കാല്‍പന്ത് കളിയുടെ ആവേശം വാനോളം ഉയര്‍ത്തിയ യൂഫോറിയ 2022 പ്രൗഡോജ്വല സമാപനം
ഇരിങ്ങാലക്കുട: കഴിഞ്ഞ ഒരു മാസമായി കാല്‍പന്ത് കളിയുടെ ആവേശം വാനോളം ഉയര്‍ത്തിയ ലയണ്‍സ് ക്ലബ് ഇരിങ്ങാലക്കുടയുടെ നേതൃത്വത്തില്‍ നടത്തിയ യൂഫോറിയ 2022 മെഗാ എല്‍ഇഡി പ്രദര്‍ശനത്തിന് പ്രൗഡോജ്വല സമാപനമായി. ഖത്തര്‍ വേള്‍ഡ് കപ്പ് സ്റ്റേഡിയത്തിലെ അതേ പ്രതീതി ജനിപ്പിക്കുന്ന തരത്തില്‍ കേരളത്തിലെ തന്നെ ഏറ്റവും വലിയ എല്‍ഇഡി സ്‌ക്രീനും ശബ്ദസംവിധാനവുമാണ് യൂഫിയ 2022 ലൂടെ ലയണ്‍സ് ക്ലബ് ഇരിങ്ങാലക്കുട ജനങ്ങള്‍ക്ക് സമ്മാനിച്ചത്. ഫൈനല്‍ ദിനത്തില്‍ മൈതാനം നിറഞ്ഞു കവിയുന്ന ജനപങ്കാളിത്തതില്‍ ആയിരുന്നു പ്രദര്‍ശനം നടന്നത്. ലയണ്‍സ് ക്ലബ് ഓഫ് ഇരിങ്ങാലക്കുടയുടെ നേതൃത്വത്തില്‍ നടത്തിയ യൂഫോറിയ 2022 ന്റെ സമാപന സമ്മേളനത്തില്‍ ഇരിങ്ങാലക്കുടയിലെ കായിക രംഗത്ത് മികവ് തെളിയിച്ചവര്‍ക്ക് ആദരം നല്‍കി. അതോടൊപ്പം സ്ത്രീ ശക്തി പുരസ്‌കാരത്തിന് അര്‍ഹയായ വീണ ജാനിന് ലയണ്‍സ് ക്ലബിന്റെ ആദരം നല്‍കി. റോയ് ജോസ് ആലുക്കല്‍ അധ്യക്ഷത വഹിച്ച യോഗത്തില്‍ ഉന്നത വിദ്യാഭ്യാസ വകുപ്പ് മന്ത്രി ആര്‍. ബിന്ദു സമ്മേളനം ഉദ്ഘാടനം ചെയ്തു. ബിജോയ് പോള്‍, ജോണ്‍ നിധിന്‍ തോമസ്, ഫാ. ജോയ് പീണിക്ക പറമ്പില്‍, മനോജ് ഐബന്‍, എന്‍.കെ. സുബ്രമണ്യന്‍ എന്നിവര്‍ സംസാരിച്ചു.
About Author
അമ്മന്നൂര്‍ ഗുരുകുലത്തിലെ മാധവനാട്യഭൂമിയില്‍ മായാശിരസ് കൂടിയാട്ടം അരങ്ങേറി 
ചെന്ത്രാപ്പിന്നി എസ്എന്‍ വിദ്യാഭവന് സീനിയര്‍ സെക്കന്‍ഡറി സ്‌കൂളിന് കിരീടം 
ഒപ്പനച്ചുവടില്‍ ഇരട്ട മികവ്; ഡോ. രാജു ഡേവീസ് സ്‌കൂളും എസ്എന്‍ വിദ്യാഭവനും ഒന്നാമത് 
മാര്‍ഗംകളിയില്‍ മികവിന്റെ ചുവടുകള്‍; എസ്എന്‍ വിദ്യാഭവന് ഒന്നാം സ്ഥാനം 
കാലിക്കട്ട് യൂണിവേഴ്‌സിറ്റി ഇന്റര്‍സോണ്‍ ഹോക്കി വനിത വിഭാഗത്തില്‍ ജേതാക്കളായി ക്രൈസ്റ്റ് കോളജ് ടീം 
രണ്ടു ദിവസം, അഞ്ച് കിരീടങ്ങള്‍! കായികരംഗത്ത് തങ്ങളുടെ ആധിപത്യം തുടര്‍ന്ന് ക്രൈസ്റ്റ് കോളജ് 
