നാം മുന്നോട്ട്’:മുരിയാട് പഞ്ചായത്തില്‍ സംഘടിപ്പിച്ച മഹാഗൃഹസന്ദര്‍ശനം
‘നാം മുന്നോട്ട്’:മുരിയാട് പഞ്ചായത്തില്‍ സംഘടിപ്പിച്ച മഹാഗൃഹസന്ദര്‍ശനം
ഇരിങ്ങാലക്കുട: കൊറോണ ജലജന്യരോഗ പ്രതിരോധം, മഴക്കാലപൂര്‍വ ശുചീകരണം തുടങ്ങിയ സന്ദേശവുമായി ‘അതീവ ജാഗ്രതയോടെ നാം മുന്നോട്ട്’ എന്ന മുദ്രാവാക്യവുമായി മുരിയാട് പഞ്ചായത്തില്‍ മഹാഗൃഹസന്ദര്‍ശനം സംഘടിപ്പിച്ചു. കൊറോണയുടെ രണ്ടാം തരംഗത്തിനെതിരെ ജാഗ്രതാ നിര്‍ദേശം നല്‍കുക, ഡെങ്കിപ്പനി, മലമ്പനി, എലിപ്പനി, ജലജന്യരോഗങ്ങള്‍, മഞ്ഞപ്പിത്തം, ടൈഫോയ്ഡ് തുടങ്ങിയ രോഗങ്ങള്‍ പ്രതിരോധിക്കാന്‍ ജനങ്ങളെ സജ്ജരാക്കുക, മഴക്കാലപൂര്‍വ ശുചീകരണപ്രവര്‍ത്തനത്തിന്റെ സന്ദേശം എത്തിക്കുക എന്നീ ലക്ഷ്യങ്ങളാണു ഗൃഹസന്ദര്‍ശനത്തിലൂടെ നിര്‍വഹിക്കപ്പെട്ടത്. മൂന്നോ, നാലോ പേരടങ്ങുന്ന 250 ല്‍പരം ചെറുസംഘങ്ങള്‍ പഞ്ചായത്തിലെ 17 വാര്‍ഡുകളിലായി 8000 ത്തില്‍ പരം വീടുകളാണു സന്ദര്‍ശിച്ചത്. കുടുംബശ്രീ പ്രവര്‍ത്തകര്‍, ആരോഗ്യപ്രവര്‍ത്തകര്‍, അങ്കണവാടി ടീച്ചര്‍മാര്‍, എന്‍ആര്‍ഇജി തൊഴിലാളികള്‍, രാഷ്ട്രീയസാമൂഹിക പ്രവര്‍ത്തകര്‍, സന്നദ്ധപ്രവര്‍ത്തകര്‍ തുടങ്ങിയവര്‍ കാമ്പയിനില്‍ പങ്കെടുത്തു. പഞ്ചായത്തംഗങ്ങള്‍ ചെയര്മാന്മാരായ വാര്‍ഡ്തല ജാഗ്രതസമിതിയാണു പ്രാദേശികമായി ഗൃഹസന്ദര്‍ശനം നടത്തിയത്. പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി, വൈസ് പ്രസിഡന്റ് ഷീല ജയരാജ്, സ്റ്റാന്‍ഡിംഗ് കമ്മിറ്റി ചെയര്മാന്മാരായ കെ.പി. പ്രശാന്ത്, കെ.യു. വിജയന്‍, രതി ഗോപി, പഞ്ചായത്ത് മെമ്പര്‍ തോമസ് തൊകലത്ത്, ഹെല്‍ത്ത് ഇന്‍സ്‌പെക്ടര്‍ കൃഷ്ണകുമാര്‍, കുടുംബശ്രീ ചെയര്‍പേഴ്‌സണ്‍ ഷീജ മോഹന്‍ എന്നിവര്‍ നേതൃത്വം നല്‍കി. പ്രതിരോധപ്രവര്‍ത്തനങ്ങളും നിയന്ത്രണങ്ങളും കൂടുതല്‍ കാര്യക്ഷമമാക്കുന്നതിന്റെ ആദ്യപടിയാണ് ‘നാം മുന്നോട്ട്’ മഹാഗൃഹസന്ദര്‍ശനം സംഘടിപ്പിച്ചത്.
About Author
കാട്ടൂര്‍ ലയണ്‍സ് ക്ലബ് സൗജന്യ മെഗാ മെഡിക്കല്‍ ക്യാമ്പ് സംഘടിപ്പിച്ചു 
ആനന്ദപുരം ഗവ. യുപി സ്‌കൂളില്‍ നിര്‍മ്മിച്ച കിച്ചന്‍ കം സ്റ്റോര്‍ സമര്‍പ്പിച്ചു 
മുരിയാട് ഗ്രാമപഞ്ചായത്ത് മൂന്നാം നൂറു ദിന പരിപാടിക്ക് തുടക്കമായി 
കാറളം മൂര്‍ക്കനാട് റോഡ് കാടുകയറി യാത്രക്കാര്‍ ദുരിതത്തില്‍ 
പടിയൂര്‍ പുളിക്കലച്ചിറ പഴയപാലം പൊളിച്ചുതുടങ്ങി, പായമ്മല്‍ പടിയൂര്‍ റോഡില്‍ ഭാരവാഹനങ്ങള്‍ നിരോധിച്ചു 
പൊതുനിരത്തുകള്‍ പ്ലാസ്റ്റിക് മാലിന്യമുക്തമാക്കി പടിയൂര്‍ പഞ്ചായത്ത് 
