ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു മണ്ഡലത്തിലെ ദുരിതാശ്വാസ ക്യാമ്പ് സന്ദര്‍ശിച്ചു
ഇരിങ്ങാലക്കുട: ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു മണ്ഡലത്തിലെ ദുരിതാശ്വാസ ക്യാമ്പ് സന്ദര്‍ശിച്ചു. 21 പേര്‍ കഴിയുന്ന കാറളം പഞ്ചായത്തിലെ എഎല്‍പി സ്‌കൂളിലെ ക്യാമ്പാണു മന്ത്രി സന്ദര്‍ശിച്ചത്. മണ്ഡലത്തില്‍ കൂടുതല്‍ പേര്‍ കഴിയുന്ന ക്യാമ്പ് കൂടിയാണിത്. പഞ്ചായത്തിലെ വാര്‍ഡ് രണ്ട്, 11 എന്നിവിടങ്ങളില്‍ നിന്നുള്ളവരാണു ക്യാമ്പിലുള്ളത്. ബ്ലോക്ക് പ്രസിഡന്റ് ലളിത ബാലന്‍, പഞ്ചായത്ത് പ്രസിഡന്റ് സീമ പ്രേംരാജ് എന്നിവരോടൊപ്പം എത്തിയ മന്ത്രി അന്തേവാസികളുടെ വിവരങ്ങള്‍ ചോദിച്ചറിഞ്ഞു. വില്ലേജ് ഓഫീസര്‍ ഡി. ഡിനില്‍കുമാര്‍, സ്‌കൂള്‍ ഇന്‍ ചാര്‍ജ് എന്‍.എന്‍. പ്രീത, ആശാ വര്‍ക്കര്‍ കെ.കെ. ലക്ഷ്മി, സ്‌കൂളിലെ മറ്റു അധ്യാപകര്‍, പഞ്ചായത്തു ജീവനക്കാര്‍ എന്നിവരും സ്ഥലത്തുണ്ടായിരുന്നു. ക്യാമ്പിന്റെ പ്രവര്‍ത്തനം തൃപ്തികരമാണെന്നു മനസിലാക്കാന്‍ കഴിഞ്ഞതായി മന്ത്രി പറഞ്ഞു. നിലവില്‍ ഇരിങ്ങാലക്കുട മണ്ഡലത്തില്‍ കാറളം, കാട്ടൂര്‍ പഞ്ചായത്തുകളിലും നഗരസഭ പരിധിയില്‍ നിന്നുമായി മൂന്നു ക്യാമ്പുകളിലായി 46 പേരാണു കഴിയുന്നത്.
About Author
നവോത്ഥാന മുന്നേറ്റത്തിനു യുവജനങ്ങള്‍ മുന്നിട്ടിറങ്ങണം: മാര്‍ പോളി കണ്ണൂക്കാടന്‍ 
ഇരിങ്ങാലക്കുട സെന്റ് ജോസഫ്‌സ് കോളജിന് ഭിന്നശേഷി സൗഹാര്‍ദ്ദ സ്ഥാപനത്തിനുള്ള സംസ്ഥാന അംഗീകാരം 
കാര്‍മല്‍ മെലഡി 2024; ഹ്രസ്വചിത്ര അവാര്‍ഡ് ദാനം നടത്തി 
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
