ഇരിങ്ങാലക്കുട നഗരസഭ വൈസ് ചെയര്‍മാനായി ടി.വി. ചാര്‍ളിയെ തെരഞ്ഞെടുത്തു
ബ്ലോക്ക് കോണ്‍ഗ്രസ് പ്രസിഡന്റ് കൂടിയായ ടി.വി. ചാര്‍ളി വൈസ് ചെയര്‍മാന്‍ പദവിയില്‍ എത്തുന്നതു മൂന്നാം തവണ
ഇരിങ്ങാലക്കുട: നഗരസഭ വൈസ് ചെയര്‍മാനായി ഭരണകക്ഷിയംഗവും 30-ാം വാര്‍ഡ് കൗണ്‍സിലറുമായ ടി.വി. ചാര്‍ളിയെ തെരഞ്ഞെടുത്തു. ഭരണകക്ഷിയായ യുഡിഎഫിലെ ധാരണ പ്രകാരം 16-ാം വാര്‍ഡ് കൗണ്‍സിലര്‍ പി.ടി. ജോര്‍ജ് വൈസ് ചെയര്‍മാന്‍ സ്ഥാനം ഒഴിഞ്ഞതിനെ തുടര്‍ന്നാണു തെരഞ്ഞെടുപ്പ് വേണ്ടി വന്നത്. തെരഞ്ഞെടുപ്പില്‍ ടി.വി. ചാര്‍ളിക്ക് 17 ഉം എല്‍ഡിഎഫില്‍ നിന്നുള്ള വൈസ് ചെയര്‍മാന്‍ സ്ഥാനാര്‍ഥി അല്‍ഫോണ്‍സ തോമസിന് 16 ഉം വോട്ട് ലഭിച്ചു. ബിജെപിയുടെ എഴു വോട്ടുകള്‍ അസാധുവായി. ആദ്യ റൗണ്ടില്‍ ടി.വി. ചാര്‍ളിക്ക് 17 ഉം അല്‍ഫോണ്‍സ തോമസിന് 16 ഉം ബിജെപി സ്ഥാനാര്‍ഥി അമ്പിളി ജയന് ഏഴ് വോട്ടും ലഭിച്ചു. കൂടുതല്‍ വോട്ടുകള്‍ നേടിയ ടി.വി. ചാര്‍ളി വൈസ് ചെയര്‍മാനായി തെരഞ്ഞെടുക്കപ്പെട്ടതായി ഭരണാധികാരി യമുനാദേവി പ്രഖ്യാപിച്ചു. തുടര്‍ന്നു ടി.വി. ചാര്‍ളി വൈസ് ചെയര്‍മാനായി സത്യപ്രതിജ്ഞ ചെയ്ത് ചുമതലയേറ്റു. ബിജെപിയില്‍ നിന്നുള്ള വാര്‍ഡ് 39 മെമ്പര്‍ ടി.കെ. ഷാജു തെരഞ്ഞെടുപ്പ് യോഗത്തിന് എത്തിയിരുന്നില്ല. നഗരസഭ കൗണ്‍സിലറായി നാലാം തവണയാണു ടി.വി. ചാര്‍ളി തെരഞ്ഞെടുക്കപ്പെട്ടിട്ടുള്ളത്. നഗരസഭ വൈസ് ചെയര്‍മാനാകുന്നതു മൂന്നാം തവണയാണ്. കെഎസ്‌യുവിലൂടെ പൊതുപ്രവര്‍ത്തനം ആരംഭിച്ചു. കെഎസ്‌യു തൃശൂര്‍ ജില്ലാ വൈസ് പ്രസിഡന്റ്, യൂത്ത് കോണ്‍ഗ്രസ് നിയോജകമണ്ഡലം ജനറല്‍ സെക്രട്ടറി, മണ്ഡലം കോണ്‍ഗ്രസ് പ്രസിഡന്റ്, കേരള അര്‍ബന്‍ ബാങ്ക് ഓര്‍ഗനൈസേഷന്‍ സംസ്ഥാന വര്‍ക്കിംഗ് പ്രസിഡന്റ് എന്നീ സ്ഥാനങ്ങള്‍ വഹിച്ചു. നിലവില്‍ ബ്ലോക്ക് കോണ്‍ഗ്രസ് പ്രസിഡന്റാണ്. ഇരിങ്ങാലക്കുട ടൗണ്‍ സഹകരണ ബാങ്ക് റിട്ടയേര്‍ഡ് ബ്രാഞ്ച് മാനേജരാണ്. ഭാര്യ: ജോയ്‌സി. മകള്‍: ഡോ. ആന്‍ ബ്ലസി. മകന്‍: ജോസഫ്. മരുമകന്‍: ഡോ. ടൈസണ്‍ ബാബു പുലിക്കോട്ടില്‍.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
