ഇരിങ്ങാലക്കുട നിയോജകമണ്ഡലത്തില്‍ കോവിഡ് രോഗികളുടെ എണ്ണം ക്രമാതീതമായി വര്‍ധിക്കുന്നു
നഗരസഭാ പ്രദേശത്ത് 61 പേര്‍ക്കാണു കോവിഡ് സ്ഥിരീകരിച്ചിട്ടുള്ളത്.നഗരസഭയില്‍ പത്ത് വാര്‍ഡുകള്‍ കണ്ടെയ്‌മെന്റ് സോണുകള്‍
ഇരിങ്ങാലക്കുട: നിയോജകമണ്ഡലത്തിലെ നഗരസഭയിലും ഏഴു പഞ്ചായത്തുകളിലുമായി കോവിഡ് കേസുകളുടെ എണ്ണം ക്രമാതീതമായി കൂടിയിരിക്കുകയാണ്. നഗരസഭാ പ്രദേശത്ത് 61 പേര്‍ക്കാണു കോവിഡ് സ്ഥിരീകരിച്ചിട്ടുള്ളത്. ഇതില്‍ 21 പേരാണു ഇപ്പോള്‍ ചികിത്സയിലുള്ളത്. 20 പേരുടെ രോഗം ഭേദമായി. 361 പേര്‍ വീടുകളില്‍ നിരീക്ഷണത്തിലുണ്ട്. നാലു പേരാണ് സ്ഥാപന നിരീക്ഷണത്തില്‍ കഴിയുന്നത്. 258 പുരുഷന്മാരും 103 സ്ത്രീകളുമാണു വീടുകളില്‍ നിരീക്ഷണത്തിലുള്ളത്. സ്ഥാപന നിരീക്ഷണത്തില്‍ മൂന്നു പുരുഷന്മാരും ഒരു സ്ത്രീയുമാണുള്ളത്. വിദേശത്തു നിന്നുമെത്തി നിരീക്ഷണത്തില്‍ കഴുയുന്നവര്‍ 105 പേരാണ്. മുരിയാട് പഞ്ചായത്തില്‍ 21 പേര്‍ക്ക് കോവിഡ് സ്ഥിരീകരിച്ചതില്‍ നാലു പേര്‍ക്ക് രോഗം ഭേദമായി. 130 പേര്‍ വീടുകളിലും രണ്ടു പേര്‍ സ്ഥാപന നിരീക്ഷണത്തിലുമുണ്ട്. പടിയൂര്‍ പഞ്ചായത്തില്‍ ആര്‍ക്കും കോവിഡ് സ്ഥിരീകരിച്ചിട്ടില്ല. 45 പേരാണു വീടുകളില്‍ നിരീക്ഷണത്തിലുള്ളത്. കാട്ടൂര്‍ പഞ്ചായത്തില്‍ നാലു പേര്‍ക്കു കോവിഡ് സ്ഥിരീകരിച്ചതില്‍ രണ്ടു പേര്‍ക്ക് രോഗം ഭേദമായി. 62 പേര്‍ വീടുകളില്‍ നിരീക്ഷണത്തിലാണ്. കാറളം പഞ്ചായത്തില്‍ നാലു പേരാണു കോവിഡ് ബാധിതരായുള്ളത്. 231 പേര്‍ വീടുകളില്‍ നിരീക്ഷണത്തിലാണ്. ആളൂര്‍ പഞ്ചായത്തില്‍ ഒരാള്‍ക്കാണു കോവിഡ് ബാധിച്ച് ചികില്‍സയിലുള്ളത്. 198 പേര്‍ വീടുകളിലും ഒരാള്‍ സ്ഥാപന നിരീക്ഷണത്തിലുമുണ്ട്. വേളൂക്കര പഞ്ചായത്തില്‍ 23 പേര്‍ക്കു രോഗം സ്ഥ്ിതീകരിച്ചുവെങ്കിലും 8 പേര്‍ക്കു രോഗം ഭേദമായി. 617 പേരാണ് വീടുകളില്‍ നിരീക്ഷണത്തിലുള്ളത്. പൂമംഗലം പഞ്ചായത്തില്‍ മൂന്നു പേരാണ് രോഗബാധിതരായി ചികില്‍സയിലുള്ളത്. ഇരിങ്ങാലക്കുട നഗരസഭയിലെ വാര്‍ഡ് 16 (ഠാണാ ഗവ. ആശുപത്രി), വാര്‍ഡ് 19 (മാര്‍ക്കറ്റ്), വാര്‍ഡ് 20 (കോളനി), വാര്‍ഡ് 22 (നഗരസഭാ ഓഫീസ്), വാര്‍ഡ് 24 (ബസ് സ്റ്റാന്‍ഡ്), വാര്‍ഡ് 26 (കലാനിലയം), വാര്‍ഡ് 27 (ചേലൂക്കാവ്), വാര്‍ഡ് 28 (പൂച്ചക്കുളം), വാര്‍ഡ് 33 (പൊറത്തിശേരി പോസ്റ്റ് ഓഫീസ്), വാര്‍ഡ് 35 (പൊറത്തിശേരി മഹാത്മാ സ്‌കൂള്‍) എന്നിവയാണു കണ്ടെയ്ന്‍മെന്റ് സോണായി പ്രഖ്യാപിച്ചത്. വേളൂക്കരയില്‍ അഞ്ച്, ഏഴ്, 17, 18 എന്നീ വാര്‍ഡുകളും മുരിയാട് പഞ്ചായത്തില്‍ എട്ട്, ഒമ്പത്, 10, 11, 12, 13, 14 എന്നീ വാര്‍ഡുകളും ആളൂരില്‍ ഒന്നാം വാര്‍ഡും കാറളം പഞ്ചായത്തിലെ 13, 14 വാര്‍ഡുകളും കണ്ടെയ്ന്‍മെന്റ് സോണുകളാണ്.
About Author
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
മുകുന്ദപുരം ചാലക്കുടി താലൂക്ക് തല വാരാഘോഷം ഉദ്ഘാടനം നടന്നു 
ബൈക്കുകള്‍ കൂട്ടിയിടിച്ച് അപകടം; സെക്യൂരിറ്റി ജീവനക്കാരനടക്കം രണ്ടു പേര്‍ മരിച്ചു 
