യുഡിഎഫ് ഇരിങ്ങാലക്കുട ടൗൺ മണ്ഡലം കമ്മിറ്റി കെഎസ്ഇബി ഓഫീസിനു മുമ്പിൽ ധർണ നടത്തി

സ്വർണകള്ളക്കടത്തിൽ മുഖ്യമന്ത്രി രാജിവെക്കണമെന്നും സിബിഐ അന്വേഷണം ആവശ്യപ്പെട്ടും, കോവിഡിനെ മറയാക്കി എൽഡിഎഫ് സർക്കാർ നടത്തുന്ന കൊള്ളക്കും അഴിമതിക്കെതിരെയും യുഡിഎഫ് ഇരിങ്ങാലക്കുട ടൗൺ മണ്ഡലം കമ്മിറ്റിയുടെ നേതൃത്വത്തിൽ കെഎസ്ഇബി ഓഫീസിനു മുമ്പിൽ ധർണ നടത്തി. ധർണ മുൻ ചീഫ് വിപ്പ് അഡ്വ. തോമസ് ഉണ്ണിയാടൻ ഉദ്ഘാടനം ചെയ്തു. യുഡിഎഫ് ഇരിങ്ങാലക്കുട ടൗൺ മണ്ഡലം ചെയർമാൻ ജോസഫ് ചാക്കോ അധ്യക്ഷത വഹിച്ചു. മുസ്ലിം ലീഗ് നിയോജകമണ്ഡലം പ്രസിഡന്റ് കെ.എ. റിയാസുദീൻ, കേരള കോൺഗ്രസ് നിയോജകമണ്ഡലം പ്രസിഡന്റ് റോക്കി ആളൂക്കാരൻ, വിജയൻ ഇളയേടത്ത്, ജസ്റ്റിൻ ജോൺ, സിജു യോഹന്നാൻ, കെ.എ. ധർമരാജൻ, നോബിൾ, മുജീബ് തുടങ്ങിയവർ നേതൃത്വം നല്കി.

About Author

ijknews

See author's posts