ലക്ഷങ്ങള്‍ തട്ടിയെടുത്ത കേസില്‍ സ്വകാര്യ ധനസ്ഥാപനത്തിലെ മുന്‍ മാനേജിംഗ് ഡയറക്ടര്‍ അറസ്റ്റില്‍
ഇരിങ്ങാലക്കുട: ലക്ഷങ്ങള്‍ തട്ടിയെടുത്ത കേസില്‍ മാപ്രാണം സ്വദേശി അറസ്റ്റില്‍. മാപ്രാണം ബ്ലോക്ക് റോഡില്‍ ഏറ്റത്തു വീട്ടില്‍ സുവര്‍ണ്ണന്‍ (48) നെയാണ് ഇരിങ്ങാലക്കുട സിഐ അനീഷ് കരീമും സംഘവും അറസ്റ്റുചെയ്തത്. ചാവക്കാട് സ്വദേശി സന്ദീപിന്റെ ഇരുപത്തിയഞ്ചര ലക്ഷത്തോളം രൂപ തട്ടിയെടുത്ത കേസിലാണ് അറസ്റ്റ് ചെയ്തിരിക്കുന്നത്. 2021 ല്‍ ചന്തക്കുന്നില്‍ പ്രവര്‍ത്തിച്ചിരുന്ന എറ്റത്ത് നിധി ലിമിറ്റഡ് കമ്പനിയുടെ മാനേജിംഗ് ഡയറക്ടര്‍ ആയി പ്രവര്‍ത്തിക്കുന്ന വേളയിലാണ് സന്ദീപിനെ വഞ്ചിച്ചതെന്ന് പോലീസ് പറഞ്ഞു.
ഒളിവില്‍ ആയിരുന്ന പ്രതി ജാമ്യം എടുക്കാന്‍ ശ്രമിച്ചുവരികയായിരുന്നു. ജാമ്യാപേക്ഷ തള്ളിയതോടെ പോലീസ് ഇയാളെ അറസ്റ്റ് ചെയ്യുകയായിരുന്നു. തട്ടിപ്പില്‍ ഉള്‍പ്പെട്ട കയ്പമംഗലം സ്വദേശിയും രണ്ടാം പ്രതിയുമായ ജുബിന്‍ ഒളിവിലാണെന്നും പോലീസ് പറഞ്ഞു. പട്ടണത്തിലുള്ള ഡോക്ടറുടെ രണ്ട് കോടിയോളം രൂപ തട്ടിയെടുത്ത കേസിലും ഇപ്പോള്‍ അറസ്റ്റിലായ സുവര്‍ണ്ണന്‍ പ്രതിയാണെന്നും സ്ത്രീയെ അപമാനിച്ച സംഭവവുമായി ബന്ധപ്പെട്ട് ഇയാളുടെ പേരില്‍ കേസ് എടുത്തിട്ടുണ്ടെന്നും പോലീസ് അറിയിച്ചു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
About Author
നവജാതശിശു സംരക്ഷണ വാരാചരണത്തിന് തുടക്കമായി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
ക്രൈസ്റ്റ് എന്‍ജിനീയറിംഗ് കോളജില്‍ ഹയര്‍ സെക്കന്‍ഡറി അധ്യാപകര്‍ക്ക് ആദരം ഗ്രെയ്‌സ് 2024 നടന്നു 
ദോഹ ഖത്തറില്‍ ഡ്രൈവര്‍മാരായി ജോലി ചെയ്തവരുടെ ഖത്തര്‍ പ്രവാസി കൂട്ടായ്മ സംഗമം നടന്നു 
ഇരിങ്ങാലക്കുട ടൗണ്‍ ലയണ്‍സ് ക്ലബ്ബ് വാക്കറുകള്‍ ഹൃദയ പാലിയേറ്റീവ് കെയറിന് വിതരണം ചെയ്തു 
