ആഘോഷത്തിരയിളക്കി കരോള്‍ സംഘങ്ങള്‍; വീഥി നിറഞ്ഞ് പാപ്പാമാരും മാലാഖവൃന്ദവും, നഗരം നിറഞ്ഞ് കാണികളും
ഇരിങ്ങാലക്കുട: ക്രിസ്മസിനെ വരവേറ്റ് ചുവപ്പന്‍ കുപ്പായമണിഞ്ഞ് തൊപ്പിയുമിട്ട് നൂറുകണക്കിന് സാന്താക്ലോസുമാരും മഞ്ഞിന്റെ നിറമുള്ള ചിറകും തൂവെള്ള വസ്ത്രമണിഞ്ഞ് മാലാഖമാരും നൃത്ത ചുവടുകളുമായി നഗരം ചുറ്റിയത് വേറിട്ട കാഴ്ചയായി. മണ്ണില്‍ വിരിഞ്ഞ നക്ഷത്രങ്ങളെ സാക്ഷിയാക്കി നഗരവീഥിയില്‍ കരോള്‍ ഗാനത്തിനൊപ്പം നിശ്ചല ദൃശ്യത്തിന്റെ അകമ്പടിയോടെ പാപ്പാമാരും മാലാഖമാരും ചുവടുവെച്ച് നീങ്ങിയപ്പോള്‍ ആഹഌദത്തോടെ ജനം വരവേറ്റു.
തിരുപ്പിറവിയുടെ സന്ദേശമറിയിച്ച് കത്തീഡ്രല്‍ പ്രഫഷണല്‍ സിഎല്‍സി സീനിയര്‍ സിഎല്‍സിയുമായി സംഘടിപ്പിച്ച മെഗാ ഹൈടെക് ക്രിസ്മസ് കരോള്‍ മത്സര ഘോഷയാത്രയിലാണ് പാപ്പാ കൂട്ടവും മാലാഖവൃന്ദവും ആട്ടിടയന്മാരും അണിനിരന്നത്. ജീവനുള്ള കഥാപാത്രങ്ങളെ പുല്‍ക്കൂട്ടില്‍ അണിനിരത്തിയായിരുന്നു കരോള്‍ സംഘങ്ങള്‍ നടന്നു നീങ്ങിയത്. യേശുവിന്റെ കാലഘട്ടത്തിലെ വേഷവിതാനങ്ങളില്‍ പ്രത്യക്ഷപ്പെട്ട കഥാപാത്രങ്ങള്‍ കുട്ടികളില്‍ മാത്രമല്ല വലിയവരിലും ഏറെ കൗതുകമുണര്‍ത്തി. മാതാവിനും യൗസേപ്പിതാവിനും പുറമേ ആട്ടിടയന്മാരും പൂജരാജാക്കന്മാരുമുള്‍പ്പടെയുള്ളവരുടെ പുരാതന വേഷധാരണം കരോളിനെ വേറിട്ടതാക്കി.
ഇരിങ്ങാലക്കുട ടൗണ്‍ ഹാള്‍ പരിസരത്തു വെച്ച് ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആര്‍. ബിന്ദു ഉദ്ഘാടനം ചെയ്തു. കത്തീഡ്രല്‍ വികാരി റവ.ഡോ. ലാസര്‍ കുറ്റിക്കാടന്‍ അധ്യക്ഷത വഹിച്ചു. മുനിസിപ്പല്‍ ചെയര്‍പേഴ്‌സണ്‍ മേരിക്കുട്ടി ജോയ് മുഖ്യാതിഥിയായിരുന്നു. തൃശൂര്‍ റൂറല്‍ എസ്പി നവനീത് ശര്‍മ്മ ഐപിഎസ് വിശിഷ്ടാതിഥിയായിരുന്നു. ബിഷപ് മാര്‍ പോളി കണ്ണൂക്കാടന്‍ സമ്മാനദാനം നിര്‍വഹിച്ചു. ജെപി ഗ്രൂപ്പ് മാനേജിംഗ് ഡയറക്ടര്‍ ജെ.പി. ബിനോയ്, ജനറല്‍ കണ്‍വീനര്‍ ഡേവിസ് പടിഞ്ഞാറക്കാരന്‍, ഓര്‍ഗനൈസിംഗ് സെക്രട്ടറി പി.ജെ. ജോയ്, സിഎല്‍സി ജോയിന്റ് ഡയറക്ടര്‍ ഫാ. ഹാലിറ്റ് തുലാപറമ്പന്‍, അസിസ്റ്റന്റ് വികാരിമാരായ ഫാ. ഗ്ലിഡിന്‍ പഞ്ഞിക്കാരന്‍, ഫാ. ജോസഫ് പയ്യപ്പിള്ളി, കത്തീഡ്രല്‍ ട്രസ്റ്റി തിമോസ് പാറേക്കാടന്‍, കെഎല്‍എഫ് നിര്‍മല്‍ ഇന്‍ഡസ്ട്രീസ് മാനേജിംഗ് ഡയറക്ടര്‍ സണ്ണി ഫ്രാന്‍സിസ് കണ്ടംകുളത്തി, നഗരസഭ കൗണ്‍സിലര്‍മാരായ ഫെനി എബിന്‍ വെള്ളാനിക്കാരന്‍, ഒ.എസ്. അവിനാഷ്, പ്രഫഷണല്‍ സിഎല്‍സി പ്രസിഡന്റ് ഒ.എസ്. ടോമി, സീനിയര്‍ സിഎല്‍സി പ്രസിഡന്റ് കെ.പി. നെല്‍സണ്‍, സംസ്ഥാ ജനറല്‍ സെക്രട്ടറി ഷോബി കെ. പോള്‍, കണ്‍വീനര്‍മാരായ ഫ്രാന്‍സീസ് കീറ്റിക്കല്‍, പൗലോസ് കരപറമ്പില്‍, ജോസ് ജി. തട്ടില്‍, വിനു ആന്റണി എന്നിവര്‍ സംസാരിച്ചു.
About Author
ക്രൈസ്റ്റ് കോളജില്‍ ഓഹരി വിപണിയും മ്യൂച്ചല്‍ഫണ്ടും എന്ന വിഷയത്തില്‍ ശില്പശാല സംഘടിപ്പിച്ചു 
ക്രിസ്മസ് ആഘോഷ നിറവില്‍ സെന്റ് ഡൊമിനിക് കോണ്‍വെന്റ് ഇംഗ്ലീഷ് മീഡിയം സ്‌കൂള്‍ 
ശാന്തിനികേതന്‍ പബ്ലിക് സ്‌കൂളില്‍ ക്രിസ്മസ് ആഘോഷം ഗ്രേസ് 2024 സംഘടിപ്പിച്ചു 
സന്മനസ്സുള്ളവര്‍ക്ക് സമാധാനം, പ്രത്യാശ-മാര്‍ പോളി കണ്ണൂക്കാടന്‍ (ഇരിങ്ങാലക്കുട രൂപത ബിഷപ്പ്) 
101 കിലോ തൂക്കമുള്ള മോഗാ കേക്കുമായി ആനത്തടം സെന്റ് ആന്‍സ് പബ്ലിക് സ്‌കൂളില്‍ ക്രിസ്മസ് ആഘോഷം 
ഇരിങ്ങാലക്കുട ഗവ. ഗേള്‍സ് ഹയര്‍സെക്കന്‍ഡറി സ്‌കൂളിന്റെ പൈത്യക മതിലിന്റെ ഉദ്ഘാടനം നടന്നു 
