റൂട്ട് തെറ്റിച്ചു വന്ന ലിമിറ്റഡ് സ്റ്റോപ്പ് ബസില്‍ നിന്നു തെറിച്ചു വീണ് മതിലകം സ്വദേശിനിയായ യുവതിക്ക് പരിക്കേറ്റു…
ഇരിങ്ങാലക്കുട: റൂട്ട് തെറ്റിച്ചു വന്ന സ്വകാര്യ ലിമിറ്റഡ് സ്റ്റോപ്പ് ബസില്‍ നിന്നു തെറിച്ചു വീണു യുവതിക്കു പരിക്കേറ്റു. പരിക്കേറ്റ മതിലകം മഞ്ഞളി വീട്ടില്‍ അലീന ജോയിയെ (23) മാപ്രാണം ലാല്‍ ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം രാവിലെ പത്തരയോടെ ആയിരുന്നു അപകടം. ഇരിങ്ങാലക്കുടയില്‍ നിന്നു തൃശൂരിലേക്കു പോവുകയായിരുന്ന എംഎസ് മേനോന്‍ ബസില്‍ നിന്നു തെറിച്ചു വീണായിരുന്നു അപകടം. ഇരിങ്ങാലക്കുട ബസ് സ്റ്റാന്‍ഡില്‍ നിന്നു മെയിന്‍ റോഡ് വഴി പോകേണ്ട ബസ്, കാട്ടൂര്‍ റോഡില്‍ നിന്നു തിരിഞ്ഞു ബൈപാസ് റോഡിലൂടെ പോകുമ്പോള്‍ വളവില്‍ വെച്ചാണു വണ്ടിയുടെ പുറകു വശത്തു നില്ക്കുകയായിരുന്ന യുവതി തെറിച്ചു വീണത്. യുവതിയെ ബസ് ജീവനക്കാര്‍ ഓട്ടോയില്‍ കയറ്റി ആശുപത്രിയില്‍ എത്തിക്കുകയായിരുന്നു. പരിക്കുകള്‍ ഗുരുതമല്ല. കൂടുതല്‍ വിദഗ്ധ പരിശോധനകള്‍ നടത്തുമെന്ന് ആശുപത്രി അധികൃതര്‍ അറിയിച്ചു. പരിക്കേറ്റ അലീന തൃശൂര്‍ പൂരം എക്‌സിബിഷന്‍ കാണാന്‍ പോവുകയായിരുന്നുവെന്ന് ആശുപത്രിയില്‍ എത്തിയ സുഹൃത്തുക്കള്‍ പറഞ്ഞു. ഇരിങ്ങാലക്കുട പോലീസ് അപകടസ്ഥലത്തും ആശുപത്രിയിലുമെത്തി തുടര്‍ നടപടികള്‍ സ്വീകരിച്ചു.
About Author
ഡബ്ലിന്‍ യൂണിവേഴ്‌സിറ്റി കോളജുമായി സഹകരിക്കാന്‍ ഇരിങ്ങാലക്കുട സെന്റ് ജോസഫ്‌സ് കോളജ്; പ്രഫ. ജെറമി സിംപ്‌സണ്‍ ക്യാമ്പസിലെത്തി 
ചെന്ത്രാപ്പിന്നി എസ്എന്‍ വിദ്യാഭവന്‍ സീനിയര്‍ സെക്കന്‍ഡറി സ്‌കൂളിന് കിരീടം 
എവുപ്രാസ്യ ജന്മഗൃഹ കപ്പേളയില്‍ 149-ാം ജന്മദിനത്തിരുനാള്‍ ആഘോഷിച്ചു 
പടിയൂരില്‍ കാട്ടുപന്നി ശല്യം രൂക്ഷം; നെല്‍കൃഷി കുത്തിയിളക്കി നശിപ്പിച്ചു 
കുച്ചിപ്പുടിയില്‍ വീണ്ടും കാറ്റ്‌ലിന്റെ വിജയത്തിളക്കം; സഹോദയ കലോത്സവത്തില്‍ ഒന്നാം സ്ഥാനം 
ഭരതനാട്യത്തില്‍ മികവിന്റെ മുദ്ര പതിപ്പിച്ച് കാറ്റ്‌ലിന്‍; സഹോദയ കലോത്സവത്തില്‍ തുടര്‍ച്ചയായ മൂന്നാം വര്‍ഷവും ഒന്നാം സ്ഥാനം 
