ബിഷപ്പിനെ ഫേസ്ബുക്കിലൂടെ അപമാനിച്ച കേസില്‍ ഒരാള്‍ കൂടി അറസ്റ്റില്‍
ഇരിങ്ങാലക്കുട: ബിഷപ്പ് മാര്‍ പോളി കണ്ണൂക്കാടനെ ഫേസ്ബുക്കിലൂടെ അപമാനിച്ച കേസില്‍ ഒരാള്‍ കൂടി അറസ്റ്റില്‍. മുരിയാട് എംപറര്‍ ഇമ്മാനുവേല്‍ ട്രസ്റ്റ് അംഗമായ മുരിയാട് മാളിയേക്കല്‍ സ്റ്റെനി വര്‍ഗീസി (38) നെയാണ് സി.ഐ എം.ജെ ജിജോയുടെ നേത്യത്വത്തില്‍ എസ്ഐ പി.ജി. അനൂപും സംഘവും അറസ്റ്റ് ചെയ്തത്. എംപറര്‍ ട്രസ്റ്റില്‍ നിന്നും മാറി നില്‍ക്കാന്‍ ശ്രമിച്ചയാളെ ആക്രമിച്ചതിന് ഇയാള്‍ക്കെതിരെ ആളൂര്‍ പോലീസ് സ്റ്റേഷനില്‍ കേസുണ്ട്. പോലീസിന്റെ നിരീക്ഷണത്തിലാണെന്ന് മനസിലാക്കിയ പ്രതി സ്വന്തം ഫോണ്‍ ഫോര്‍മാറ്റ് ചെയ്ത് നശിപ്പിക്കാന്‍ ശ്രമിച്ചു. പ്രതിയെ പിടികൂടിയ അന്വേഷണ സംഘം ഫോണ്‍ കണ്ടെടുത്ത് സൈബര്‍ വിദഗ്ദരുടെ സഹായത്തോടെ ഡാറ്റകള്‍ വീണ്ടെടുക്കുകയായിരുന്നു. ഡിവൈഎസ്പി ഫെയ്മസ് വര്‍ഗീസിന് ലഭിച്ച പരാതായിലാണ് സൈബര്‍ വിദഗ്ദരടങ്ങിയ പ്രത്യേക അന്വേഷണ സംഘം അന്വേഷണം നടത്തിവരുന്നത്. ഈ കേസില്‍ ഇതുവരെ അഞ്ച് പേരെ അറസ്റ്റ് ചെയ്തിട്ടുണ്ട്. ഉദ്യോഗസ്ഥരായ എഎസ്‌ഐ ജസ്റ്റിന്‍, എഎസ്‌ഐ ജോസ്സി , മനോജ് . എ.കെ, വൈശാഖ് മംഗലന്‍ എന്നിവരും അന്വേഷണ സംഘത്തിലുണ്ടായിരുന്നു.
About Author
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ക്രൈസ്റ്റ് കോളജില്‍ നടന്ന ജിയോ എക്‌സ്‌പോ 2024 സമാപിച്ചു 
ക്രൈസ്റ്റ് കോളജില്‍ ഇംഗ്ലീഷ് ഭാഷാ പഠനത്തില്‍ അന്താരാഷ്ട്ര സെമിനാര്‍ സംഘടിപ്പിച്ചു 
ബൈക്കുകളും സൈക്കിളും ലക്ഷ്യമിട്ടു കുട്ടി മോഷ്ടാക്കള്‍ പെരുകുന്നു 
