പദ്ധതിരേഖ സമര്‍പ്പിച്ചു. രണ്ടാംഘട്ട നിര്‍മാണാനുമതി കാത്ത് ഇരിങ്ങാലക്കുട കോടതിസമുച്ചയം
ഇരിങ്ങാലക്കുട: മിനി സിവില്‍ സ്റ്റേഷന്‍ വളപ്പില്‍ നിര്‍മ്മിക്കുന്ന കോടതി സമുച്ചയത്തിന്റെ രണ്ടാംഘട്ട നിര്‍മ്മാണ പദ്ധതിക്ക് അനുമതി വൈകുന്നു. രണ്ടാംഘട്ട നിര്‍മാണത്തിന് പദ്ധതി സമര്‍പ്പിച്ച് എട്ട് മാസം പിന്നിട്ടെങ്കിലും ഇതുവരെയും സര്‍ക്കാരില്‍ നിന്ന് അനുകൂല നടപടി ഉണ്ടായിട്ടില്ല. ആദ്യഘട്ട നിര്‍മാണ ജോലികള്‍ അവസാന ഘട്ടത്തിലായപ്പോഴാണ് 64 കോടി രൂപയുടെ രണ്ടാംഘട്ട പ്രവര്‍ത്തികള്‍ക്കുള്ള ഭരണാനുമതി തേടി എസ്റ്റിമേറ്റ് സമര്‍പ്പിച്ചത്. ഒന്നാംഘട്ട നിര്‍മാണം കഴിഞ്ഞ മാര്‍ച്ചില്‍ പൂര്‍ത്തിയായി. കെട്ടിട നിര്‍മാണത്തിന്റെ 60 ശതമാനം കേന്ദ്ര വിഹിതവും, 40 ശതമാനം സംസ്ഥാന വിഹിതവുമാണ്. സര്‍ക്കാര്‍ അനുമതി ലഭിച്ചാല്‍ മാത്രമേ രണ്ടാംഘട്ടം ആരംഭിക്കാന്‍ കഴിയൂ. മിനി സിവില്‍ സ്റ്റേഷന്‍ വളപ്പില്‍ മൂന്നര ഏക്കര്‍ സ്ഥലത്താണു കോര്‍ട്ട് കോംപ്ലക്‌സ് വിഭാവനം ചെയ്തിരിക്കുന്നത്. 80 മീറ്റര്‍ നീളത്തിലും 45 മീറ്റര്‍ വീതിയിലുമായി 1.68 ലക്ഷം ചതുരശ്ര അടിയില്‍ ഏഴുനിലകളിലായിട്ടാണു കോംപ്ലക്‌സ് നിര്‍മിക്കുന്നത്. ആദ്യഘട്ടമായി 29.25 കോടി ഉപയോഗിച്ചുള്ള അഞ്ചു നിലകളുടെ പ്രവൃത്തികള്‍ പൂര്‍ത്തിയായിട്ടുണ്ട്. എന്നാല്‍ കഴിഞ്ഞ ബജറ്റില്‍ സര്‍ക്കാര്‍ പ്രഖ്യാപിച്ച കോടതി സമുച്ചയം രണ്ടാംഘട്ട നിര്‍മാണ പ്രവൃത്തികള്‍ക്കുള്ള 42.6 കോടിക്ക് ഇതുവരേയും ഭരണാനുമതി ലഭിച്ചിട്ടില്ല. ഇതിനു ഭരണാനുമതി ലഭിച്ചു പ്ലാനും എസ്റ്റിമേറ്റും തയാറാക്കി സമര്‍പ്പിച്ചശേഷം സാങ്കേതിക അനുമതി ലഭിച്ചാല്‍ മാത്രമെ ടെന്‍ഡര്‍ നടപടികളിലേക്കു കടക്കാന്‍ കഴിയൂ. ഇലക്ട്രിക്കല്‍, ഫയര്‍, ലിഫ്റ്റ് തുടങ്ങിയവയെല്ലാം ചേര്‍ത്തുകൊണ്ടുള്ള ടെന്‍ഡറാണു രണ്ടാംഘട്ടത്തില്‍ നടത്തേണ്ടത്. ഇതിന് ഒരുപാട് സമയം ആവശ്യമാണ്. 30 മാസത്തെ നിര്‍മാണ കാലാവധിയില്‍ മഞ്ചേരി ആസ്ഥാനമായ നിര്‍മാണ്‍ കമ്പനിക്കാണു നിര്‍മാണ ചുമതല. 2016 ഫെബ്രുവരി 27 നാണു ശിലാസ്ഥാപനം നടന്നത്. ഹൈക്കോടതി ചീഫ് ജസ്റ്റീസ് അശോക് ഭൂഷണ്‍ ആണ് ശിലാസ്ഥാപനം നിര്‍വഹിച്ചത്. ചടങ്ങില്‍ ഹൈക്കോടതി ജഡ്ജി സുരേന്ദ്ര മോഹന്‍ അധ്യക്ഷത വഹിച്ചു. 2019 ഫെബ്രുവരി 27നു നിര്‍മാണോദ്ഘാടനം പ്രഫ. കെ.യു. അരുണന്‍ എംഎല്‍എ നിര്‍വഹിച്ചു.
സംസ്ഥാനത്ത് ഹൈക്കോടതി കഴിഞ്ഞാല്‍ ഏറ്റവും വലിയ കോടതി മുച്ചയം
ഏഴു നിലകളില്‍ താഴത്തെ രണ്ടുനിലകളില്‍ റെക്കോഡ് മുറികള്‍, സബ് സ്റ്റേഷന്‍, പമ്പ് റൂം, സെക്യൂരിറ്റി ഓഫീസ്, കാന്റീന്‍, ബാര്‍ അസോസിയേഷന്‍, പോലീസ് വിശ്രമമുറി, ജഡ്ജസ് ലോഞ്ച്, അഡ്വക്കേറ്റ്‌സ് ക്ലര്‍ക്ക് റൂം, വീഡിയോ കോണ്‍ഫറന്‍സിംഗ് റൂം, ലൈബ്രറി, അടുക്കള, ഡൈനിംഗ് ഹാള്‍ തുടങ്ങിയ സൗകര്യങ്ങളും, വിസിറ്റിംഗ് റൂം, മെഡിറ്റേഷന്‍ സെന്റര്‍, തൊണ്ടിമുതല്‍ സൂക്ഷിക്കാനുളള സൗകര്യം തുടങ്ങിയവയാണ് ഒരുക്കുന്നത്. മുകളിലെ ഓരോ നിലയിലും രണ്ടു കോടതികള്‍ വീതം പ്രവര്‍ത്തിക്കും. 10 കോടതികളും അനുബന്ധ സൗകര്യങ്ങളും. നൂറു കാറുകള്‍, ടൂവീലര്‍ എന്നിവയുടെ പാര്‍ക്കിംഗ് സൗകര്യവും ഒരുക്കുന്നുണ്ട്.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
