ബെലന്‍ 2020 പുല്‍ക്കൂട് മത്സര വിജയികളെ പ്രഖ്യാപിച്ചു
ഇരിങ്ങാലക്കുട: രൂപത അടിസ്ഥാനത്തില്‍ റോക്കി ജെയിംസ് ഫൗണ്ടേഷനും വല്ലക്കുന്ന് സെന്റ് അല്‍ഫോന്‍സ ചര്‍ച്ച് കെസിവൈഎമ്മും ചേര്‍ന്നൊരുക്കിയ ബെലന്‍ 2020 പുല്‍ക്കൂട് മത്സരത്തില്‍ ഇരിങ്ങാലക്കുട സെന്റ് ജോസഫ്‌സ് കോണ്‍വെന്റ് ഒന്നാം സ്ഥാനം കരസ്ഥമാക്കി. കൊറോണയുടെ കരാള ഹസ്തങ്ങളിലകപ്പെട്ട ലോകത്തിലേയ്ക്ക് സ്‌നേഹത്തിന്റേയും സമാധാനത്തിന്റേയും പൊന്‍വെട്ടമായി പിറന്നുവീണ ഉണ്ണിയേശുവിനെ അവതരിപ്പിച്ച സെന്റ് ജോസഫ്‌സ് കോണ്‍വെന്റ് ആനുകാലിക പ്രസക്തിയോടെ ഏറെ വ്യത്യസ്തമായി പൂല്‍ക്കൂട് നിര്‍മിച്ചതിനാലാണ് ഒന്നാം സ്ഥാനം കരസ്ഥമാക്കിയത്. ഷാജു കോക്കാട്ട് വല്ലക്കുന്ന് രണ്ടാം സ്ഥാനവും ലാല്‍ജോ ജോസ് ചാലക്കുടി മൂന്നാം സ്ഥാനവും ക്രിസ്റ്റി ക്രിസ്റ്റോ ഇരിങ്ങാലക്കുട നാലാം സ്ഥാനവും ഷാന്‍ ജേക്കബ് രണ്ടുകൈ അഞ്ചാം സ്ഥാനവും കരസ്ഥമാക്കി. കൂടാതെ തെരഞ്ഞെടുത്ത അഞ്ച് മത്സരാര്‍ഥികള്‍ക്കു പ്രോത്സാഹന സമ്മാനങ്ങളും വിതരണം ചെയ്തു. വല്ലക്കുന്ന് സെന്റ് അല്‍ഫോന്‍സാ പള്ളി അങ്കണത്തില്‍ നടന്ന ചടങ്ങില്‍ വിജയികള്‍ക്കു സമ്മാനങ്ങള്‍ നല്കി. ചടങ്ങില്‍ ബെലന്‍ 2020 ലെ 80 അടി ക്രിസ്മസ് ട്രീയുടെ പിന്നണി ശില്പികളെ ആദരിക്കുകയും ചെയ്തു.
About Author
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ക്രൈസ്റ്റ് കോളജില്‍ നടന്ന ജിയോ എക്‌സ്‌പോ 2024 സമാപിച്ചു 
ക്രൈസ്റ്റ് കോളജില്‍ ഇംഗ്ലീഷ് ഭാഷാ പഠനത്തില്‍ അന്താരാഷ്ട്ര സെമിനാര്‍ സംഘടിപ്പിച്ചു 
