ഓൺലൈൻ വിദ്യാഭ്യാസം: സ്മാർട്ട് ക്ലാസ് റൂമുകളൊരുക്കി ബ്ലോക്ക് പഞ്ചായത്തംഗം തോമസ് തത്തംപിള്ളി
കോവിഡ്-19 ന്റെ പശ്ചാത്തലത്തിൽ ഓൺലൈൻ വിദ്യാഭ്യാസത്തിനു സൗകര്യമാകും വിധം സ്മാർട്ട് ക്ലാസ് റൂമുകളൊരുക്കി ബ്ലോക്ക് പഞ്ചായത്തംഗം. ഇരിങ്ങാലക്കുട ബ്ലോക്ക് പഞ്ചായത്തംഗം തോമസ് തത്തംപിള്ളിയാണു സുമനസുകളുടെ സഹായത്തോടെ ഊരകത്തെ അങ്കണവാടികളിൽ സ്മാർട്ട് ക്ലാസ് റൂമൊരുക്കി നിർധന വിദ്യാർഥികൾക്കു ആശ്വാസമേകിയത്. ഇതിനാവശ്യമായ സ്മാർട്ട് ടിവിയും ഇന്റർനെറ്റ് കണക്ഷനടക്കമുള്ള സൗകര്യങ്ങളും അങ്കണവാടികളിൽ സജ്ജമാക്കിയിട്ടുണ്ട്. രാവിലെ 9.30 മുതൽ വൈകീട്ട് 4.30 വരെ കോവിഡ് സുരക്ഷാ മാനദണ്ഡങ്ങൾ പാലിച്ചു കൊണ്ടു അങ്കണവാടി ജീവനക്കാരുടെ മേൽനോട്ടത്തിലായിരിക്കും വിദ്യാർഥികൾക്കു പഠിക്കാനുള്ള സൗകര്യമുണ്ടാകുക. ഊരകം ഈസ്റ്റ്, ഊരകം വെസ്റ്റ് അങ്കണവാടികളിലാണു ഈ സൗകര്യം ഒരുക്കിയിട്ടുള്ളത്. വിദ്യാർഥികൾ അങ്കണവാടി ജീവനക്കാരുമായി ബന്ധപ്പെടേണ്ടതാണ്. ഊരകം ഈസ്റ്റ് അങ്കണവാടിയിൽ സ്മാർട്ട് ക്ലാസ് റൂം ബ്ലോക്ക് പഞ്ചായത്തംഗം തോമസ് തത്തംപിള്ളി ഉദ്ഘാടനം ചെയ്തു. വാർഡ് അംഗം ടെസി ജോഷി അധ്യക്ഷത വഹിച്ചു. അങ്കണവാടി ജീവനക്കാരായ ഫിലോമിന പൗലോസ്, മേഴ്സി റപ്പായി, വികസന സമിതിയംഗം ഷൈനി ജോസഫ് എന്നിവരും സന്നിഹിതരായി.
About Author
ബില്യണ്‍ ബീസ് നിക്ഷേപ തട്ടിപ്പ്; പ്രധാന പ്രതിയുടെ സഹോദരന്‍ അറസ്റ്റില്‍ 
കെസിബിസി മദ്യവിരുദ്ധ സമിതി സെന്റ് തോമസ് കത്തീഡ്രല്‍ ഇടവകയില്‍ ലഹരിവിരുദ്ധഞായര്‍ ആചരിച്ചു 
കരുവന്നൂര്‍ ബാങ്ക് തട്ടിപ്പില്‍ ആത്മഹത്യ ചെയ്തവരുടെ കുടുംബാംഗങ്ങളെ കേന്ദ്രമന്ത്രി സുരേഷ്‌ഗോപി കണ്ടു സംസാരിച്ചു, സഹായങ്ങള്‍ വാഗ്ദാനം ചെയ്തു 
കുടിവെള്ളം വേണം; നഗരസഭ കൗണ്‍സിലര്‍മാരുടെ മുറവിളി 
കാറ്റില്‍ ഇരിങ്ങാലക്കുട മേഖലയില്‍ കനത്ത നാശം; ഇരുപതോളം കേന്ദ്രങ്ങളില്‍ മരങ്ങള്‍ വീണ് വൈദ്യുതി ലൈനുകള്‍ തകര്‍ന്നു 
വേനല്‍ മഴയെ തുടര്‍ന്ന് മുരിയാട് കോള്‍നിലങ്ങള്‍ വെള്ളക്കെട്ടില്‍; കോന്തിപുലത്തെ താല്‍ക്കാലിക തടയണ ഭാഗികമായി പൊളിച്ച് നീക്കി 
