ഇരിങ്ങാലക്കുട സെന്റ് ജോസഫ്സ് കോളജിന് എല്‍ഇഡി വോളും സൗണ്ട് സിസ്റ്റവും മന്ത്രി ഡോ. ആര്‍. ബിന്ദു കൈമാറി
ഇരിങ്ങാലക്കുട സെന്റ് ജോസഫ്സ് കോളജിലേക്ക് നല്‍കുന്ന എല്‍ഇഡി വോളിന്റെയും സൗണ്ട് സിസ്റ്റത്തിന്റെയും ഉദ്ഘാടനം മന്ത്രി ഡോ. ആര്‍. ബിന്ദു നിര്‍വ്വഹിക്കുന്നു.
ഇരിങ്ങാലക്കുട: ഇരിങ്ങാലക്കുട സെന്റ് ജോസഫ്സ് കോളജിലേക്ക് ഇരിങ്ങാലക്കുട എംഎല്‍എയും ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രിയുമായ ഡോ. ആര്‍. ബിന്ദുവിന്റെ 2023- 24 വര്‍ഷത്തെ പ്രത്യേക വികസന ഫണ്ടില്‍ നിന്നും അനുവദിച്ച എല്‍ഇഡി വോളിന്റെയും സൗണ്ട് സിസ്റ്റത്തിന്റെയും ഉദ്ഘാടനം മന്ത്രി ഡോ. ആര്‍. ബിന്ദു നിര്‍വ്വഹിച്ചു. സെന്റ് ജോസഫ്സ് കോളജ് ഓഡിറ്റോറിയത്തില്‍ വച്ച് നടന്ന ചടങ്ങില്‍ മന്ത്രി ഡോ. ആര്‍. ബിന്ദു എല്‍ഇഡി വോളും സൗണ്ട് സിസ്റ്റവും കോളജിന് കൈമാറി.
ഇരിങ്ങാലക്കുട എംഎല്‍എയുടെ 2023- 24 വര്‍ഷത്തെ പ്രത്യേക വികസന ഫണ്ടില്‍ നിന്നും 25 ലക്ഷം രൂപ ഉപയോഗിച്ചാണ് 15.75 അടി നീളവും 8.4 അടി വീതിയുമുള്ള എല്‍ഇഡി വോളും 12000 വാട്ട് സൗണ്ട് സിസ്റ്റവും കോളജിന് നല്‍കിയത്. ഇരിങ്ങാലക്കുട നഗരസഭാ ചെയര്‍പേഴ്സണ്‍ മേരിക്കുട്ടി ജോയ് അധ്യക്ഷത വഹിച്ചു. പ്രിന്‍സിപ്പല്‍ സിസ്റ്റര്‍ ഡോ. ബ്ലെസി, കൗണ്‍സിലര്‍ ഫെനി എബിന്‍ വെള്ളാനിക്കാരന്‍, റെയ്ച്ചല്‍ റോസ്, ഐക്യുഎസി കോ ഓര്‍ഡിനേറ്റര്‍ ഡോ. ടി.വി. ബിനു എന്നിവര്‍ പങ്കെടുത്തു.
About Author
കളികളമായിരുന്നു, ഇപ്പോള്‍ ചെളികളം ഇരിങ്ങാലക്കുട നഗരസഭ മൈതാനം ശോചനീയാവസ്ഥയില്‍ 
തീര്‍ഥാടനകാലം എത്തിയിട്ടും കൂടല്‍മാണിക്യം തെക്കേനട റോഡ് തകര്‍ന്നുതന്നെ 
യുവാവിനെ ആക്രമിച്ച കേസില്‍ ഗുണ്ട അറസ്റ്റില്‍. പ്രതി സഞ്ചരിച്ചിരുന്ന കാറും കസ്റ്റഡിയിലെടുത്തു 
കേരള കര്‍ഷക സംഘം ഇരിങ്ങാലക്കുട ഏരിയാ കമ്മിറ്റി മാര്‍ച്ചും ധര്‍ണയും സംഘടിപ്പിച്ചു 
ഇരിങ്ങാലക്കുട സെന്റ് മേരീസ് ഹയര്‍ സെക്കന്‍ഡറി സ്‌കൂള്‍ പിടിഎ പൊതുയോഗം നടത്തി 
ഓപ്പറേഷന്‍ കാപ്പ വേട്ട; തൃശൂര്‍ റൂറല്‍ ജില്ലയില്‍ 42 പേരെ കാപ്പ പ്രകാരം ജയിലിലടച്ചു 
