ആനന്ദപുരം ചെറുപുഷ്പ ദേവാലയ തിരുനാളിന് കൊടികയറി
ആനന്ദപുരം: ആനന്ദപുരം ചെറുപുഷ്പ ദേവാലയത്തിലെ ഇടവക മധ്യസ്ഥയായ വിശുദ്ധ കൊച്ചുത്രേസ്യായുടെയും പരിശുദ്ധ കന്യകാമറിയത്തിന്റെയും വിശുദ്ധ സെബസ്ത്യാനോസിന്റെയും സംയുക്ത തിരുനാളിന് കൊടികയറി. വിയാനി ഭവന്‍ ഡയറക്ടര്‍ ഫാ. പോള്‍ എളംകുന്നപ്പുഴ കൊടികയറ്റം നിര്‍വഹിച്ചു. ഇന്ന് രാവിലെ 6.30ന് ദിവ്യബലി. തുടര്‍ന്ന് വീടുകളിലേക്കുള്ള അമ്പ് എഴുന്നള്ളിപ്പ് ആരംഭിക്കും. വൈകീട്ട് 5.30ന് കൂടുതുറക്കല്‍ ശുശ്രൂഷ ഉണ്ടായിരിക്കും. രാത്രി 10 ന് അമ്പ് പള്ളിയില്‍ സമാപിക്കും. നാളെ രാവിലെ പത്തിനു തിരുനാള്‍ ദിവ്യബലി. വൈകീട്ട് നാലിനു തിരുനാള്‍ പ്രദക്ഷിണം ആരംഭിച്ച് ഏഴിന് പള്ളിയില്‍ സമാപിക്കും. ഒമ്പതിന് എട്ടാമിട ഊട്ടുതിരുനാളിന് രാവിലെ ഒന്‍പതിന് ദിവ്യബലി ഉണ്ടായിരിക്കും. തുടര്‍ന്ന് നേര്‍ച്ച ഊട്ട് ഉണ്ടായിരിക്കും. തിരുനാളിന്റെ വിപുലമായ നടത്തിപ്പിന് വികാരി ഫാ. ആന്റോ കരിപ്പായി, കൈക്കാരന്‍മാരായ ജോയ് ഇല്ലിക്കല്‍, ജോയ് പൊതപറമ്പില്‍, ആന്റോ പൊതപറമ്പില്‍ എന്നിവര്‍ നേതൃത്വം നല്‍കും
About Author
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
ഇരിങ്ങാലക്കുട രൂപത കെസിവൈഎമ്മിന്റെ നേതൃത്വത്തില്‍ വനിത സംഗമം നടന്നു 
