ക്രൈസ്റ്റ് അക്വാറ്റിക് ഷട്ടില്‍ അക്കാദമിയില്‍ സംസ്ഥാന മാസ്റ്റേഴ്‌സ് ബാഡ്മിന്റണ്‍ ചാമ്പ്യന്‍ഷിപ്പിന്റെ സംഘാടകസമിതി രൂപീകരിച്ചു

December 23, 2025

Social media

ഇരിങ്ങാലക്കുട: 2026 ജനുവരി 15 മുതല്‍ 18 വരെ ഇരിങ്ങാലക്കുട ക്രൈസ്റ്റ് അക്വാറ്റിക് ഷട്ടില്‍ അക്കാദമിയില്‍ നടക്കുന്ന ജെയിന്‍ സെബി മെമ്മോറിയല്‍ കേരള സംസ്ഥാന മാസ്റ്റേഴ്‌സ് ബാഡ്മിന്റണ്‍ ചാമ്പ്യന്‍ഷിപ്പിന്റെ സംഘാടകസമിതി രൂപീകരണയോഗം നടന്നു. ക്രൈസ്റ്റ് എന്‍ജിനീയറിംഗ് കോളജ് ഡയറക്ടര്‍ ഫാ. ജോണ്‍ പാലിയേക്കര യോഗം ഉദ്ഘാടനം ചെയ്തു. അസോസിയേഷന്‍ ജില്ലാ പ്രസിഡന്റ് ബാബു മേച്ചേരിപ്പടി അധ്യക്ഷത വഹിച്ചു.

ജാസ്മിന്‍ ജോസഫ് അനുസ്മരണ പ്രഭാഷണം നടത്തി. തൃശൂര്‍ ജില്ലാ ബാഡ്മിന്റണ്‍ അസോസിയേഷന്‍ സീനിയര്‍ വൈസ് പ്രസിഡന്റ് പീറ്റര്‍ ജോസഫ്, കേരള ബാഡ്മിന്റണ്‍ ഷട്ടില്‍ അസോസിയേഷന്‍ വൈസ് പ്രസിഡന്റ് ജോസ് സേവിയര്‍, എം.എന്‍. ഷാജി, ജില്ലാ സെക്രട്ടറി പി.ഒ. ജോയ്, ട്രഷറര്‍ ജോയി കെ. ആന്റണി, സാജു ലൂയിസ്, ടോമി മാത്യു എന്നിവര്‍ പങ്കെടുത്തു. ബാബു മേച്ചേരിപ്പടി (ചെയര്‍മാന്‍), പീറ്റര്‍ ജോസഫ് (ജനറല്‍ കണ്‍വീനര്‍), പി.ഒ. ജോയ് (ഓര്‍ഗനൈസിംഗ് സെക്രട്ടറി) തുടങ്ങിയ 51 പേര്‍ അടങ്ങിയ സ്വാഗതസംഘം രൂപീകരിച്ച പ്രവര്‍ത്തനങ്ങള്‍ ആരംഭിച്ചു. വനിതകളുടെയും പുരുഷന്മാരുടെയും 35 വയസു മുതല്‍ 75 വയസുവരെയുള്ളവരുടെ സിംഗിള്‍സ്, ഡബിള്‍സ്, മിക്‌സഡ് ഡബിള്‍സ് 45 വിഭാഗങ്ങളില്‍ മത്സരങ്ങള്‍ നടക്കും. ലോക ബാഡ്മിന്റണ്‍ ചാമ്പ്യന്‍ഷിപ്പില്‍ പങ്കെടുത്ത പത്തോളം കളിക്കാര്‍ അടക്കം 400 ഓളം പ്രശസ്ത കളിക്കാണ് ഈ ചാമ്പ്യന്‍ഷിപ്പില്‍ പങ്കെടുക്കും. ഈ ചാമ്പ്യന്‍ഷിപ്പില്‍ നിന്നും തെരഞ്ഞെടുക്കപ്പെടുന്ന കളിക്കാര്‍ ജമ്മു കാശ്മീരില്‍ വച്ച് നടക്കുന്ന ദേശീയ മാസ്റ്റേഴ്‌സ് ചാമ്പ്യന്‍ഷിപ്പില്‍ കേരളത്തെ പ്രതിനിധീകരിക്കും.