കോമണ്‍വെല്‍ത്ത് ഗെയിംസില്‍ സെന്റ് ജോസഫ്‌സ് കോളജിന് തിളക്കം
അമൃത പി. സുനി.
അമൃത പി. സുനി, കോമണ്‍വെല്‍ത്ത് ജൂനിയര്‍ ഗെയിംസിനുള്ള ഇന്ത്യന്‍ വെയ്റ്റ് ലിഫ്റ്റിംഗ് ടീമിലേക്ക് കേരളത്തില്‍ നിന്നുള്ള ഏക താരം
ഇരിങ്ങാലക്കുട: കോമണ്‍വെല്‍ത്ത് ജൂനിയര്‍ ഗെയിംസിനുള്ള ഇന്ത്യന്‍ വെയ്റ്റ് ലിഫ്റ്റിംഗ് ടീമിലേക്ക് കേരളത്തില്‍ നിന്നുള്ള ഏക താരമായി ഇരിങ്ങാലക്കുട സെന്റ് ജോസഫ്‌സ് കോളജ് ഒന്നാം വര്‍ഷ ഇംഗ്ലീഷ് ബിരുദ വിദ്യാര്‍ഥിനി അമൃത പി. സുനി ഇടംനേടി. കഴിഞ്ഞ വര്‍ഷം ഉസ്ബക്കിസ്ഥാനില്‍ നടന്ന ഏഷ്യന്‍ യൂത്ത്- ജൂനിയര്‍ വെയ്റ്റ് ലിഫ്റ്റിങ് ചാമ്പ്യന്‍ഷിപ്പില്‍ അമൃത വെങ്കലമെഡല്‍ നേടിയിരുന്നു. ഈ മല്‍സരത്തില്‍ കേരളത്തില്‍ നിന്ന് അന്തര്‍ ദേശീയ തലത്തില്‍ മെഡല്‍ നേട്ടം കൈവരിച്ച ഏക വനിതാ താരമാണ് അമൃത.
ഇതിനോടൊപ്പം ആറ് ദേശീയ മത്സരങ്ങളില്‍ സ്വര്‍ണം നേടിയാണ് അമൃത കോമണ്‍ വെല്‍ത്ത് ചാമ്പ്യന്‍ഷിപ്പിനുള്ള ഇന്ത്യന്‍ ടീമില്‍ ഇടം നേടിയത്. തൃശൂര്‍ സ്വദേശി പള്ളിമാക്കല്‍ വീട്ടില്‍ സുനി- രജിത ദമ്പതികളുടെ മകളാണ് അമൃത. അച്ഛന്റെ ശിക്ഷണത്തിലൂടെ വളര്‍ന്ന അമൃത തൃശൂര്‍ സായ് സെന്ററിലാണ് പഠിച്ചത്. സ്‌കോളര്‍ഷിപ്പോടെ ലഖ്‌നൌവിലെ നാഷണല്‍ സെന്റര്‍ ഓഫ് എക്‌സലന്‍സില്‍ അമൃത പരിശീലനം നേടുകയും അവിടെനിന്നും പട്യാലയിലെ ഇന്ത്യന്‍ ക്യാമ്പിലേക്ക് തെരഞ്ഞെടുക്കപ്പെടുകയും ചെയ്തു.
നിരവധി അന്തര്‍ ദേശീയ താരങ്ങളെ കേരളത്തിന് സംഭാവന ചെയ്തിട്ടുള്ള സെന്റ് ജോസഫ്‌സ് കോളജിന് അമൃതയുടെ ഈ നേട്ടം മറ്റൊരു ചരിത്രംകൂടിയാണ്. വ്യക്തിഗത ഇനത്തില്‍ കേരളത്തില്‍ നിന്നും ഒളിമ്പിക് മെഡല്‍ നേടുക എന്നതാണ് അമൃതയുടെ ഏറ്റവും വലിയ ലക്ഷ്യം. അഹമ്മദബാദില്‍ ഈ മാസം 24നാണ് കോമണ്‍വെല്‍ത്ത് ഗെയിംസ് ആരംഭിക്കുന്നത്. മത്സരത്തില്‍ അമൃതയുടെ മെഡല്‍ നേട്ടത്തിനായി സെന്റ് ജോസഫ്‌സ് കോളജും കുടുംബവും നിറപ്രതീക്ഷയോടെ കാത്തിരിക്കുകയാണ്.
About Author
കളിയാരവങ്ങളില്ല, സൗഹൃദ കൂട്ടായ്മകളുമില്ല… മഹാത്മാ പാര്‍ക്കില്‍ ഇനി വാഴയും കുലക്കും 
ന്യായവില അപാകം പരിഹരിക്കണമെന്ന് കാട്ടി കളക്ടര്‍ ഉത്തരവിട്ടിരുന്നു: ഫലം കണ്ടത് അപാകതയ്‌ക്കെതിരായ പ്രതിഷേധം 
സെന്റ് ജോസ്ഫ് കോളജ് സ്വാശ്രയ വിഭാഗം കൊമേഴ്‌സ് അസോസിയേഷന്‍ ഉദ്ഘാടനം 
ജയിലില്‍ അടയ്ക്കല്‍ ബില്‍ ജനാധിപത്യത്തെ ഇല്ലായ്മ ചെയ്യാനുള്ള നീക്കത്തിന്റെ ഭാഗം- അഡ്വ. തോമസ് ഉണ്ണിയാടന്‍ 
ലഹരിക്കെരിരെ മദര്‍ സ്‌കൂളുമായി മുരിയാട് പഞ്ചായത്ത് 
കത്തീഡ്രല്‍ കെസിവൈഎം കേശദാനം മഹാദാനം സംഘടിപ്പിച്ചു 
