വിദേശമദ്യം വില്ക്കുന്നതിനിടെ ഒരാള് അറസ്റ്റില്
ഇരിങ്ങാലക്കുട: അനധികൃത വില്പന നടത്തുന്നതിനായി ബിവറേജസ് കോര്പ്പറേഷന് ഔട്ട്ലെറ്റില് നിന്നും മദ്യം വാങ്ങി സൂക്ഷിച്ചിരുന്നയാളെ പോലീസ് അറസ്റ്റു ചെയ്തു. പൈങ്ങോട് സ്വദേശി കൊല്ലംകുഴി വീട്ടില് പൈന്റ് സല്ഗു എന്നു വിളിക്കുന്ന സല്ഗുണനാണ് (59) ആറു ലിറ്റര് വിദേശമദ്യവുമായി പിടിയിലായത്. ഒരു വര്ഷത്തോളമായി ഇയാള് ഇത്തരത്തില് വീട്ടിലും പരിസരത്തും മദ്യക്കച്ചവടം നടത്തിവരുകയാണ്. പൈങ്ങോട് കെസി മൂല ഭാഗത്തു മദ്യം വില്ക്കാന് നില്ക്കുന്ന സമയത്ത് പോലീസ് തന്ത്രപൂര്വം ഇയാളെ പിടികൂടുകയായിരുന്നു. തുടര്ന്ന് നടത്തിയ പരിശോധയില് കൂടുതല് മദ്യം ഇയാളുടെ കൈവശം പോലീസ് കണ്ടെത്തി. ബിവറേജസ് കോര്പ്പറേഷന്റെ വിലയില് നിന്നും ഇരട്ടിയിലധികം വിലയ്ക്കാണു ഇയാള് മദ്യം വില്പന നടത്തിയിരുന്നതെന്നു പോലീസ് പറഞ്ഞു. എഎസ്ഐ ജസ്റ്റിന്, സിപിഒമാരായ രാഹുല്, അരുണ്, ഫൈസല്, വൈശാഖ് മംഗലന്, സ്പെഷല് ബ്രാഞ്ച് ഓഫീസര് ശ്രീജിത്ത് എന്നിവരാണു പോലീസ് സംഘത്തില് ഉണ്ടായിരുന്നത്.

എസ്ബിഐ എടിഎം കൗണ്ടറിന്റെ ഗ്ലാസ് ഡോര് കല്ലെറിഞ്ഞ് തകര്ത്ത കേസിലെ പ്രതി അറസ്റ്റില്
ഓണ്ലൈന് ട്രേഡിംഗ് തട്ടിപ്പ്; ഒരാള് കൂടി അറസ്റ്റില്
കാട്ടൂരില് വന് സ്പിരിറ്റ് ശേഖരം പിടികൂടി; 3220 ലിറ്റര് സ്പിരിറ്റ് പിടിച്ചെടുത്തു. പ്രതിയെ ഉടന് പിടികൂടുമെന്ന് അന്വേഷണ സംഘം
അസഭ്യം പറഞ്ഞത് ചോദ്യം ചെയ്തതിലുള്ള വൈരാഗ്യത്താല് അയല്വാസിയെ ആക്രിച്ച് പരിക്കേല്പ്പിച്ച കേസില് സ്റ്റേഷന് റൗഡി അറസ്റ്റില്
യുവാവിനെ ആക്രമിച്ച് പരിക്കേല്പ്പിച്ച കേസ്; കൊലക്കേസ് പ്രതിയായ സ്റ്റേഷന് റൗഡി അറസ്റ്റില്
യുവാക്കളെ ആക്രമിച്ച് പരിക്കേല്പ്പിച്ച് പണവും മൊബൈല് ഫോണും കവര്ച്ച ചെയ്ത കേസില് മൂന്ന് പ്രതികള് അറസ്റ്റില്