കാട്ടൂര്‍ പ്രീമിയര്‍ ലീഗില്‍ ദുബായ് വാരിയേഴ്‌സ് ചാമ്പ്യന്മാര്‍
കാട്ടൂര്‍: ക്രിക്കറ്റ് പ്രേമികളുടെ കൂട്ടായ്മയായ കെസിഎല്ലിന്റെ നേതൃത്വത്തില്‍ കാട്ടൂരില്‍ ആദ്യമായി സംഘടിപ്പിച്ച കാട്ടൂര്‍ പ്രീമിയര്‍ ലീഗില്‍ ദുബായ് വാരിയേഴ്‌സ് കിരീടം നേടി. വാശിയേറിയ ഫൈനല്‍ മത്സരത്തില്‍ ടീം കാട്ടൂര്‍ ബോയ്‌സിനെ തോല്‍പ്പിച്ചാണു ദുബായ് വാരിയേഴ്‌സ് സീസണ്‍ ഒന്നിലെ കിരീടം സ്വന്തമാക്കിയത്. കാട്ടൂര്‍ പഞ്ചായത്തിലെ വളര്‍ന്നു വരുന്ന യുവതലമുറയെ പ്രോത്സാഹിപ്പിക്കുന്നതിനു വേണ്ടി കാട്ടൂര്‍ പഞ്ചായത്തില്‍ ഉള്‍പ്പെടുന്ന കളിക്കാര്‍ക്കു മാത്രമാണു കാട്ടൂര്‍ പ്രീമിയര്‍ ലീഗില്‍ കളിക്കാന്‍ അവസരം ഉണ്ടായിരുന്നത്. അഞ്ചു ടീം പങ്കെടുത്ത ലീഗില്‍ 75 കളിക്കാരാണു മാറ്റുരച്ചത്. ലേലം വിളിയിലൂടെയാണു കളിക്കാരെ ഓരോ ടീമും തെരഞ്ഞെടുത്തത്. ചങ്ങാതിക്കൂട്ടം ഇല്ലിക്കാട്, ദുബായ് വാരിയേഴ്‌സ്, തൃശൂര്‍ റോയല്‍സ്, വിന്നേഴ്‌സ് പൊഞ്ഞനം, കാട്ടൂര്‍ ബോയ്‌സ് എന്നീ അഞ്ചു ടീമുകളാണ് ലീഗില്‍ മത്സരിച്ചത്. വിന്നേഴ്‌സ് പൊഞ്ഞനം മൂന്നാം സ്ഥാനം കരസ്ഥമാക്കി. കാട്ടൂര്‍ പോംപെ സെന്റ് മേരീസ് ഹൈസ്‌കൂള്‍ ഗ്രൗണ്ടിലാണ് മത്സരങ്ങള്‍ അരങ്ങേറിയത്.
About Author
സിഐഎസ്‌സിഇ അണ്ടര്‍ 14 ദേശീയ ഹാന്‍ഡ്‌ബോള്‍ ചാമ്പ്യന്‍ഷിപ്പില്‍ അഭിമാന നേട്ടവുമായി ക്രിസ്റ്റോ 
കാട്ടൂര്‍ ലയണ്‍സ് ക്ലബ് സൗജന്യ മെഗാ മെഡിക്കല്‍ ക്യാമ്പ് സംഘടിപ്പിച്ചു 
ഇന്റര്‍സോണ്‍ ഖോ ഖോ മത്സരത്തില്‍ തുടര്‍ച്ചയായി മൂന്നാം തവണയും ഇരിങ്ങാലക്കുട ക്രൈസ്റ്റ് കോളജ് ചാമ്പ്യന്‍മാരായി 
ടേബിള്‍ ടെന്നീസില്‍ സ്വര്‍ണവുമായി ജൊവന്ന ജെനില്‍ 
കത്തോലിക്ക കോണ്‍ഗ്രസ് നേതൃത്വത്തില്‍ കനിവ് ഫുട്‌ബോള്‍ ഷൂട്ട് ഔട്ട് മേള; എഫ്‌സി തലൂര്‍ ജേതാക്കള്‍ 
ജെസിഐ ക്രിക്കറ്റ് ടൂര്‍ണമെന്റ്; ഡൈനാമിക് ഡെയര്‍ ഡേവിള്‍സ് ജേതാക്കള്‍ 
