സെന്റ് ജോസഫ്സ് കോളജ് കാലിക്കട്ട് വോളി ചാമ്പ്യന്
കാലിക്കട്ട് യൂണിവേഴ്സിറ്റി വനിതാ ഇന്റര്സോണ് വോളിബോള് ചാമ്പ്യന്ഷിപ്പില് ചാമ്പ്യന്മാരായ ഇരിങ്ങാലക്കുട സെന്റ് ജോസഫ്സ് കോളജ് ടീം.
ഇരിങ്ങാലക്കുട: കാലിക്കട്ട് യൂണിവേഴ്സിറ്റി വനിതാ ഇന്റര്സോണ് വോളിബോള് ചാമ്പ്യന്ഷിപ്പില് ഇരിങ്ങാലക്കുട സെന്റ് ജോസഫ്സ് കോളജ് ചാമ്പ്യന്മാരായി. കാലിക്കട്ട് യൂണിവേഴ്സിറ്റി വോളിബോള് ചാമ്പ്യന്ഷിപ്പില് നാല്പത്തി ആറാം തവണയാണ് ഇരിങ്ങാലക്കുട സെന്റ് ജോസഫ്സ് ചാമ്പ്യന്മാര് ആകുന്നത്. ഫൈനലില് സെന്റ് മേരീസ് കോളജ് സുല്ത്താന് ബത്തേരിയെ (25-18, 25-18, 25-22) തോല്പ്പിച്ചാണ് സെന്റ് ജോസഫ്സ് കോളജ് ചാമ്പ്യന്മാരായത്.
മൂന്നാം സ്ഥാനത്തിന് വേണ്ടിയുള്ള മത്സരത്തില് എസ്എന് കോളജ് വടകര, എസ്എന് കോളജ് ചേളന്നൂരിനെ തോല്പ്പിച്ച് മൂന്നാംസ്ഥാനം കരസ്ഥമാക്കി. വിജയികള്ക്ക് സെന്റ് ജോസഫ്സ് കോളജ് പ്രിന്സിപ്പല് സിസ്റ്റര് ഡോ. ബ്ലെസി ട്രോഫികള് സമ്മാനിച്ചു. കാലിക്കട്ട് യൂണിവേഴ്സിറ്റി കായികവിഭാഗം ഡെപ്യൂട്ടി ഡയറക്ടര് ഡോ. ജി. ബിപിന്, സെന്റ് ജോസഫ്സ് കോളജ് കായിക വകുപ്പ് മേധാവി തുഷാര ഫിലിപ്പ്, ഡോ. സ്റ്റാലിന് റാഫേല്, എന്.എസ്. വിഷ്ണു, ജനറല് ക്യാപ്റ്റന് അനുപമ എന്നിവര് സംസാരിച്ചു. ഈ ചാമ്പ്യന്ഷിപ്പിലെ മികച്ച കായികപ്രതിഭകളെ കാലിക്കട്ട് യൂണിവേഴ്സിറ്റി ടീമിലേക്ക് തെരഞ്ഞെടുത്തു.

ആള്ക്കൂട്ട അരാജകത്വത്തിനെതിരെ ഇരിങ്ങാലക്കുടയില് ബിജെപി തെരുവ് ജനസഭ സംഘടിപ്പിച്ചു
കുച്ചിപ്പുടിയില് പാരമ്പര്യത്തിലൂന്നിയ പുതുമകള് അനിവാര്യം: നവ്യം 2026 സമാപനത്തില് പദ്മവാണി മോസലികണ്ടി
പി.കെ. ചാത്തന് മാസ്റ്റര് സ്മൃതിസഭയോട് അനുബന്ധിച്ച് ബിജെപിയുടെ നേതൃത്വത്തില് ഉന്നതികളില് ഗൃഹസന്ദര്ശനം നടത്തി
കാട്ടൂരിലെ സ്പിരിറ്റ് വേട്ട; അന്വേഷണം എക്സൈസ് അസി. കമ്മീഷണര്ക്ക്
മുരിയാട് പഞ്ചായത്ത് കേരളോത്സവം സമാപിച്ചു
ദേശീയ മാധ്യമദിന0; ക്രൈസ്റ്റ് കോളജ് മാധ്യമ ശില്പശാല സംഘടിപ്പിച്ചു