ഹയര്‍സെക്കൻഡറി എന്‍എസ്എസ് വിഭാവനം ചെയ്യുന്ന കരുതുംകരങ്ങള്‍ പദ്ധതിയുടെ സംസ്ഥാനതല ഉദ്ഘാടനം മന്ത്രി ഡോ. ആര്‍. ബിന്ദു നിര്‍വഹിച്ചു
വയോജനങ്ങള്‍ക്ക് സാന്ത്വനവും കരുതലും നല്‍കാന്‍ സംസ്ഥാന ഹയര്‍സെക്കൻഡറി നാഷണല്‍ സര്‍വീസ് സ്‌കീം വിഭാവനം ചെയ്യുന്ന കരുതും കരങ്ങള്‍ എന്ന പദ്ധതിയുടെ സംസ്ഥാനതല ഉദ്ഘാടനം മന്ത്രി ഡോ. ആര്‍. ബിന്ദു നിര്വഹിക്കുന്നു.
ഇരിങ്ങാലക്കുട: വയോജനങ്ങള്‍ക്ക് സാന്ത്വനവും കരുതലും നല്‍കാന്‍ സംസ്ഥാന ഹയര്‍സെക്കൻഡറി നാഷണല്‍ സര്‍വീസ് സ്‌കീം വിഭാവനം ചെയ്യുന്ന കരുതും കരങ്ങള്‍ എന്ന പദ്ധതിക്ക് തുടക്കമായി. പദ്ധതിയുടെ സംസ്ഥാനതല ഉദ്ഘാടനം ഇരിങ്ങാലക്കുട സെന്റ് മേരീസ് ഹയര്‍സെക്കന്‍ഡറി സ്‌കൂളില്‍ മന്ത്രി ഡോ. ആര്‍. ബിന്ദു നിര്‍വഹിച്ചു.
ഇതിന്റെ ഭാഗമായി മണ്ഡലത്തിലെ 200 വയോജനങ്ങള്‍ക്ക് ഓണക്കോടി സമ്മാനിച്ചു. എന്‍എസ്എസ് മധ്യമേഖലാ കണ്‍വീനര്‍ എന്‍. രാജേഷ് അധ്യക്ഷത വഹിച്ചു. സംസ്ഥാന ഓഫീസര്‍ ആര്‍.എം. അന്‍സര്‍, സംസ്ഥാന കോഡിനേറ്റര്‍ ഡോ. ജേക്കബ് ജോണ്‍, ജില്ലാ കണ്‍വീനര്‍ എം.വി. പ്രതീഷ്, ഹയര്‍സെക്കന്‍ഡറി അക്കാദമിക് കോഡിനേറ്റര്‍ ടി.എം. ലത, സ്‌കൂള്‍ പ്രിന്‍സിപ്പല്‍ പി. ആന്‍സണ്‍ ഡൊമിനിക് തുടങ്ങിയവര്‍ പ്രസംഗിച്ചു.
ഇതിന്റെ ഭാഗമായി തൃശൂര്‍ ജില്ലയിലെ സാമൂഹികനീതി വകുപ്പിന് കീഴില്‍ അംഗീകാരമുള്ള മുഴുവന്‍ അനാഥ അഗതി മന്ദിരങ്ങളും ഷെല്‍ട്ടര്‍ ഹോമുകളും ജില്ലയിലെ ഹയര്‍സെക്കന്‍ഡറി വളണ്ടിയര്‍മാര്‍ സന്ദര്‍ശിക്കുകയും അന്തേവാസികളുമായി സംവദിക്കുകയും ചെയ്യും.
കുട്ടികളും മുതിര്‍ന്നവരും തമ്മിലുള്ള ബന്ധം പുനഃസ്ഥാപിക്കുക, മൂല്യാധിഷ്ഠിത യുവതലമുറയെ വാര്‍ത്തെടുക്കുക എന്നീ ലക്ഷ്യങ്ങള്‍ മുന്‍നിര്‍ത്തിയാണ് പദ്ധതി രൂപകല്പന ചെയ്തിട്ടുള്ളതെന്ന് എന്‍എസ്എസ് ജില്ലാ കണ്‍വീനര്‍ എം.വി. പ്രതീഷ് അറിയിച്ചു.
About Author
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
