ഇനി തുറക്കുമോ സൗഭാഗ്യ നെയ്ത്തുകേന്ദ്രം; താഴുവീണിട്ട് നാലുമാസം
മുരിയാട് വെള്ളിലംകുന്നിലെ സൗഭാഗ്യ നെയ്ത്തുകേന്ദ്രം
അനാഥമാകുന്നത് ഇരിങ്ങാലക്കുട മണ്ഡലത്തിലെ ഖാദിബോര്ഡിനു കീഴിലുള്ള ഏക നെയ്ത്തുകേന്ദ്രം
ഇരിങ്ങാലക്കുട: മുരിയാട് വെള്ളിലംകുന്നിലെ സൗദാഗ്യ നെയ്ത്തുകേന്ദ്രത്തിനു താഴുവീണിട്ട് നാലുമാസം. ഇരിങ്ങാലക്കുട മണ്ഡലത്തിലെ സര്ക്കാരിന്റെ ഖാദിബോര്ഡിനു കീഴിലുള്ള ഏക നെയ്ത്തുകേന്ദ്രമാണിത്. 1988ല് ആരംഭിച്ച ഈ നെയ്ത്തുകേന്ദ്രം ഇടക്കാലത്ത് വര്ഷങ്ങളോളം പൂട്ടികിടന്നിരുന്നു. ഇതിനിടയില് തുറന്നെങ്കിലും കൂലിത്തര്ക്കത്തെ തുടര്ന്നു വീണ്ടും പൂട്ടി. പിന്നീട് 2017ല് 28 തൊഴിലാളികളുമായി പുനഃരാരംഭിച്ച സ്ഥാപനം 2019ല് 28 ലക്ഷം രൂപ ചെലവഴിച്ച് നവീകരിച്ചു.
തുണികള് നെയ്യാന് ഉണ്ടായിരുന്ന 28 തൊഴിലാളികളില് അവശേഷിച്ച ഒരു തൊഴിലാളിയും ജോലി അവസാനിപ്പിച്ചു. 2019ല് 28 ലക്ഷം അടങ്കല്തുകയില് പുനരുദ്ധാരണംചെയ്ത ഖാദി നെയ്ത്തുകേന്ദ്രം 2020 ഓഗസ്റ്റ് മൂന്നിനാണ് വീണ്ടും ഉദ്ഘാടനം നിര്വഹിക്കപ്പെട്ടത്. തൃശൂര് ജില്ലാ പഞ്ചായത്ത് പ്രസിഡന്റ് മേരി തോമസായിരുന്നു ഉദ്ഘാടക. ജില്ലാപഞ്ചായത്ത് സ്ഥിരംസമിതി അധ്യക്ഷ ജെന്നി ജോസഫാണ് അധ്യക്ഷതവഹിച്ചത്.
മിനിമം വേതനംപോലും കിട്ടാതായതോടെ ഒരാളൊഴികെ 27 പേര് മറ്റു തൊഴിലുകള് തേടിപ്പോയി. വേതനക്കുറവാണ് തൊഴിലാളികള് ഈ രംഗത്തുവരാന് മടിക്കുന്നതിന്റെ കാരണം. ഇതോടെ ഗാന്ധി ഗ്രാമവ്യവസായ ബോര്ഡിനു കീഴിലുള്ള ഗാന്ധിഗ്രാമ സൗഭാഗ്യ നെയ്ത്തുകേന്ദ്രം പൂട്ടുവീണ അവസ്ഥയിലാണ്. 2017ല് 40 തൊഴിലാളികള് ഇന്റര്വ്യുവിന് എത്തിയെങ്കിലും 15 പേര് ട്രെയിനിംഗ് പൂര്ത്തിയാക്കി ജോലിക്കുകയറി.
ഒരു മാസം 1000 രൂപ സ്റ്റൈപന്റോടുകൂടിയാണ് ആറുമാസം ട്രെയിനിംഗ് പൂര്ത്തിയാക്കിയത്. ഒരുവര്ഷമായി മിനിമം വേജസ് പോലുമില്ലാത്ത അവസ്ഥയിലായിരുന്നു. തൊഴിലാളികള് പോയതോടെ യന്ത്രങ്ങള് പലതും ജില്ലാപഞ്ചായത്തിനു കീഴിലുള്ള അനുബന്ധ സ്ഥാപനങ്ങളിലേക്ക് കൊണ്ടുപോയി. കെട്ടിടം തകരാനും യന്ത്രങ്ങള് തുരുമ്പെടുക്കാനും തുടങ്ങി. പത്തുമാസം സൗജന്യ സേവനം തുടര്ന്ന ഇരിങ്ങാലപ്പിള്ളി തുഷാര(36) കഴിഞ്ഞദിവസം തൊഴില് അവസാനിപ്പിച്ചു.
ഓണത്തിനു രണ്ടുദിവസംമുമ്പ് നല്കാനുള്ള ശമ്പള കുടിശികയും ഈ തൊഴിലാളിക്കു നല്കി. സ്ഥാപനം നിലനിര്ത്താന് തൊഴിലാളികള്ക്ക് ആഗ്രഹം ഉണ്ടെങ്കിലും അധികൃതര് വേണ്ടത്ര രീതിയില് ശ്രമിക്കാത്തതിലുള്ള അനാസ്ഥയാണ് ഈ സ്ഥാപനം നശിക്കുന്നതിനു പിന്നിലെന്നു തൊഴിലാളികള് പറയുന്നു.
About Author
ഇരുട്ടത്തിരിക്കാം; വൈദ്യുതി ബില്ലില് ഷോക്കേല്ക്കാം ! 
കലകളിലൂടെ ക്രൈസ്തവ സന്ദേശങ്ങള് മറ്റുള്ളവരിലേക്ക് പകരുവാന് ബൈബിള് കലോത്സവങ്ങള് സഹായകരമാകണം, ബിഷപ് മാര് പോളി കണ്ണൂക്കാടന് 
ബഹിരാകാശത്ത് ഇന്ത്യന് യുഗം; ശാസ്ത്ര പാടവ പോഷണ പരിപാടി സംഘടിപ്പിച്ചു 
സെന്റ് തോമസ് കത്തീഡ്രലില് കുരിശിന്റെ പുകഴ്ചയുടെ തിരുനാള് ഭക്തിസാന്ദ്രമായി 
41-ാമത് ഡോണ് ബോസ്കോ അഖില കേരള ബാസ്കറ്റ്ബോള് ടൂര്ണമെന്റ് 
ഗൂഢാലോചനയുടെ ഭാഗമായാണ് പാര്ട്ടി യോഗത്തില് അക്രമണം അഴിച്ചുവിട്ടത്, കേരള കോണ്ഗ്രസ് ജില്ലാ പ്രസിഡന്റ് സി.വി. കുര്യാക്കോസ് 
