പത്ത് വയസുകാരനായ ബാലനെ ലൈംഗിക പീഡനത്തിനിരയാക്കിയ 58 കാരന്് അഞ്ച് വര്ഷം തടവും പതിനായിരം രൂപ പിഴയും വിധിച്ചു
ഇരിങ്ങാലക്കുട: പത്ത് വയസു മാത്രം പ്രായമുള്ള ബാലനെ ലൈംഗിക പീഡനത്തിനിരയാക്കിയ 58കാരന് അഞ്ച് വര്ഷം തടവും 10,000 രൂപ പിഴയും വിധിച്ചു. കൊടുങ്ങല്ലൂര് പോലീസ് രജിസ്റ്റര് ചെയ്ത കേസില് പുല്ലുറ്റ് നീലക്കംപാറ സ്വദേശി ചെട്ടിയാട്ടില് വീട്ടില് വേണുവിനെയാണ് ഇരിങ്ങാലക്കുട ഫാസ്ട്രാക്ക് സ്പെഷ്യല് കോടതി (പോക്സൊ) ജഡ്ജ് കെ.പി. പ്രദീപ് ശിക്ഷ വിധിച്ചത്. കേസില് പ്രോസിക്യൂഷനു വേണ്ടി സ്പെഷ്യല് പബ്ലിക് പ്രോസിക്യൂട്ടര് കെ.എന്. സിനിമോള് ഹാജരായി. പിഴത്തുക അടക്കാത്ത പക്ഷം രണ്ട് മാസവും കൂടി ശിക്ഷ അനുഭവിക്കണം. കൊടുങ്ങല്ലൂര് എസ്ഐയായിരുന്ന കെ.ജെ. ജിനേഷ് രജിസ്റ്റര് ചെയ്ത കേസില് സിഐ ആയിരുന്ന പി.സി. ബിജുകുമാര് ആണ് അന്വേഷണം നടത്തി കുറ്റപത്രം സമര്പ്പിച്ചത്. ആളൂര് പോലീസ് സ്റ്റേഷന് സീനിയര് സിവില് പോലീസ് ഓഫീസര്ആയ ടി.ആര്. രജനി കേസ് നടത്തിപ്പില് പ്രോസിക്യൂഷനെ സഹായിച്ചു. പത്ത് സാക്ഷികളെ കേസില് വിസ്തരിച്ചു. 19 രേഖകള് തെളിവില് ഹാജരാക്കി. പിഴതുക അതിജീവിതന് നല്കാന് കോടതിവിധിച്ചു.

കുട്ടംകുളം സമരഭൂമിയില് സ്മാരകം നിര്മ്മിക്കണം: കെ. രാജന് എംഎല്എ
വീടുകയറി ആക്രമണശ്രമം; ഒമ്പത് ക്രിമിനല് കേസുകളില് പ്രതിയായ സ്റ്റേഷന് റൗഡി അറസ്റ്റില്
പുളിക്കലച്ചിറ പാലത്തിന്റെ കൈവരിയുടെ കാലുകള് വിണ്ടു
ഐടിയു ബാങ്ക്: ഇടപെടല് ശക്തമാക്കി തോമസ് ഉണ്ണിയാടന് എംഎല്എ
അപ്രോച്ച് റോഡിന്റെ മണ്ണ് കൊണ്ടുപോയതില് പ്രതിഷേധം
കുച്ചിപ്പുടിയില് പാരമ്പര്യത്തിലൂന്നിയ പുതുമകള് അനിവാര്യം: നവ്യം 2026 സമാപനത്തില് പദ്മവാണി മോസലികണ്ടി