നാക് അംഗീകാര നിറവില്‍ കാട്ടൂര്‍ എവുപ്രാസ്യ ട്രെയിനിംഗ് കോളജ്
കാട്ടൂര്‍ എവുപ്രാസ്യ ട്രെയിനിംഗ് കോളജിന് ഉന്നത വിദ്യാഭ്യാസ രംഗത്തെ ദേശീയ അംഗീകാരമായ നാക് അക്രഡിറ്റേഷന്‍ സര്‍ട്ടിഫിക്കറ്റ് മന്ത്രി ഡോ. ആര്‍ ബിന്ദു കൈമാറുന്നു.
തൊഴില്‍ മേഖലയിലേക്ക് ആത്മവിശ്വാസത്തോടെ കടന്നുചെല്ലുന്ന യുവജനങ്ങളെ സൃഷ്ടിക്കുകയാണ് അധ്യാപന ലക്ഷ്യം- മന്ത്രി ഡോ. ആര്‍ ബിന്ദു
കാട്ടൂര്‍: തൊഴില്‍ മേഖലയിലേക്ക് ആത്മവിശ്വാസത്തോടെ കടന്നുചെല്ലുന്ന യുവജനങ്ങളെ സൃഷ്ടിക്കുകയാണ് അധ്യാപന ലക്ഷ്യമെന്ന് മന്ത്രി ഡോ. ആര്‍ ബിന്ദു പറഞ്ഞു. മികച്ച അധ്യാപകരെ വാര്‍ത്തെടുക്കുന്നതില്‍ 20 വര്‍ഷത്തെ പാരമ്പര്യമുള്ള കാട്ടൂര്‍ എവുപ്രാസ്യ ട്രെയിനിംഗ് കോളജിന് ഉന്നത വിദ്യാഭ്യാസ രംഗത്തെ ദേശീയ അംഗീകാരമായ നാക് അക്രഡിറ്റേഷന്‍ സര്‍ട്ടിഫിക്കറ്റ് കൈമാറുന്ന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു മന്ത്രി ഡോ. ആര്‍. ബിന്ദു. വിവിധ അടിസ്ഥാന സൗകര്യങ്ങളെയും മറ്റു മാനദണ്ഡങ്ങളെയും വിലയിരുത്തി ബി ഗ്രേഡോടുകൂടിയാണ് ഈ സുവര്‍ണ്ണ നേട്ടം കൈവരിച്ചത്.
ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു വില്‍ നിന്നും നാക് അംഗീകാരം ലഭിച്ച സര്‍ട്ടിഫിക്കറ്റ് കോളജ് പ്രിന്‍സിപ്പല്‍ ഡോ. സി. സലിംകുമാര്‍ ഏറ്റുവാങ്ങി. കാലിക്കറ്റ് യൂണിവേഴ്‌സിറ്റി മുന്‍ സിന്‍ഡിക്കറ്റ് അംഗം യൂജിന്‍ മോറേലി ചടങ്ങില്‍ അധ്യക്ഷത വഹിച്ചു. കോളജ് മാനേജര്‍ സിസ്റ്റര്‍ ധന്യ സിഎംസി, കാട്ടൂര്‍ പഞ്ചായത്ത് പ്രസിഡന്റ് ടി.വി. ലത, കാട്ടൂര്‍ ഇടവക വികാരി ഫാ. പയസ് ചെറപ്പണത്ത്, പഞ്ചാത്തംഗം സ്വപ്ന അരുണ്‍ ജോയ്, ഉദയ പ്രൊവിന്‍സ് എഡ്യുക്കേഷന്‍ കൗണ്‍സിലര്‍ സിസ്റ്റര്‍ മരിയറ്റ് സിഎംസി, ഗാര്‍ഡിയന്‍ ടീച്ചേഴ്‌സ് അസോസിയേഷന്‍ പ്രസിഡന്റ് ടി. ബി. ശൈലേന്ദ്രന്‍ എന്നിവര്‍ സംസാരിച്ചു.
About Author
കത്തോലിക്ക കോണ്‍ഗ്രസ് ലഹരിക്കെതിരെ ഒരു ഗോള്‍ ക്യാമ്പയിന്‍ 
റെയില്‍വേ സ്റ്റേഷന്‍ വികസനം; സമരാഗ്നി തെളിഞ്ഞു 
നവാഗത സംവിധായകനുള്ള പ്രഥമ സി.ആര്‍. കേശവന്‍വൈദ്യര്‍ മെമ്മോറിയല്‍ അവാര്‍ഡ് വിക്ടോറിയയുടെ സംവിധായിക ശിവരഞ്ജിനിക്ക് 
സമ്പൂര്‍ണ സാക്ഷരതയുടെ നാട്ടില്‍ കബളിപ്പിക്കല്‍ നിര്‍ബാധം തുടരുന്നു; തോമസ് ഉണ്ണിയാടന്‍ 
ഭരണഘടനയ്ക്ക് ഉപരിയായി ഒരു ആചാരവും കീഴ് വഴക്കങ്ങളുമില്ല- സ്വാമി ശിവസ്വരൂപാനന്ദ 
കൊടുവാള്‍ കൊണ്ട് ആക്രമിച്ച് കൊലപ്പെടുത്താന്‍ ശ്രമം; യുവാവ് അറസ്റ്റില്‍ 
