കുടുംബങ്ങള്ക്ക് പോഷകാഹാര കിറ്റുമായി പുല്ലൂര് സര്വീസ് സഹകരണ ബാങ്ക്
പുല്ലൂര്: സര്വീസ് സഹകരണ ബാങ്കിന്റെ നേതൃത്വത്തില് മുരിയാട് ഗ്രാമപഞ്ചായത്തിലെ എട്ടു വാര്ഡുകളിലെ കോവിഡ് ബാധിതമായ കുടുംബങ്ങള്ക്കു പോഷകാഹാര കിറ്റ് വിതരണം ചെയ്തു. ഘട്ടം ഘട്ടമായിട്ടാണു കിറ്റുകള് വിതരണം ചെയ്യുന്നത്. കണ്ടെയ്ന്മെന്റ് സോണുകള് അല്ലാത്ത വാര്ഡുകളില് ഇടവിട്ട ദിവസങ്ങളില് കിറ്റ് വിതരണം നടത്തും. ബാങ്ക് തല കിറ്റ് വിതരണോദ്ഘാടനം ജില്ലാ പഞ്ചായത്ത് പ്രസിഡന്റ് പി.കെ. ഡേവിസ് നിര്വഹിച്ചു. യോഗത്തില് മുകുന്ദപുരം സര്ക്കിള് സഹകരണ യൂണിയന് ചെയര്മാനും മുരിയാട് ഗ്രാമപഞ്ചായത്ത് പ്രസിഡന്റുമായ ജോസ് ജെ. ചിറ്റിലപ്പിള്ളി അധ്യക്ഷത വഹിച്ചു. മുരിയാട് ഗ്രാമപഞ്ചായത്ത് വൈസ് പ്രസിഡന്റ് ഷീല ജയരാജ്, ഇരിങ്ങാലക്കുട ബ്ലോക്ക് പഞ്ചായത്തംഗം മിനി വരിക്കശേരി, പഞ്ചായത്തംഗം മനീഷ മനീഷ്, ഭരണസമിതി അംഗങ്ങളായ പി.കെ. ശശി, രാധാ സുബ്രന്, തോമസ് കാട്ടൂക്കാരന്, ബാങ്ക് പ്രസിഡന്റ് പി.വി. രാജേഷ്, സെക്രട്ടറി സി.എസ്. സപ്ന എന്നിവര് പ്രസംഗിച്ചു. 200 കുടുംബങ്ങള്ക്കാണ് ആദ്യദിനത്തില് കിറ്റുകള് വിതരണം ചെയ്തത്. 10, 11 വാര്ഡുകളിലെ നൂറോളം കോവിഡ് ബാധിതമായ 200 ഓളം കുടുംബങ്ങള്ക്കാണു കിറ്റുകള് വിതരണം ചെയ്യുന്നത്. തുടര്ന്ന് കണ്ടെയ്ന്മെന്റ് സോണുകള് അല്ലാത്ത മറ്റു വാര്ഡുകളിലും വിതരണം തുടരും.

പൂമംഗലം പഞ്ചായത്തില് ജനകീയാസൂത്രണ കാര്ഷിക പദ്ധതികള്ക്ക് തുടക്കമായി
പൂമംഗലം പഞ്ചായത്തില് നീന്തല് പരിശീലനത്തിന് തുടക്കമായി
മാലിന്യക്കൂമ്പാരത്തില്നിന്ന് കിട്ടിയ സ്വര്ണലോക്കറ്റ് ഉടമയ്ക്ക് തിരികെ നല്കി; സത്യസന്ധതയുടെ തിളക്കമായി ഹരിതകര്മസേനാംഗം
മുരിയാട് പഞ്ചായത്ത് പൊതുജലാശയങ്ങളില് മത്സ്യകുഞ്ഞുങ്ങളെ നിക്ഷേപിക്കുന്ന പദ്ധതി ഉദ്ഘാടനം ചെയ്തു
ഫെഡറല് ബാങ്കിന്റെ സിഎസ്ആര് ഫണ്ട് വഴി കാറളം പഞ്ചായത്തിന് അനുവദിച്ച വാഹനത്തിന്റെ ഉദ്ഘാടനം നിര്വഹിച്ചു
മുരിയാട് പഞ്ചായത്ത് ഭരണസമിതി നെല്കൃഷിയിലേക്ക്