരിങ്ങാലക്കുട: ഠാണ ചന്തക്കുന്ന് വികസന പ്രവര്‍ത്തനങ്ങളുടെ ഭാഗമായി ആര്‍ആര്‍ ഹിയറിംഗ് നത്തി. പദ്ധതി പ്രദേശത്ത് വീടും സ്ഥലവും സ്ഥാപനങ്ങളും ജീവനോപാധിയും പൂര്‍ണമായി നഷ്ടപ്പെടുന്നവര്‍ക്കുള്ള പുനരധിവാസ പാക്കേജ് തയ്യാറാക്കുന്നത് വേണ്ടിയാണ് ആര്‍ആര്‍ ഹിയറിംഗ് നത്തിയത്. റോഡ് വികസനവുമായി ബന്ധപ്പെട്ട് ജീവനോപാധി നഷ്ടപ്പെടുന്ന 121 പേരാണ് പട്ടികയിലുള്ളത്. ഇതില്‍ 55 പേര്‍ ഇന്നലെ ഹിയറിംഗിന് എത്തിയിരുന്നു. റോഡ് വികസനത്തിന് ആരും എതിര്‍പ്പ് പ്രകടിപ്പിച്ചില്ലെങ്കിലും ജീവനോപാധി നഷ്ടപ്പെടുമോ എന്ന ആശങ്ക പലരും പങ്കുവെച്ചു. പരമാവധി ധനസഹായവും പുനരധിവാസ പാക്കേജും സര്‍ക്കാരിന്റെ ഭാഗത്തുനിന്നും ഉണ്ടാകണമെന്ന നിര്‍ദേശം ഉണ്ടായി. ഇരിങ്ങാലക്കുട ലയണ്‍സ് ക്ലബ് ഹാളില്‍ നടന്ന ഹിയറിംഗില്‍ മന്ത്രി ഡോ. ആര്‍. ബിന്ദു അധ്യക്ഷത വഹിച്ചു. ഡെപ്യൂട്ടി കളക്ടര്‍ യമുന ദേവി, തൃശൂര്‍ പൊതുമരാമത്ത് വകുപ്പ് റോഡ്‌സ് വിഭാഗം എക്‌സിക്യുട്ടീവ് എന്‍ജിനീയര്‍ എസ്. ഹരീഷ്, കൗണ്‍സിലര്‍മാരായ പി.ടി. ജോര്‍ജ്, ബിജു പോള്‍ അക്കരക്കാരന്‍, ഫെനി എബിന്‍ വെള്ളാനിക്കാരന്‍, കൂടല്‍മാണിക്യം ദേവസ്വം ചെയര്‍മാന്‍ യു. പ്രദീപ് മേനോന്‍ എന്നിവര്‍ പങ്കടത്തു. റോഡ് വികസനത്തിനായി ഭൂമി വിട്ടുനല്‍കി സഹകരിക്കുവാന്‍ തയ്യാറാണെന്ന് സെന്റ് തോമസ് കത്തീഡ്രല്‍ അധികൃതരും കൂടല്‍മണിക്യം ദേവസ്വം അധികൃതരും വ്യക്തമാക്കി. റോഡ് വികസനം സാധ്യമാകുന്നതോടെ സംസ്ഥാന പാതയിലെയും ഇരിങ്ങാലക്കുട നഗരത്തിലെയും യാത്രാക്ലേശത്തിനാണ് വിരാമമാകുക. സംസ്ഥാനപാതയില്‍ കൊടുങ്ങല്ലൂര്‍ ഷൊര്‍ണൂര്‍ റോഡില്‍ ചന്തക്കുന്ന് മുതല്‍ പൂതംകുളം വരെയുള്ള ഭാഗമാണ് വീതി കൂട്ടുന്നത്. ഇതിനായി ഇരിങ്ങാലക്കുട, മനവലശ്ശേരി വില്ലേജുകളിലായി ഒന്നര ഏക്കറോളം ഭൂമിയാണ് ഏറ്റെടുക്കുന്നത്. പദ്ധതി പൂര്‍ത്തിയാകുന്നതോടെ ഠാണ, ചന്തക്കുന്ന് ജംഗ്ഷനുകളുടെ മുഖച്ഛായ തന്നെ മാറും. ഉദ്യോഗസ്ഥര്‍ നാലു വിഭാഗമായി തിരിഞ്ഞ് നടത്തിയ ഹിയറിംഗിന് ലാന്റ് അക്വുസേഷന്‍ തഹസില്‍ ദാര്‍ ഇന്ദു നേതൃത്വം നല്‍കി. പൊതുമരാമത്ത് വകുപ്പ് റോഡ്‌സ് വിഭാഗം ഇരിങ്ങാലക്കുട ഡിവിഷന്‍ അസിസ്റ്റന്റ് എക്‌സിക്യുട്ടീവ് എന്‍ജിനീയര്‍ പി. റാബിയ, പൊതുമരാമത്ത് വകുപ്പ് റോഡ്‌സ് വിഭാഗം ഇരിങ്ങാലക്കുട ഡിവിഷന്‍ അസിസ്റ്റന്റ് എന്‍ജിനീയര്‍ ബിനീഷ് എന്നിവര്‍ സന്നിഹിതരായിരുന്നു. വിവിധ വകുപ്പുകളുട പൂര്‍ണ സഹകരണവും ജനങ്ങളുടെ പൂര്‍ണ പിന്തുണയും പദ്ധതി വേഗത്തിലാക്കുവാന്‍ സഹായകരമാന്നുണ്ടെന്ന് മന്ത്രി സൂചിപ്പിച്ചു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
