കാട്ടൂരില്‍ ബൈക്കും സ്‌കൂട്ടറും കൂട്ടിയിടിച്ച് യുവാവ് മരിച്ചു

കാട്ടൂര്‍: ഇല്ലിക്കാട് ബൈക്കും സ്‌കൂട്ടറും കൂട്ടിയിടിച്ച് യുവാവ് മരിച്ചു. കൊറ്റനെല്ലൂര്‍ കൈതവളപ്പില്‍ വേലായുധന്‍ മകന്‍ ജിതിന്‍ (26) ആണ് മരിച്ചത്. കഴിഞ്ഞ ദിവസം രാത്രി ഒമ്പതു മണിയോടെയായിരുന്നു അപകടം. കാട്ടൂര്‍ ഭാഗത്തുനിന്ന് ഇരിങ്ങാലക്കുടയിലേക്ക് പോകുകയായിരുന്ന ജിതിന്റെ ബൈക്കും എതിര്‍ദിശയില്‍ വന്നിരുന്ന കാട്ടൂര്‍ പൊഞ്ഞനം കൊല്ലാറ വീട്ടില്‍ ധയേഷിന്റെ സ്‌കൂട്ടറുമാണ് കൂട്ടിയിടിച്ചത്. അപകടത്തെത്തുടര്‍ന്ന് നിയന്ത്രണംവിട്ട ജിതിന്റെ ബൈക്ക് സമീപത്തെ മതിലിലും ഇടിച്ചു. പരിക്കേറ്റ ഇരുവരെയും ഇരിങ്ങാലക്കുട സഹകരണ ആശുപത്രിയില്‍ എത്തിച്ചെങ്കിലും ജിതിന്റെ ജീവന്‍ രക്ഷിക്കാനായില്ല. സംസ്‌കാരം വീട്ടുവളപ്പില്‍ നടന്നു. അമ്മ: ഷീജ, സഹോദരി: ഷന്യ വിബിന്‍.

About Author

ijknews

See author's posts