വിദ്യാര്‍ഥികളില്‍ മൂല്യബോധം വളര്‍ത്തുന്നതാകണം വിദ്യാഭ്യാസം: ഡോ. കെ.കെ. ഗീതാകുമാരി
ഇരിങ്ങാലക്കുട ക്രൈസ്റ്റ് കോളജില്‍ ഡിഗ്രി വിദ്യാര്‍ഥികളുടെ ബിരുദദാന ചടങ്ങില്‍ ശ്രീശങ്കരാചാര്യ സംസ്‌കൃത സര്‍വകലാശാല വൈസ് ചാന്‍സലര്‍ ഡോ. കെ.കെ. ഗീതാകുമാരി മുഖ്യപ്രഭാഷണം നടത്തുന്നു.
ഇരിങ്ങാലക്കുട: കേവലം അറിവു സമ്പാദനം എന്നതിലുപരി വിദ്യാര്‍ഥികളില്‍ മൂല്യബോധം വളര്‍ത്തുന്നതാകണം വിദ്യാഭ്യാസത്തിന്‍റെ ലക്ഷ്യമെന്ന് ശ്രീശങ്കരാചാര്യ സംസ്‌കൃത സര്‍വകലാശാല വൈസ് ചാന്‍സലര്‍ ഡോ. കെ.കെ. ഗീതാകുമാരി അഭിപ്രായപ്പെട്ടു. ഇരിങ്ങാലക്കുട ക്രൈസ്റ്റ് കോളജില്‍ ഡിഗ്രി വിദ്യാര്‍ഥികളുടെ ബിരുദദാന ചടങ്ങില്‍ മുഖ്യാതിഥിയായി പങ്കെടുത്തു പ്രസംഗിക്കുകയായിരുന്നു അവര്‍. ക്രൈസ്റ്റ് കോളജ് ഓഡിറ്റോറിയത്തില്‍ നടന്ന അറുപത്തിയാറാമത് ബിരുദദാന ചടങ്ങില്‍ 700 ലധികം വിദ്യാര്‍ഥികളാണ് ബിരുദദാന ചടങ്ങിനായി എത്തിയത്.
കോളജ് മാനേജര്‍ ഫാ. ജോയ് പീണിക്കപ്പറമ്പില്‍ അധ്യക്ഷത വഹിച്ചു. ശ്രീശങ്കരാചാര്യ സംസ്‌കൃത സര്‍വകലാശാല വൈസ് ചാന്‍സിലര്‍ ഡോ. കെ.കെ. ഗീതാകുമാരി ബിരുദദാനം നിര്‍വഹിച്ചു. സിഎംഐ ദേവമാതാ പ്രൊവിന്‍സ് വിദ്യാഭ്യാസ കൗണ്‍സിലര്‍ റവ. ഡോ. സന്തോഷ് മുണ്ടന്‍മാണി അനുഗ്രഹപ്രഭാഷണം നടത്തി. എക്‌സാമിനേഷന്‍ കണ്‍ട്രോളര്‍ ഡോ. ടോം ചെറിയാന്‍ വിദ്യാര്‍ഥികള്‍ക്ക് പ്രതിജ്ഞാവാചകം ചൊല്ലിക്കൊടുത്തു. പ്രിന്‍സിപ്പല്‍ റവ. ഡോ. ജോളി ആന്‍ഡ്രൂസ്, വൈസ് പ്രിന്‍സിപ്പല്‍ ഡോ. സേവ്യര്‍ ജോസഫ്, സെല്‍ഫ് ഫിനാന്‍സിംഗ് വിഭാഗം ഡയറക്ടര്‍ റവ.ഡോ. വില്‍സണ്‍ തറയില്‍, ജനറല്‍ കണ്‍വീനര്‍ ഡോ. കെ.ജെ. വര്‍ഗീസ് എന്നിവര്‍ സംസാരിച്ചു.
About Author
നഗരസഭയുടെ ഭരണസ്തംഭനത്തിനെതിരെയും, റോഡുകള്‍ സഞ്ചാര യോഗ്യമാക്കണമെന്നും ആവശ്യപ്പെട്ട് നഗരസഭയിലെ ബിജെപി കൗണ്‍സിലര്‍മാര്‍ ഠാണ ജംഗ്ഷനില്‍ ഉപവസ സമരം നടത്തി 
ഠാണാ- ചന്തക്കുന്ന് റോഡ് വികസനം; കള്ളംപറഞ്ഞ നഗരസഭ ചെയര്‍പേഴ്‌സന്‍റെ രാജി ആവശ്യപ്പെട്ട് എല്‍ഡിഎഫ് പ്രതിഷേധം 
സെന്റ് ജോസഫ്സ് കോളജ് കമ്പ്യൂട്ടര്‍ സയന്‍സ് വിഭാഗം വാര്‍ഷിക അസോസിയേഷന്‍ ഉദ്ഘാടനം ചെയ്തു 
ഒടുവില്‍ നഗരസഭ അധികൃതര്‍ കണ്ണു തുറന്നു; കുഴി അടക്കാന്‍ റോഡില്‍ കോണ്‍ക്രീറ്റിട്ടു 
ഛത്തിസ്ഗഡില്‍ കന്യാസ്ത്രികള്‍ക്ക് നേരേയുണ്ടായ അതിക്രമം-ഇരിങ്ങാലക്കുടയില്‍ വന്‍ പ്രതിഷേധറാലിയും പൊതുസമ്മേളനവും നടത്തി 
ക്രൈസ്റ്റ് കോളജില്‍ മാനേജ്‌മെന്റ് റിസര്‍ച്ച് ഹബ്ബ് ആരംഭിച്ചു 
