ആനന്ദപുരം ചെറുപുഷ്പ ദേവാലയത്തില്‍ തിരുനാള്‍ നാളെ
ആനന്ദപുരം ചെറുപുഷ്പ ദേവാലയത്തില്‍ തിരുനാളിന്റെ കൊടിയേറ്റുകര്‍മം പറപ്പൂക്കര ഫൊറോന വികാരി ഫാ. റാഫേല്‍ പഞ്ഞിക്കാരന്‍ നിര്‍വഹിക്കുന്നു. വികാരി ഫാ. ജോണ്‍സണ്‍ തറയില്‍ സമീപം.
ആനന്ദപുരം: ചെറുപുഷ്പ ദേവാലയത്തില്‍ വിശുദ്ധ കൊച്ചുത്രേസ്യയുടെയും പരിശുദ്ധ കന്യകാമറിയത്തിന്റെയും വിശുദ്ധ സെബസ്ത്യാനോസിന്റെയും സംയുക്ത തിരുനാളിന് കൊടികയറി. തിരുനാളിന്റെ കൊടിയേറ്റുകര്‍മം പറപ്പൂക്കര ഫൊറോന വികാരി ഫാ. റാഫേല്‍ പഞ്ഞിക്കാരന്‍ നിര്‍വഹിച്ചു. തിരുനാള്‍ പ്രസുദേന്തി വാഴ്ചക്ക് ബിഷപ് മാര്‍ പോളി കണ്ണൂക്കാടന്‍ മുഖ്യകാര്‍മികത്വം വഹിച്ചു. ദീപാലങ്കാരം സ്വിച്ച് ഓണ്‍ കര്‍മം ചാലക്കുടി ഡെപ്യൂട്ടി പോലീസ് സൂപ്രണ്ട് പി.സി. ബിജുകുമാര്‍ നിര്‍വഹിച്ചു. അമ്പുതിരുനാള്‍ ദിനമായ ഇന്ന് രാവിലെ ഏഴിന് ആഘോഷമായ ദിവ്യബലി, രൂപങ്ങള്‍ എഴുന്നള്ളിച്ചുവയ്ക്കല്‍, വീടുകളിലേക്കുള്ള അമ്പ് എഴുന്നള്ളിപ്പ്. തിരുകര്‍മങ്ങള്‍ക്ക് രൂപത ചാന്‍സലര്‍ ഫാ. കിരണ്‍ തട്ടഌമുഖ്യകാര്‍മികത്വം വഹിക്കും. വൈകീട്ട് നാലിന് ഫാ. അമല്‍ ആന്റണി ദിവ്യബലിക്ക് മുഖ്യകാര്‍മികനായിരിക്കും. അഞ്ചിന് കൂടുതുറക്കല്‍ തുടര്‍ന്ന് പള്ളിചുറ്റി പ്രദക്ഷിണം എന്നിവക്ക് ഫാ. പോള്‍ എളംകുന്നപ്പുഴ മുഖ്യകാര്‍മികത്വം വഹിക്കും.
തിരുനാള്‍ദിനമായ നാളെ രാവിലെ ഏഴിന് തിരുനാള്‍ ദിവ്യബലിക്ക് ഹൊസൂര്‍ രൂപത ഫിനാന്‍സ് ഓഫീസര്‍ ഫാ. ജോജു എളംകുന്നപ്പുഴ മുഖ്യകാര്‍മികത്വം വഹിക്കും. 10ന് നടക്കുന്ന ആഘോഷമായ തിരുനാള്‍ ദിവ്യബലിക്ക് വീരഞ്ചിറ വികാരി ഫാ. മെല്‍വിന്‍ പെരേപ്പാടന്‍ മുഖ്യകാര്‍മികത്വം വഹിക്കും. ആലുവ ഡിപോള്‍ വിന്‍സെന്‍ഷ്യന്‍ സെമിനാരി റെക്ടര്‍ ഫാ. ബിജു കൂനന്‍ വിസി തിരുനാള്‍ സന്ദേശം നല്‍കും. പൊള്ളാച്ചി സ്‌നേഹാലയം ഡയറക്ടര്‍ ഫാ. ജെറിന്‍ എളംകുന്നപ്പുഴ സഹകാര്‍മികനായിരിക്കും. ഉച്ചതിരിഞ്ഞ് മൂന്നിന് ദിവ്യബലിക്ക് ഇടവകയിലെ വൈദികര്‍ കാര്‍മികത്വം വഹിക്കും. നാലിന് പ്രദക്ഷിണം ആരംഭിച്ച് വൈകീട്ട് ഏഴിന് സമാപിക്കും. തുടര്‍ന്ന് ലൈറ്റ് ആന്‍ഡ് സൗണ്ട് ഷോ.
