സിപിഐ കുട്ടംകുളം സമരത്തിന്റെ 75-ാം വാര്‍ഷികം ആചരിച്ചു
ഇരിങ്ങാലക്കുട: അയിത്തത്തിനും അനാചാരങ്ങള്‍ക്കുമെതിരെ സഞ്ചാര സ്വാതന്ത്രത്തിനു വേണ്ടി ഇരിങ്ങാലക്കുടയില്‍ നടന്ന ഐതിഹാസികമായ കുട്ടംകുളം സമരത്തിന്റെ 75-ാം വാര്‍ഷികം സിപിഐ ഇരിങ്ങാലക്കുട മണ്ഡലം കമ്മിറ്റിയുടെ നേതൃത്വത്തില്‍ ആചരിച്ചു. കുട്ടംകുളത്തിനു സമീപം തയാറാക്കിയ കൊടിമരത്തില്‍ സിപിഐ സംസ്ഥാന കൗണ്‍സില്‍ അംഗം കെ. ശ്രീകുമാര്‍ പതാക ഉയര്‍ത്തി. ജില്ലാ എക്‌സിക്യുട്ടീവ് അംഗം ടി.കെ. സുധീഷ് അധ്യക്ഷത വഹിച്ചു. മണ്ഡലം സെക്രട്ടറി പി. മണി, എന്‍.കെ. ഉദയപ്രകാശ്, കെ.വി. രാമകൃഷ്ണന്‍, കെ.കെ. ശിവന്‍, കെ.സി. ബിജു, കെ.എസ്. പ്രസാദ്, ഷീല അജയഘോഷ്, ലത സഹദേവന്‍ എന്നിവര്‍ പങ്കെടുത്തു. കൂടല്‍മാണിക്യം ക്ഷേത്രത്തിനു മുന്നിലുള്ള കുട്ടംകുളം പരിസരത്തുള്ള റോഡിലൂടെ പിന്നോക്കാധി ജനവിഭാഗങ്ങള്‍ക്കു വഴിനടക്കുവാനുള്ള അവകാശം നിഷേധിച്ചു കൊണ്ട് 1910 ല്‍ ഒരു തീണ്ടല്‍ പലക സ്ഥാപിച്ചിരുന്നു. അതിനെതിരെ കമ്യൂണിസ്റ്റ് പാര്‍ട്ടിയുടേയും എസ്എന്‍ഡിപിയുടേയും പുലയമഹാസഭയുടേയും നേതൃത്വത്തില്‍ നടന്ന പ്രക്ഷോഭങ്ങളുടെ ഭാഗമായി 1946 ജൂണ്‍ 23 നു കുട്ടംകുളത്തേക്ക് നടത്തിയ മാര്‍ച്ച് സംഘര്‍ഷഭരിതമായി. സമരത്തിനു നേതൃത്വം കൊടുത്ത പി. ഗംഗാധരനേയും കെ.വി ഉണ്ണിയേയും വിളക്കുകാലില്‍ കെട്ടിയിട്ട് പോലീസ് നിഷ്ഠൂരമായി മര്‍ദിച്ചു. സമരക്കാര്‍ തീണ്ടല്‍ പലക കുട്ടംകുളത്തിലേക്ക് വലിച്ചെറിഞ്ഞു. ദുരാചരണങ്ങള്‍ക്കെതിരെ കൊച്ചിരാജ്യത്ത് നടന്ന ഏറ്റവും വലിയ സംഘടിത പ്രക്ഷോഭമായിരുന്നു കുട്ടംകുളം സമരം.
About Author
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
