ഉന്നതവിജയം കരസ്ഥമാക്കിയ സ്‌പെഷ്യല്‍ സ്‌കൂള്‍ വിദ്യാര്‍ഥികളെ അനുമോദിച്ചു
ഇരിങ്ങാലക്കുട: എസ്എസ്എല്‍സി, പ്ലസ് ടു പരീക്ഷയില്‍ ഉന്നതവിജയം കരസ്ഥമാക്കിയ കല്ലേറ്റുംകര നാഷണല്‍ ഇന്‍സ്റ്റിറ്റ്യൂട്ട് ഓഫ് ഫിസിക്കല്‍ മെഡിസിന്‍ ആന്‍ഡ് റീഹാബിലിറ്റേഷനിലെ (നിപ്മര്‍) സ്‌പെഷ്യല്‍ സ്‌കൂള്‍ വിദ്യാര്‍ഥികളെ അനുമോദിച്ചു. നിപ്മറില്‍ നടന്ന ചടങ്ങില്‍ ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു എസ്എസ്എല്‍സിക്കു ഉന്നതവിജയം നേടിയ ഏഴു വിദ്യാര്‍ഥികളെയും ഒരു പ്ലസ് ടു വിദ്യാര്‍ഥിയെയും അനുമോദിച്ചു. ചടങ്ങില്‍ അധ്യാപകരെയും രക്ഷിതാക്കളെയും മന്ത്രി ആദരിച്ചു. നിപ്മറിലെ വിദ്യാര്‍ഥികളുടെ ഈ നേട്ടം മറ്റു ഭിന്നശേഷി വിദ്യാര്‍ഥികള്‍ക്കു പ്രചോദനമാകുമെന്നു മന്ത്രി ബിന്ദു പറഞ്ഞു. പൊതുയിടങ്ങളും ഗതാഗത സംവിധാനവും ഭിന്നശേഷി സൗഹൃദമാക്കുന്നതില്‍ നിപ്മര്‍ വഴികാട്ടിയാകുമെന്നും മന്ത്രി പ്രത്യാശിച്ചു. നിപ്മറിന്റെ പുതുക്കിയ വെബ്‌സൈറ്റ് പ്രകാശനവും പുതിയതായി ആരംഭിച്ച നടുസന്ധിവേദന ക്ലിനിക്കിന്റെ ഔപചാരിക ഉദ്ഘാടനവും ചടങ്ങില്‍ മന്ത്രി നിര്‍വഹിച്ചു. ജില്ലാ പഞ്ചായത്ത് പ്രസിഡന്റ് പി.കെ. ഡേവിസ് അധ്യക്ഷത വഹിച്ചു. മാള ബ്ലോക്ക് പഞ്ചായത്ത് പ്രസിഡന്റ് സന്ധ്യ നൈസന്‍, ആളൂര്‍ ഗ്രാമപഞ്ചായത്ത് പ്രസിഡന്റ് കെ.ആര്‍. ജോജോ, നിപ്മറിലെ സീനിയര്‍ കണ്‍സള്‍ട്ടന്റ് ഫിസിയാട്രിസ്റ്റ് ഡോ. സന്തോഷ് ബാബു, ആളൂര്‍ ഗ്രാമപഞ്ചായത്ത് അംഗം മേരി ഐസക്ക്, നിപ്മര്‍ എക്‌സിക്യുട്ടീവ് ഡയറക്ടര്‍ സി. ചന്ദ്രബാബു, അക്കാദമിക് ഓഫീസര്‍ ഡോ. കെ.എസ്. വിജയലക്ഷമി അമ്മ എന്നിവര്‍ പങ്കെടുത്തു
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