ആറിന് പൂര്‍വികരുടെ ഓര്‍മദിനത്തില്‍ രാവിലെ 6.30ന് വികാരി ഫാ. ജോണ്‍സണ്‍ തറയില്‍ ദിവ്യബലിക്ക് കാര്‍മികത്വം വഹിക്കും. 10ന് പ്രവാസി സംഗമം നടക്കും. 12ന് എട്ടാമിടദിനത്തില്‍ രാവിലെ 6.30ന് ദിവ്യബലി, 9.30ന് ആഘോഷമായ തിരുനാള്‍ ദിവ്യബലിക്ക് മേലഡൂര്‍ അസി. വികാരി ഫാ. മെജിന്‍ കല്ലേലി മുഖ്യകാര്‍മികത്വം വഹിക്കും. തൃശൂര്‍ മേരിമാത മേജര്‍ സെമിനാരി പ്രഫസര്‍ ഫാ. ജിബിന്‍ താഴേക്കാടന്‍ തിരുനാള്‍ സന്ദേശം നല്‍കും. 11 മുതല്‍ 2.30വരെ ഊട്ടുസദ്യ ഉണ്ടായിരിക്കും. തിരുനാളിന്റെ വിജയത്തിനായി വികാരി ഫാ. ജോണ്‍സണ്‍ തറയില്‍, കൈക്കാരന്‍മാരായകാട്ട്‌ള തോമസ് വര്‍ഗീസ്, എടക്കളത്തൂര്‍ മൈക്കിള്‍ മോന്‍സി, പുതുശേരി വാറുണ്ണി വില്‍സന്‍ എന്നിവരുടെ നേതൃത്വത്തില്‍ വിപുലമായ കമ്മിറ്റി പ്രവര്‍ത്തിച്ചുവരുന്നു.
About Author
നൂറോളം ഇനം താമര, 75 ഇനം ആമ്പലുകള്‍…..വീടൊരു താമരക്കാട് 
പോക്‌സോ കേസിലെ പിടികിട്ടാപ്പുള്ളിയെ മധ്യപ്രദേശില്‍ നിന്നും പിടികൂടി 
പുല്ലൂര്‍ ചമയം നാടകവേദിയുടെ നാടകരാവ് 2025 സമാപിച്ചു 
കാട്ടൂരിലെ കുടിവെള്ള മലിനീകരണം: മണ്ണ് പരിശോധനാ ഫലം അട്ടിമറിക്കപ്പെടുമോ, ആശങ്കയില്‍ ജനങ്ങള്‍ 
കരുവന്നൂര്‍ ബാങ്ക്; നിക്ഷേപകന്‍ ബാങ്കിന്റെ കൗണ്ടറിലേക്ക് പെട്രോളൊഴിച്ചു, പ്രതിഷേധം പണം തിരികെ കിട്ടാത്തതില്‍ 
നിസ്വാര്‍ത്ഥ സേവനത്തിന്റെ പ്രതീകമാണ് ചന്ദ്രേട്ടന്‍- ജയരാജ് വാര്യര്‍ 
