മുകുന്ദപുരം താലൂക്ക് സഹകരണ അസി. രജിസ്ട്രാര്‍ ഓഫീസ്
മുകുന്ദപുരം താലൂക്ക് സഹകരണ അസി. രജിസ്ട്രാര്‍ ഓഫീസ്.
നാഥനില്ല, ജീവനക്കാര്‍ മാത്രം
അധിക ജോലി ഭാരവും വിവിധ ബാങ്കുകളിലെ അന്വേഷണങ്ങളും തിരിച്ചടിയാകുന്നു
ഇരിങ്ങാലക്കുട: മുകുന്ദപുരം താലൂക്ക് സഹകരണ അസി. രജിസ്ട്രാര്‍ ഓഫീസിന് നാഥനില്ലാതായിട്ട് ഒന്‍പത് മാസം. നേരത്തെ ഉണ്ടായിരുന്ന അസി. രജിസ്ട്രാര്‍ സ്ഥാനക്കയറ്റം കിട്ടി പോയതോടെയാണ് 2024 ഒക്ടോബര്‍ മുതല്‍ ജില്ലയിലെ തന്നെ ഏറ്റവും വലിയ താലൂക്ക് സഹകരണ അസി. രജിസ്ട്രാര്‍ ഓഫീസിന് നാഥനില്ലാതായത്. ഇതിനിടയില്‍ ഒരാളെ സര്‍ക്കാര്‍ നിയമിച്ചെങ്കിലും ഒരു മാസത്തിനകം അദ്ദേഹം സ്ഥലം മാറ്റം വാങ്ങിപ്പോയി. അധിക ജോലി ഭാരവും വിവിധ ബാങ്കുകള്‍ കേന്ദ്രീകരിച്ച് ഏജന്‍സികള്‍ നടത്തുന്ന അന്വേഷണങ്ങള്‍ക്കും മറ്റുമായി ബന്ധപ്പെട്ട് മറുപടി പറയേണ്ടിവരുന്നതും ഇവിടേക്ക് വരുന്നവരെ മടുപ്പിക്കുന്നതായും ആക്ഷേപമുണ്ട്.
നിലവില്‍ കൊടുങ്ങല്ലൂര്‍ അസി. രജിസ്ട്രാര്‍ക്കും തൃശൂര്‍ ജോ. രജിസ്ട്രാര്‍ ഓഫീസിലെ എആര്‍മാര്‍ക്കും അസി. ഡയറക്ടര്‍ ഓഫീസിലെ അസി. ഡയറക്ടര്‍ക്കുമെല്ലാം മാറിമാറി ഇവിടത്തെ എആറിന്റെ ചുമതലകള്‍ നല്‍കിവരുകയാണ്. ഇത് നല്ലതല്ലെന്നും എആര്‍ നിര്‍ബന്ധമായും വേണ്ട ഒരു താലൂക്കാണ് മുകുന്ദപുരമെന്നും ജീവനക്കാര്‍ത്തന്നെ പറയുന്നു. കരുവന്നൂര്‍ സഹകരണ ബാങ്ക്, ഇരിങ്ങാലക്കുട ഐടിയു ബാങ്ക് അടക്കം നിരവധി വിഷയങ്ങള്‍ ഇപ്പോഴും ജനമധ്യത്തില്‍ സജീവമായി നില്‍ക്കുകയാണ്. നിരവധി നിക്ഷേപങ്ങളുള്ള സംഘങ്ങള്‍ താലൂക്കില്‍ ഒട്ടേറെയാണ്.
197 സംഘങ്ങളാണ് സഹകരണ രജിസ്ട്രാര്‍ ഓഫീസിന് കീഴില്‍ പ്രവര്‍ത്തിക്കുന്നത്. ഇതില്‍ 20 എണ്ണം നാമമാത്രമായി പ്രവര്‍ത്തിക്കുന്നതൊഴിച്ചാല്‍ 177 സംഘങ്ങളും വളരെ നല്ല രീതിയില്‍ പ്രവര്‍ത്തിക്കുന്ന സഹകരണ സംഘങ്ങളാണ്. ഈ സംഘങ്ങളുടെയെല്ലാം ഭരണം നടത്തേണ്ടതിന്റെ പൂര്‍ണ ചുമതല മുകുന്ദപുരം താലൂക്ക് അസി. രജിസ്ട്രാര്‍ക്കാണ്. സ്ഥിരം എആര്‍ ഇല്ലാതായതോടെ റിസ്‌ക് ഫണ്ടിന്റേയും മറ്റ് അപേക്ഷകളിലും നടപടികള്‍ വൈകുകയാണെന്നും ആക്ഷേപമുണ്ട്. അതിനാല്‍ എത്രയും വേഗം ജോ. രജിസ്ട്രാറെ നിയമിക്കാന്‍ സര്‍ക്കാര്‍ തയ്യാറാകണമെന്നാണ് സഹകരണ സംഘങ്ങളുടെ ആവശ്യം.
മുകുന്ദപുരത്ത് സഹകരണ അസി. രജിസ്ട്രാര്‍ ഒഴിവ് നികത്തണം
ഇരിങ്ങാലക്കുട: മുകുന്ദപുരം താലൂക്ക് സഹകരണ അസിസ്റ്റന്റ് രജിസ്ട്രാര്‍ ഓഫീസില്‍ അസി. രജിസ്ട്രാറുടെ ഒഴിവ് നികത്താന്‍ നടപടി എടുക്കാത്തതിനെതിരെ സഹകരണ ജനാധിപത്യവേദി രംഗത്ത്. അടിയന്തരമായി അസി. രജിസ്ട്രാറെ നിയമിക്ണമെന്നും അല്ലാത്ത പക്ഷം പ്രതിഷേധ സമരങ്ങള്‍ സംഘടിപ്പിക്കുമെന്നും ജനാധിപത്യ വേദി ചെയര്‍മാന്‍ ആന്റോ പെരുമ്പുള്ളി, കണ്‍വീനര്‍ ജോമോന്‍ വലിയവീട്ടില്‍ എന്നിവര്‍ അറിയിച്ചു.
About Author
യുവതിയെ പിന്തുടര്‍ന്ന് ശല്യം ചെയ്യല്‍; യുവാവായ പിടികിട്ടാപ്പുള്ളിയെ എറണാകുളത്ത് നിന്ന് അറസ്റ്റ് ചെയ്തു 
ക്രൈസ്റ്റ് കോം ക്വിസ്- 2025, ഹൈദരാബാദ് ഉസ്മാനിയ മെഡിക്കല്‍ കോളജിന് ഒന്നാം സ്ഥാനം 
കത്തീഡ്രലില്‍ വിശുദ്ധ കുരിശിന്റെ പുകഴ്ചയുടെ തിരുനാളും കപ്പേളകളുടെ വെഞ്ചരിപ്പുകര്‍മവും 14ന് 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം ദേശീയ സെമിനാര്‍ 
വല്ലച്ചിറ ക്ഷേത്രത്തില്‍ നിന്നും തിരുവാഭരണങ്ങള്‍ മോഷണം; മുന്‍ പൂജാരിയെ അറസ്റ്റ് ചെയ്തു 
ഓണ്‍ലൈന്‍ ഷെയര്‍ ട്രേഡിംഗിന്റെ മറവില്‍ തട്ടിപ്പ്: പ്രതിയെ കോയമ്പത്തൂരില്‍ നിന്നും പിടികൂടി 
