വേളൂക്കരയില്‍ ഇനി 20 രൂപയ്ക്ക് ഊണ്: ജനകീയഹോട്ടല്‍ ആരംഭിച്ചു
ഇരിങ്ങാലക്കുട: 20 രൂപയ്ക്ക് ഉച്ചയൂണുമായി വേളൂക്കര പഞ്ചായത്ത്. സര്‍ക്കാരിന്റെ 12 ഇനം കര്‍മപരിപാടിയില്‍ ഉള്‍പ്പെടുന്ന ജനകീയ ഹോട്ടലിനു തുടക്കം കുറിച്ചു കൊണ്ടാണു പഞ്ചായത്ത് ഇതു സാധ്യമാക്കിയിരിക്കുന്നത്. പഞ്ചായത്ത് ഷോപ്പിംഗ് കോംപ്ലക്‌സില്‍ കുടുംബശ്രീയുടെ സഹകരണത്തോടെയാണു ജനകീയ ഹോട്ടല്‍ ആരംഭിച്ചിരിക്കുന്നത്. ഞായര്‍ ഉള്‍പ്പെടെ എല്ലാ ദിവസങ്ങളിലും ഉച്ചയ്ക്ക് 12 മുതല്‍ മൂന്നു വരെ ജനകീയ ഹോട്ടല്‍ പ്രവര്‍ത്തിക്കും. പ്രഫ. കെ.യു. അരുണന്‍ എംഎല്‍എ ജനകീയ ഹോട്ടലിന്റെ ഉദ്ഘാടനം നിര്‍വഹിച്ചു. പഞ്ചായത്ത് പ്രസിഡന്റ് ഉചിത സുരേഷ് അധ്യക്ഷത വഹിച്ചു. മുന്‍ പ്രസിഡന്റ് ഇന്ദിര തിലകന്‍ ആദ്യവില്‍പ്പന നിര്‍വഹിച്ചു. സ്റ്റാന്‍ഡിംഗ് കമ്മിറ്റി ചെയര്‍മാന്‍മാരായ ടി.എസ്. സുരേഷ്, ഷീജ ഉണ്ണികൃഷ്ണന്‍, സിഡിഎസ് ചെയര്‍പേഴ്‌സണ്‍ അനിത ബിജു, പഞ്ചായത്ത് വൈസ് പ്രസിഡന്റ് കെ.ടി. പീറ്റര്‍, പഞ്ചായത്ത് അസിസ്റ്റന്റ് സെക്രട്ടറി എം.എസ്. ജയ എന്നിവര്‍ പ്രസംഗിച്ചു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
