വനിത ഡോക്ടര്‍ക്കു നേരെ കൈയ്യേറ്റം; ബിജെപി പഞ്ചായത്തംഗം അറസ്റ്റില്‍
ഇരിങ്ങാലക്കുട: പൊറത്തിശേരി ഹെല്‍ത്ത് സെന്ററില്‍ വനിതാ ഡോക്ടറെ കയ്യേറ്റം ചെയ്ത ബിജെപി പടിയൂര്‍ പഞ്ചായത്തംഗത്തെ പോലീസ് അറസ്റ്റു ചെയ്തു. പടിയൂര്‍ പഞ്ചായത്ത് ചരുന്തറ 11ാം വാര്‍ഡ് അംഗം മണ്ണായില്‍ വീട്ടില്‍ ശ്രീജിത്ത് മണ്ണായി (35)ലിനെയാണ് പോലീസ് അറസ്റ്റ് ചെയ്തത്. ഇന്നലെ രാവിലെ പൊറത്തിശേരി ഹെല്‍ത്ത് സെന്ററില്‍ ഡോക്ടറെ കാണാനെത്തിയപ്പോഴാണ് ഡോക്ടറെ കയ്യേറ്റം ചെയ്തത്. ഉറക്കകുറവ് എന്ന പേരിലാണ് ഇയാള്‍ ഡോക്ടറെ കാണാനെത്തിയതെന്നും പ്രകോപനമൊന്നുമില്ലാതെ കാട്ടൂര്‍ സ്വദേശിയായ ലവീന എന്ന വനിതാ ഡോക്ടറെ കയ്യേറ്റം ചെയ്യുകയായിരുന്നുവെന്ന് ഡോക്ടര്‍ പോലീസില്‍ മൊഴി നല്‍കി. ഡോക്ടറുടെ മുറിയിലെ സാധനങ്ങളും നശിപ്പിച്ചിട്ടുണ്ട്. ശബ്ദം കേട്ട് ഓടിയെത്തിയ ആശുപത്രി ജീവനക്കാരും നാട്ടുകാരും ചേര്‍ന്ന് ശ്രീജിത്തിനെ തടഞ്ഞുവെയ്ക്കുകയും പോലീസില്‍ വിവരമറിയിച്ചതിനെ തുടര്‍ന്ന് ഇരിങ്ങാലക്കുട പോലീസെത്തി ഇയാളെ കസ്റ്റഡിയിലെടുക്കുകയുമായിരുന്നു. ഡോക്ടറെ ഇരിങ്ങാലക്കുട ജനറല്‍ ആശുപത്രിയില്‍ പ്രവേശിപ്പിച്ചു. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
ജനപ്രതിനിയുടെ ഭാഗത്തുനിന്നും ഉണ്ടായത് പൊതുസമൂഹത്തിന് നിരക്കാത്തതെന്ന് -എഐവൈഎഫ്
പടിയൂര്‍: പൊറത്തിശേരി ഹെല്‍ത്ത് സെന്ററില്‍ വനിതാ ഡോക്ടര്‍ക്കു നേരെ പടിയൂര്‍ ഗ്രാമപഞ്ചായത്ത് വാര്‍ഡ് മെമ്പറുടെ ഭാഗത്തുനിന്നും ഉണ്ടായത് പൊതുസമൂഹത്തിന് നിരക്കാത്തതെന്ന് എഐവൈഎഫ്. സംഭവത്തില്‍ കൃത്യമായി നടപടി സ്വീകരിക്കുകയും ഗ്രാമപഞ്ചായത്ത് അംഗത്വം രാജിവെക്കണമെന്നും എഐവൈഎഫ് മേഖല പ്രസിഡന്റ് എ.ബി ഫിറോസും മേഖല സെക്രട്ടറി മിഥുന്‍പോട്ടക്കാരനും ആവശ്യപ്പെട്ടു.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
