കെഎസ്ആര്‍ടിസി ഇത്തവണ നാലമ്പല തീര്‍ത്ഥാടന സര്‍വീസ് നടത്തും, ഇരിങ്ങാലക്കുടയിൽ നിന്ന് പുലര്‍ച്ചെ 4.15നും 4:30നും സര്‍വീസുകള്‍
ഇരിങ്ങാലക്കുട: കെഎസ്ആര്‍ടിസി ഇത്തവണ നാലമ്പല തീര്‍ത്ഥാടന സര്‍വീസ് നടത്തും. ഇരിങ്ങാലക്കുട ഓപ്പറേറ്റിംഗ് സെന്ററില്‍ നിന്നാണ് സ്‌പെഷ്യല്‍ സര്‍വീസുകള്‍ നടത്തുന്നത്. 30 ദിവസവും പുലര്‍ച്ചെ 4.15നും 4:30നുമാണ് സര്‍വീസുകള്‍ ക്രമീകരിച്ചിരിക്കുന്നത്. കെഎസ്ആര്‍ടിസി സര്‍വീസിലൂടെ എത്തുന്ന ഭക്തര്‍ക്ക് തൃപ്രയാര്‍ ക്ഷേത്രത്തില്‍ മാത്രം പ്രത്യേക വരിസൗകര്യം അനുവദിക്കാത്തതിനാലാണ് വണ്ടികള്‍ പുറപ്പെടുന്ന സമയം നേരത്തെയാക്കിയത്. കെഎസ്ആര്‍ടിസിയില്‍ ദര്‍ശനത്തിന് എത്തുന്ന ഭക്തര്‍ക്ക് നാലു ക്ഷേത്രങ്ങളിലും നില്‍കി വന്ന പ്രത്യേക പരിഗണനയും വരിസംവിധാനവും അവസാനിപ്പിക്കണമെന്ന് കഴിഞ്ഞവര്‍ഷം ഹൈക്കോടതി ഉത്തരവിട്ടിരുന്നു. തുടര്‍ന്ന് ഈ വര്‍ഷത്തെ നാലമ്പല തീര്‍ത്ഥാടനത്തിനു മുന്നോടിയായി നടന്ന കോര്‍ഡിനേഷന്‍ കമ്മിറ്റി യോഗത്തില്‍ കൂടല്‍മാണിക്യം, പയമ്മല്‍, മൂഴിക്കുളം ക്ഷേത്രങ്ങള്‍ കെഎസ്ആര്‍ടിസിയില്‍ എത്തുന്ന ഭക്തര്‍ക്ക് സ്‌പോട്ട് വെര്‍ച്ചല്‍ ക്യൂ അനുവദിക്കണമെന്ന് അറിയിച്ചു. എന്നാല്‍ യാത്രക്കാര്‍ ഇത്തവണയും സര്‍വീസുകള്‍ നടത്തണമെന്ന് ആവശ്യപ്പെട്ട് രംഗത്തെത്തി. തുടര്‍ന്നാണ് സമയം നേരത്തെയാക്കി സര്‍വീസ് നടത്താന്‍ ഇരിങ്ങാലക്കുട കെഎസ്ആര്‍ടിസി തീരുമാനിച്ചത്. കഴിഞ്ഞവര്‍ഷം രാവിലെ ആറിനും 6:30നു ആയിരുന്നു രണ്ട് സര്‍വീസുകള്‍ നടത്തിയിരുന്നത്. അനുമതി കിട്ടുന്നമുറക്ക് ഗുരുവായൂരില്‍നിന്നും തൃശൂരില്‍നിന്നും സര്‍വീസുകള്‍ ആരംഭിക്കും. ഒരാള്‍ക്ക് 310 രൂപയാണ് നിശ്ചയിച്ചിരിക്കുന്നത്. ഒരു ബസില്‍ 51 പേര്‍ വീതം രണ്ടു ബസുകളിലായി 102 പേര്‍ക്ക് ഒരുദിവസം നാലമ്പലദര്‍ശനം നടത്താനാകും. വിവരങ്ങള്‍ക്കും ബുക്കിംഗിനും 9142626278. 0480 2823990.
About Author
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
ഇരിങ്ങാലക്കുട രൂപത കെസിവൈഎമ്മിന്റെ നേതൃത്വത്തില്‍ വനിത സംഗമം നടന്നു 
തുറവന്‍കുന്ന് സെന്റ് ജോസഫ് ഇടവക കത്തോലിക്ക കോണ്‍ഗ്രസിന്റെയും മാതൃ സംഘത്തിന്റെയും നേതൃത്വത്തില്‍ അമ്മക്കൊരു പൂചെണ്ട് 
മുനമ്പം തീരദേശവാസികളുടെ റവന്യു അവകാശങ്ങള്‍ പുനസ്ഥാപിക്കണം, മുഖ്യമന്ത്രിക്ക് ഒരു ലക്ഷം പേര്‍ ഒപ്പിട്ട ഭീമഹര്‍ജിയുമായി സിഎല്‍സി 
