ഇരുചക്രവാഹനങ്ങളില്‍ കറങ്ങി മാലമോഷണം; രണ്ടുപേര്‍ അറസ്റ്റില്‍
കാട്ടൂര്‍: സംസ്ഥാനത്തെ വിവിധ ജില്ലകളില്‍ ഇരുചക്രവാഹനങ്ങളില്‍ കറങ്ങിനടന്ന് സ്ത്രീകളുടെ മാല മോഷ്ടിക്കുന്ന രണ്ടുപേരെ കാട്ടൂര്‍ പോലീസ് അറസ്റ്റ് ചെയ്തു. മണലൂര്‍ സ്വദേശി പുളിക്കന്‍വീട്ടില്‍ സജീവന്‍ (49), കണ്ടശാംകടവ് സ്വദേശി ചക്കബി വീട്ടില്‍ രാജു (46) എന്നിവരെയാണ് കാട്ടൂര്‍ സിഐ മഹേഷ്‌കുമാര്‍, എസ്‌ഐമാരായ അരിസ്റ്റോട്ടില്‍, മണികണ്ഠന്‍ എന്നിവര്‍ ചേര്‍ന്ന് അറസ്റ്റു ചെയ്തത്. ജൂണ്‍ 27ന് കാറളം പുല്ലത്തറയിലുള്ള വയോധികയെ ആക്രമിച്ച് സ്വര്‍ണമാല കവര്‍ന്ന കേസിലാണ് അറസ്റ്റ്. പ്രദേശത്തെ സിസിടിവി അടക്കമുള്ളവ പരിശോധിച്ച് പോലീസ് നടത്തിയ അന്വേഷണത്തിനൊടുവിലാണ് പ്രതികള്‍ പിടിയിലായത്. അടുത്ത ദിവസങ്ങളില്‍ ചെര്‍പ്പുളശേരി, പെരിന്തല്‍മണ്ണ തുടങ്ങിയ സ്ഥലങ്ങളില്‍ സ്ത്രീകളുടെ മാല കവര്‍ന്ന സംഭവങ്ങളിലും ഇവര്‍ തന്നെയാണ് പ്രതികളെന്ന് പോലീസ് കണ്ടെത്തിയിട്ടുണ്ട്. എഎസ്‌ഐ കെ. അജയ്, സിപിഒമാരായ സുരേഷ്, വിജയന്‍, സതീഷ്, ശബരി, ഷെമീര്‍, രാജേഷ്, കിരണ്‍ തുടങ്ങിയവരും അന്വേഷണസംഘത്തിലുണ്ടായിരുന്നു.
About Author
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
