ഹോളി ഗ്രേസ് അക്കാദമി മാള ചാമ്പ്യന്‍ഷിപ്പ് നേടി
ഇരിങ്ങാലക്കുട: ക്രൈസ്റ്റ് വിദ്യാനികേതന്‍ സ്‌കൂളില്‍ വച്ച് സംഘടിപ്പിച്ച തൃശൂര്‍ ജില്ലാ സ്‌കൂള്‍ ടീം ചെസ് ചാമ്പ്യന്‍ഷിപ്പ് ഹോളി ഗ്രേസ് അക്കാദമി മാള കരസ്ഥമാക്കി. തൃശൂര്‍ ദേവമാതാ സ്‌കൂള്‍ ബെസ്റ്റ് ചെസ് സപ്പോര്‍ട്ടിംഗ് സ്‌കൂള്‍ അവാര്‍ഡ് കരസ്ഥമാക്കി. സബ് ജൂണിയര്‍ വിഭാഗത്തില്‍ ഹോളി ഗ്രേസ് അക്കാദമി മാള, ഡോക്ടര്‍ രാജു ഡേവിസ് അക്കാദമി മാള, ഗവണ്‍മെന്റ് യുപി സ്‌കൂള്‍ പെരിഞ്ഞനം എന്നിവര്‍ യഥാക്രമം ഒന്ന്, രണ്ട്, മൂന്ന് സ്ഥാനങ്ങള്‍ കരസ്ഥമാക്കി. ജൂണിയര്‍ വിഭാഗത്തില്‍ ഹോളി ഗ്രേസ് അക്കാദമി മാള ദേവമാത സിഎംഐ സ്‌കൂള്‍, തൃശൂര്‍ ഹോളി ഗ്രേസ് അക്കാദമി, മാള എന്നിവര്‍ ഒന്ന്, രണ്ട്, മൂന്ന് സ്ഥാനങ്ങള്‍ നേടി. സീനിയര്‍ വിഭാഗത്തില്‍ ദേവമാത സിഎംഐ സ്‌കൂള്‍ തൃശൂര്‍, കാല്‍ഡിയന്‍ സിറിയന്‍ ഹൈസ്‌കൂള്‍ തൃശൂര്‍, ലെമര്‍ പബ്ലിക് സ്‌കൂള്‍ തൃപ്രയാര്‍ എന്നിവര്‍ യഥാക്രമം ഒന്ന്, രണ്ട്, മൂന്ന് സ്ഥാനങ്ങള്‍ നേടി. 83 പോയിന്റോടെ ഹോളി ഗ്രേസ് അക്കാദമി മാള ചാമ്പ്യന്‍ഷിപ്പ് കരസ്ഥമാക്കി. ഇരിങ്ങാലക്കുട ക്രൈസ്റ്റ് വിദ്യാനികേതന്‍ പ്രിന്‍സിപ്പല്‍ ഫാ. ജോയ് ആലപ്പാട്ട് സമ്മാനങ്ങള്‍ വിതരണം ചെയ്തു. തൃശൂര്‍ ജില്ലാ ചെസ് അസോസിയേഷന്‍ സെക്രട്ടറി പീറ്റര്‍ ജോസഫ്, എക്സിക്യുട്ടീവ് അംഗം കെ.വി. കുമാരന്‍ എന്നിവര്‍ പങ്കെടുത്തു.
About Author
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ഇരിങ്ങാലക്കുട ഗവ. എല്‍പി സ്‌കൂളില്‍ കിഡ്‌സ് ഫെസ്റ്റ് നടത്തി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
സിഐഎസ്‌സിഇ അണ്ടര്‍ 14 ദേശീയ ഹാന്‍ഡ്‌ബോള്‍ ചാമ്പ്യന്‍ഷിപ്പില്‍ അഭിമാന നേട്ടവുമായി ക്രിസ്റ്റോ 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
