കേരളത്തില് നിന്ന് അപൂര്വ ഇനം ‘തൊഴുകൈയ്യന് വലച്ചിറകന്’ നെ കണ്ടെത്തി
ഇരിങ്ങാലക്കുട: ക്രൈസ്റ്റ് കോളജിലെ ഷഡ്പദ എന്റമോളജി റിസര്ച്ച് ലാബ് ഗവേഷണ സംഘം കേരളത്തില് നിന്ന് അപൂര്വ ഇനം തൊഴുകൈയ്യന് വലച്ചിറകനെ കണ്ടെത്തി. മാന്ഡിസ്പില്ല ഇന്ഡിക്ക എന്ന സ്പീഷീസിനെയാണ് ഗവേഷക സംഘം കണ്ടെത്തിയത്. തൃശൂര് ജില്ലയിലെ മുളങ്കുന്നത്തുകാവ്, ഇരിങ്ങാലക്കുട എന്നീ പ്രദേശങ്ങളില് നിന്നാണ് ഈ സ്പീഷീസ് റിപ്പോര്ട്ട് ചെയ്യപ്പെട്ടിരിക്കുന്നത്. ദേശീയ ശാസ്ത്ര മാസികയായ ജേണല് ഓഫ് ത്രെട്ടനഡ് ടാക്സിയിലാണ് ഇതുസംബന്ധിച്ച് പ്രസിദ്ധീകരിച്ചിരിക്കുന്നത്. ജന്തുശാസ്ത്ര വിഭാഗം ഗവേഷകനായ ടി.ബി. സൂര്യനാരായണന്, ഗവേഷണ മേധാവി ഡോ. സി. ബിജോയ് എന്നിവരാണ് ഈ കണ്ടെത്തലിനു പിന്നില് പ്രവര്ത്തിച്ചത്. തൊഴുകൈയ്യന് പ്രാണിയുമായി ഈ ജീവിയെ പൊതുവെ തെറ്റിദ്ധരിക്കപ്പെടാറുണ്ട്. വലപോലുള്ള ചിറകുകള് അടിസ്ഥാനപ്പെടുത്തിയാണ് ഇവയെ വേര്ത്തിരിച്ചറിയുന്നത്. ഈ ഇനം പെണ്തൊഴുകൈയ്യന് വലച്ചിറകന് ചിലന്തിവലയില് മുട്ടയിട്ട് ഇവയില് നിന്നും ഉണ്ടാകുന്ന ലാര്വ ചിലന്തി കുഞ്ഞുങ്ങളെ ഭക്ഷിച്ചാണ് ജീവിതചക്രം പൂര്ത്തിയാക്കുന്നത്. കേരളത്തില് നിന്നും ഈ വിഭാഗത്തിലെ മൂന്നാമത്തെ സ്പീഷീസാണ് ഇത്. കൗണ്സില് ഓഫ് സയന്റിഫിക് ആന്ഡ് ഇന്ഡസ്ട്രിയല് റിസര്ച്ചിന്റ സാമ്പത്തിക സഹായത്തോടെയാണ് ഈ ഗവേഷണം നടത്തിയത്

യുവപ്രതിഭകള്ക്ക് വേദിയൊരുക്കാന് നവ്യം പോലുള്ള അരങ്ങുകള് അനിവാര്യമെന്ന് ജി. വേണുഗോപാല്
ഉപജില്ല കലോത്സവത്തില് എല്പി വിഭാഗത്തില് ഓവറോള് രണ്ടാം സ്ഥാനം നേടി അവിട്ടത്തൂര് ഹോളി ഫാമിലി എല്പി സ്കൂൾ
അഡ്വ. തോമസ് ഉണ്ണിയാടന് എംഎല്എ സന്ദര്ശിച്ചു
സെന്റ് ആന്റണീസ് ഹയര്സെക്കന്ഡറി സ്കൂളില് സ്മാര്ട്ട് ക്ലാസുകളുടെ ഉദ്ഘാടനം നടത്തി
ഇന്ത്യ ശ്രീലങ്ക എന്സിസി സൈക്ലിംഗ് പര്യടനം 2027: ഇരിങ്ങാലക്കുട സെന്റ് ജോസഫ്സ് കോളജിലെ കേഡറ്റുകള് കൊളംബോയിലെത്തി
മുകുന്ദപുരം പബ്ലിക് സ്കൂളില് എഎസ്ഐഎസ്സി സോണ് ഇ റീജിയന് കള്ച്ചറല് ഫെസ്റ്റ് ഇതിഹയ്ക്ക് ഉജ്ജ്വല തുടക്കം