ഠാണാ ചന്തക്കുന്ന് വികസനം; സ്വപ്ന പദ്ധതി അന്തിമ ഘട്ടത്തിലെന്ന് മന്ത്രി ഡോ.ആര്‍. ബിന്ദു; മാര്‍ച്ച് 20 മുതല്‍ റോഡ് ഭാഗികമായി തുറന്നുകൊടുക്കുമെന്നും പ്രഖ്യാപനം

March 16, 2026

Social media

ഇരിങ്ങാലക്കുട: സ്വപ്‌ന പദ്ധതിയായ ഠാണാ -ചന്തുന്ന് ജംഗ്ഷന്‍ റോഡ് നിര്‍മാണം അന്തിമ ഘട്ടത്തിലെന്ന് മന്ത്രി ഡോ.ആര്‍. ബിന്ദു. 20 മുതല്‍ ന്നെ ബസ് സ്റ്റാന്‍ഡ് ഭാഗത്ത് നിന്നും ഠാണാ വഴി വരുന്ന വാഹനങ്ങള്‍ റോഡിന്റെ വലത്ത് ഭാഗത്ത് കൂടി കൊടുങ്ങല്ലൂര്‍ ഭാഗത്തേക്ക് പോകുന്നതിനായിതുറന്നു നല്‍കും. കിഴക്ക് ഭാഗത്തെ നിര്‍മാണ പ്രവര്‍ത്തനങ്ങള്‍ 20 ന് തീര്‍ത്ത് 12 ദിവസത്തെ ക്യൂറിംഗ് കാലാവധിക്ക് ശേഷം ഇരുവശവും തുറന്ന് കൊടുക്കാന്‍ കഴിയുമെന്നും ഇതിനുള്ളില്‍ ചന്തക്കുന്ന് ജംഗ്ഷന്‍ പണി പൂര്‍ത്തീകരിക്കാന്‍ കഴിയുമെന്നാണ് പ്രതീക്ഷിക്കുന്നതെന്നും നിര്‍മാണ പ്രവര്‍ത്തനങ്ങള്‍ വിലയിരുത്തിയ ശേഷം മന്ത്രി പറഞ്ഞു.

52 കോടി ചിലവഴിച്ചാണ് ഇരിങ്ങാലക്കുട ഠാണാ ചന്തക്കുന്ന് വികസനവുമായി ബന്ധപ്പെട്ട നിര്‍മാണ പ്രവര്‍ത്തനങ്ങള്‍ പൂര്‍ത്തീകരിക്കുന്നത്. ഭൂമി ഏറ്റെടുക്കല്‍ റെക്കോര്‍ഡ് വേഗത്തിലാണ് പൂര്‍ത്തീകരിച്ചത്. ജില്ലാ പഞ്ചായത്ത് വൈസ് പ്രസിഡന്റ് ടി.കെ. സുധീഷ്, ബ്ലോക്ക് പ്രസിഡന്റ് ടി.ജി. ശങ്കരനാരായണന്‍, എല്‍ഡിഎഫ് നേതാക്കളായ ഉല്ലാസ് കളക്കാട്ട്, അഡ്വ.കെ.ആര്‍. വിജയ, വി.എ. മനോജ് കുമാര്‍, എന്‍.കെ. ഉദയപ്രകാശ്, ബിജു ആന്റണി, പി.വി. ശിവകുമാര്‍, ടി.എസ്. സജീവന്‍ മാസ്റ്റര്‍, കെ.കെ. കൃഷ്ണാനന്ദ ബാബു, തുടങ്ങിയവര്‍ മന്ത്രിക്കൊപ്പം ഉണ്ടായിരുന്നു.