മുകുന്ദപുരം സര്ക്കിള് സഹകരണ യൂണിയന്റെ നേതൃത്വത്തില് അന്താരാഷ്ട്ര സഹകരണ ദിനാഘോഷം
![](https://irinjalakuda.news/wp-content/uploads/2024/07/MUKUNDAPURAM-CERCULE-CO-UNION-1024x491.jpg)
മുകുന്ദപുരം സര്ക്കിള് സഹകരണ യൂണിയന്റെ നേതൃത്വത്തില് മുകുന്ദപുരം ചാലക്കുടി താലൂക്കുകള് നടത്തിയ അന്താരാഷ്ട്ര സഹകരണദിനാഘോഷം ഇരിങ്ങാലക്കുട നഗരസഭ ചെയര്പേഴ്സണ് സുജ സഞ്ജീവ് കുമാര് ഉദ്ഘാടനം ചെയ്യുന്നു.
ഇരിങ്ങാലക്കുട: മുകുന്ദപുരം സര്ക്കിള് സഹകരണ യൂണിയന്റെ നേതൃത്വത്തില് മുകുന്ദപുരം ചാലക്കുടി താലൂക്കുകള് അന്താരാഷ്ട്ര സഹകരണദിനാഘോഷം നടത്തി. നഗരസഭ ചെയര്പേഴ്സന് സുജ സഞ്ജീവ് കുമാര് ഉദ്ഘാടനം ചെയ്തു. സഹകരണ യൂണിയന് മാനേജിംഗ് കമ്മിറ്റി അംഗം ലളിത ചന്ദ്രശേഖരന് അധ്യക്ഷത വഹിച്ചു. മുകുന്ദപുരം സര്ക്കിള്തല പ്രകാശനം നഗരസഭ കൗണ്സിലര് അഡ്വ. കെ.ആര്. വിജയ നിര്വഹിച്ചു. സഹകരണസംഘം ജോ. രജിസ്ട്രാര് (ജനറല്) ജൂബി ടി. കുര്യാക്കോസ് മുഖ്യാതിഥിയായിരുന്നു.
കൗണ്സിലര് ഒ.എസ്. അവിനാഷ്, സഹകരണ യൂണിയന് മുന് ചെയര്മാന് കെ.സി. ജെയിംസ്, ടൗണ് സഹകരണ ബാങ്ക് ചെയര്മാന് എം.പി. ജാക്സന്, അഷ്ടമിച്ചിറ സഹകരണ ബാങ്ക് പ്രസിഡന്റ് വി.എം. വത്സന് തുടങ്ങിയവര് പ്രസംഗിച്ചു. കെ. വേദവതി സ്വാഗതവും പ്ലിസണ് സി. ഡേവിസ് നന്ദിയും പറഞ്ഞു. സെമിനാറില് സഹകരണ വകുപ്പ് മുന് അസിസ്റ്റന്റ് രജിസ്ട്രാര് വി.ജി. ശശികുമാര് വിഷയം അവതരിപ്പിച്ചു. ചാലക്കുടി സഹകരണ സംഘം അസിസ്റ്റന്റ് രജിസ്ട്രാര് (ജനറല്) എ.ജെ. രാജി മോഡറേറ്ററായിരുന്നു. വ്യാപാരി വ്യവസായി വെല്ഫെയര് സഹകരണ സംഘത്തിന്റെ നേതൃത്വത്തില് പ്രസിഡന്റ് ടി.വി. ആന്റു പതാക ഉയര്ത്തി. വൈസ് പ്രസിഡന്റ് ഷാജു പാറേക്കാടന് സ്വാഗതവും സെക്രട്ടറി കെ.കെ. സീന നന്ദിയും പറഞ്ഞു.