മാനസികാസ്വസ്ഥ്യമുള്ളയാളെ ആക്രമിച്ച് കൊലപ്പെടുത്താന്‍ ശ്രമം; രണ്ട് പേര്‍ അറസ്റ്റില്‍
സനീഷ്, അഭിത്ത്.
ഇരിങ്ങാലക്കുട: മാനസികാസ്വസ്ഥ്യമുള്ളയാളെ ആക്രമിച്ച് കൊലപ്പെടുത്താന്‍ ശ്രമിച്ച സംഭവത്തില്‍ രണ്ടു പേര്‍ അറസ്റ്റില്‍. പുല്ലൂര്‍ തുറവന്‍കാട് സ്വദേശികളായ തേക്കൂട്ട് വീട്ടില്‍ സനീഷ് (38 ), മരോട്ടിച്ചോട്ടില്‍ വീട്ടില്‍ അഭിത്ത് (35) എന്നിവരെയാണ് പോലീസ് അറസ്റ്റ് ചെയ്തത്. നടപടിക്രമങ്ങള്‍ക്ക് ശേഷം കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു. കഴിഞ്ഞ ദിവസം രാത്രി ഒമ്പത് മണിയോടെ ഗാന്ധിഗ്രാം എന്‍.എസ്.എസ്. കരയോഗത്തിന് സമീപം വച്ച് ഗാന്ധിഗ്രാം സ്വദേശി എലമ്പലക്കാട്ട് വീട്ടില്‍ അനിത് കുമാര്‍ (50) നെ ക്രൂരമായി ആക്രമിച്ച് പരിക്കേല്‍പ്പിക്കുകയായിരുന്നു.
സംഭവത്തില്‍ ഗുരുതര പരിക്കേറ്റ അനിത് കുമാര്‍ തൃശൂര്‍ മെഡിക്കല്‍ കോളജ് ആശുപത്രിയില്‍ ഐസിയുവില്‍ ചികിത്സയിലാണ്. സനീഷ് ഇരിങ്ങാലക്കുട പോലീസ് സ്റ്റേഷനിലെ ഒരു അടിപിടിക്കേസിലെ പ്രതിയാണ്. അഭിത്ത് ഇരിങ്ങാലക്കുട പോലീസ് സ്റ്റേഷനിലെ ഒരു അടിപിടിക്കേസിലും, മദ്യ ലഹരിയില്‍ മറ്റൊരാളുടെ ജീവന് അപകടം വരത്തക്ക വിധം അശ്രദ്ധമായി വാഹനമോടിച്ച കേസിലും പ്രതിയാണ്. ഇരിങ്ങാലക്കുട പോലീസ് സ്റ്റേഷന്‍ ഇന്‍സ്‌പെക്ടര്‍ എം.എസ്. ഷാജന്‍, സബ്ബ് ഇന്‍സ്‌പെക്ടര്‍മാരായ പ്രിജു, സോജന്‍, റാഫി, സിവില്‍ പോലീസ് ഓഫീസര്‍മാരായ സുജിത്ത്, രഞ്ജിത്ത്, അന്‍വറുദ്ദീന്‍, ഗോപകുമാര്‍, സതീശ്, അഭിലാഷ് എന്നിവരാണ് കേസ് അന്വേഷിക്കുന്നത്.
About Author
മാരിവില്ലഴകില്‍ പൂക്കളം തീര്‍ത്ത് ക്രൈസ്റ്റ് വിദ്യാനികേതനിലെ കുരുന്നുകള്‍ 
കാട്ടൂര്‍ സര്‍വ്വീസ് സഹകരണബാങ്കില്‍ ഓണവിപണി ഉദ്ഘാടനം ചെയ്തു 
ക്രൈസ്റ്റ് കോളജില്‍ വര്‍ണാഭമായ സൗഹൃദപൂക്കളം 
തുമ്പൂര്‍ സര്‍വീസ് സഹകരണ ബാങ്കില്‍ ഓണച്ചന്ത ആരംഭിച്ചു 
സിപിഐ താണിശേരി- കിഴുത്താണി മേഖല കുടുംബസംഗമം സംഘടിപ്പിച്ചു 
എന്‍എസ്എസ് താലൂക്ക് യൂണിയന്‍ പൂക്കളമത്സരം: കാടുകുറ്റി കരയോഗം ജേതാക്കള്‍ 
