യുവജന വര്‍ഷം; സ്‌പെരാന്‍സ 2.0 മ്യൂസിക്കല്‍ റിട്രീറ്റ് സംഘടിപ്പിച്ചു
യുവജന വര്‍ഷത്തിന്റെ ഭാഗമായി ഇരിങ്ങാലക്കുട രൂപതയില്‍ സംഘടിപ്പിച്ച സ്‌പെരാന്‍സ 2.0 മ്യൂസിക്കല്‍ റിട്രീറ്റില്‍ ബിഷപ്പ് മാര്‍ പോളി കണ്ണൂക്കാടന്‍ യുവജനങ്ങളൊടൊപ്പം.
ഇരിങ്ങാലക്കുട: യുവജന വര്‍ഷത്തിന്റെ ഭാഗമായി ഇരിങ്ങാലക്കുട രൂപതയിലെ യുവജനങ്ങളെ ക്രിസ്തീയ വിശ്വാസത്തില്‍ ആഴപ്പെടുത്തുക എന്ന ലക്ഷ്യത്തോടെ സ്‌പെരാന്‍സ 2.0 മ്യൂസിക്കല്‍ റിട്രീറ്റ് സംഘടിപ്പിച്ചു. സഹൃദയ എന്‍ജിനീയറിംഗ് കോളജില്‍ നടന്ന റിട്രീറ്റ് രൂപത വികാരി ജനറാള്‍ മോണ്‍. ജോളി വടക്കന്‍ ഉദ്ഘാടനം ചെയ്തു. ബിഷപ്പ് മാര്‍ പോളി കണ്ണൂക്കാടന്‍ ദിവ്യബലിക്ക് മുഖ്യ കാര്‍മികത്വം വഹിച്ചു. യൂറോപ്പിലെ യൂത്ത് ഡയറക്ടറും ലോകം മുഴുവന്‍ നെഞ്ചിലേറ്റിയ അനേകം ജനപ്രിയ ക്രിസ്തീയ ഭക്തിഗാനങ്ങളുടെ രചയിതാവുമായ ഫാ. ബിനോജ് മുളവരിക്കല്‍ മ്യൂസിക്കല്‍ റിട്രീറ്റിന് നേതൃത്വം നല്‍കി. കെസിവൈഎം, സിഎല്‍സി, ജീസസ് യൂത്ത് എന്നീ യുവജവന സംഘടനകള്‍ സംയുക്തമായി സംഘടിപ്പിച്ച റിട്രീറ്റില്‍ രൂപതയിലെ 141 ഇടവകകളില്‍ നിന്നും 400 ഓളം യുവജനങ്ങള്‍ പങ്കെടുത്തു.
മുഖ്യ വികാരി ജനറാള്‍ മോണ്‍. ജോസ് മാളിയേക്കല്‍, മോണ്‍. വിന്‍സണ്‍ ഈരത്തറ എന്നിവര്‍ സമാപന സന്ദേശം നല്‍കി. സഹൃദയ എന്‍ജിനീയറിംഗ് കോളജ് എക്‌സിക്യൂട്ടീവ് ഡയറക്ടര്‍ ഫാ. ആന്റോ ചുങ്കത്ത്, യുവജന വര്‍ഷത്തിന്റെ ഡയറക്ടറും സിഎല്‍സി ഡയറക്ടറുമായ ഫാ. ജോഷി കല്ലേലി, കെസിവൈഎം ഡയറക്ടര്‍ ഫാ. അജോ പുളിക്കന്‍, ജീസസ് യൂത്ത് ഡയറക്ടര്‍ ഫാ. ജോയല്‍ ചെറുവത്തൂര്‍, യുവജന വര്‍ഷ കോര്‍ഡിനേറ്റര്‍ ആല്‍വിന്‍ ആന്റോ, കോര്‍ഡിനേറ്റര്‍ റോബിന്‍ ഫ്രാന്‍സിസ്, അസോ. കോര്‍ഡിനേറ്റര്‍ ക്രിസ്റ്റീന ജോസഫ്, കെസിവൈഎം ചെയര്‍മാന്‍ ഫ്‌ലെറ്റിന്‍ ഫ്രാന്‍സിസ്, സിഎല്‍സി പ്രസിഡന്റ് ആന്റണി റെജിന്‍, ജീസസ് യൂത്ത് കോര്‍ഡിനേറ്റര്‍ ജെറിന്‍ ജോണി, ക്യാപ്റ്റന്‍ അലക്‌സ് ഫ്രാന്‍സിസ് തുടങ്ങിയവര്‍ സംസാരിച്ചു.
About Author
മാരിവില്ലഴകില്‍ പൂക്കളം തീര്‍ത്ത് ക്രൈസ്റ്റ് വിദ്യാനികേതനിലെ കുരുന്നുകള്‍ 
കാട്ടൂര്‍ സര്‍വ്വീസ് സഹകരണബാങ്കില്‍ ഓണവിപണി ഉദ്ഘാടനം ചെയ്തു 
ക്രൈസ്റ്റ് കോളജില്‍ വര്‍ണാഭമായ സൗഹൃദപൂക്കളം 
തുമ്പൂര്‍ സര്‍വീസ് സഹകരണ ബാങ്കില്‍ ഓണച്ചന്ത ആരംഭിച്ചു 
സിപിഐ താണിശേരി- കിഴുത്താണി മേഖല കുടുംബസംഗമം സംഘടിപ്പിച്ചു 
എന്‍എസ്എസ് താലൂക്ക് യൂണിയന്‍ പൂക്കളമത്സരം: കാടുകുറ്റി കരയോഗം ജേതാക്കള്‍ 
