വീടെന്ന സ്വപ്‌നം യാഥാര്‍ഥ്യമാക്കി ഇരിങ്ങാലക്കുട ലയണ്‍സ് ക്ലബ്
ഇരിങ്ങാലക്കുട: വീടെന്ന സ്വപ്‌നം യാഥാര്‍ഥ്യമാക്കി ഇരിങ്ങാലക്കുട ലയണ്‍സ് ക്ലബ്. ഇരിങ്ങാലക്കുട ലയണ്‍സ് ക്ലബിന്റെ നേതൃത്വത്തില്‍ സ്‌നേഹസ്പര്‍ശം 2021 പദ്ധതി പ്രകാരം രണ്ടു വീടുകള്‍ നിര്‍മാണം പൂര്‍ത്തികരിച്ചു നല്‍കി. ഭവനരഹിതര്‍ക്കും ഭവന നിര്‍മാണം പാതിവഴിയില്‍ നിലച്ചു പോയവരെയും സഹായിക്കുക എന്നതാണു സ്‌നേഹസ്പര്‍ശം 2021 പദ്ധതി വഴി ലക്ഷ്യം വെക്കുന്നത്. കരുവന്നൂര്‍ പൊറക്കാട്ടും ഇരിങ്ങാലക്കുട കനാല്‍ ബെയ്‌സ് പരിസരത്തുമാണു വീടുകള്‍ നിര്‍മിച്ചു നല്‍കിയത്. ലയണ്‍സ് ക്ലബ് ഡിസ്ട്രിക്ട് ഗവര്‍ണര്‍ സാജു ആന്റണി പാത്താടന്‍ വീടുകളുടെ താക്കോല്‍ദാനകര്‍മം നിര്‍വഹിച്ചു. ഇരിങ്ങാലക്കുട ലയണ്‍സ് ക്ലബ് പ്രസിഡന്റ് ബിജോയ് പോള്‍ അധ്യക്ഷത വഹിച്ചു. ലയണ്‍സ് ക്ലബ് സെക്രട്ടറി അഡ്വ. ജോണ്‍ നിധിന്‍ തോമസ്, ട്രഷറര്‍ ജോണ്‍ തോമസ്, ലയണ്‍സ് ക്ലബ് പ്രസിഡന്റ് വീണ ബിജോയ്, സെക്രട്ടറി റെന്‍സി ജോണ്‍ നിധിന്‍, ട്രഷറര്‍ എല്‍സലെറ്റ് ജോണ്‍ എന്നിവര്‍ പ്രസംഗിച്ചു. മുന്‍ ഡിസ്ട്രിക്ട് ഗവര്‍ണര്‍മാരായ അഡ്വ. ടി.ജെ. തോമസ്, തോമാച്ചന്‍ വെള്ളാനിക്കാരന്‍, ലയണ്‍സ് ക്ലബ് ഡിസ്ട്രിക്ട് ചെയര്‍പേഴ്‌സന്‍ ടോണി ഏനോക്കാരന്‍, ജോണ്‍ ഫ്രാന്‍സിസ് കണ്ടംകുളത്തി എന്നിവര്‍ നേതൃത്വം നല്‍കി.
About Author
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
നവജാതശിശു സംരക്ഷണ വാരാചരണത്തിന് തുടക്കമായി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
ക്രൈസ്റ്റ് എന്‍ജിനീയറിംഗ് കോളജില്‍ ഹയര്‍ സെക്കന്‍ഡറി അധ്യാപകര്‍ക്ക് ആദരം ഗ്രെയ്‌സ് 2024 നടന്നു 
ദോഹ ഖത്തറില്‍ ഡ്രൈവര്‍മാരായി ജോലി ചെയ്തവരുടെ ഖത്തര്‍ പ്രവാസി കൂട്ടായ്മ സംഗമം നടന്നു 
